西九 @ 1991

o個截防波堤只係新避風塘既外圍，裏面現時仲保留一片屬於新避風塘既
海面既。

不過我都同意西九龍填海面積相當驚人，看看94/95年左右既相片新填地
末開始發展既模樣就明顯見到。

原帖由 pakchi70 於 2007-3-6 01:45 發表
嗰截防波堤係起緊？
原來填咗咁多地方,真係好驚嚇

相比起來中環而家填緊嘅都唔算係乜嘢.....

西九填海工程驚天地泣鬼神,
西九空地長期廢置體驗老董治港低效率精神.

其實空置又有乜大問題? 當作長遠土地發展儲備不行嗎? 而且:

- 原本的規劃也是長期的, 沒有說一定要一填好海就要立刻發展;
- 填海目的主要是為建西隧和機鐵, 先填好不代表為要立即發展;
- 人口增長放緩, 土地需求已沒預期的大.

我不明白的是，在地圖上可以看到，填海區有不少用地是用了來做馬路，
為何連翔道要起到咁「grand」，同佐敦道交匯的路口中間是不是有預留位？但可以去邊道？
三號幹線同「不知會否出現的六號幹線」那個交匯處也是大得有點兒那個，
更諷刺的是前面起到幾grand，朝朝早都係畀尖沙咀塞返出來塞到去大角咀。

其實簡簡單單實實際際，有足夠的行車線同聰明的編排，都可以行架嗟，那些天橋、交匯處大到山頂都見到～

新避風塘在原規劃裡只是 "中期", 最終會填平的, 所以有佐敦道預留位

至於路 grand, 可能在計算過o既道路車速、安全性等因素而設計; 要唔
grand, 可能車速要大幅減慢, 或者屆時會更塞。

樓主個網站已經有。

http://www.gakei.com/wkr/wkrp1.htm

原帖由 pakchi70 於 2007-3-7 02:06 發表

可否分享一下相片？

我順便分享下我本人上年尾響同一地點影嘅相

原帖由 gakei 於 2007-3-6 18:51 發表
其實空置又有乜大問題? 當作長遠土地發展儲備不行嗎? 而且:

- 原本的規劃也是長期的, 沒有說一定要一填好海就要立刻發展;
- 填海目的主要是為建西隧和機鐵, 先填好不代表為要立即發展;
- 人口增長放緩, 土 ...

如果政府對這幅香港金融中心區對面最後一幅海景地皮有更好的計劃,
慢慢用,按需求發展當然是合理不過.
可惜政府並不把是想把西九臨海地當作長遠土地發展儲備,
而是想將之變成亞洲以及世界城市規劃史上最浪費土地資源的文化基建項目.
如果沒遇上阻滯,這個把香港土地資源投進維港深淵的大工程今年就要動工了.

個人認為,西九最有條件做香港cbd擴展地區,
要搞文化基建,
唔需要用咁大面積,
唔需要用位處三條鐵路交匯,跨境交通樞紐,中環對面的珍貴土地.
西九和東九也閒置了近十年,政府有無想過,文娛藝術區可以係東九搞?

原帖由 pakchi70 於 2007-3-8 00:39 發表
其實你都講得啱...但一齊已成定局......無得改
更何況當年咨詢時好似無乜人提呢個建議

當年咨詢只針對文娛區的設計,
而第一步--西九龍土地用途,應該無咨詢亦唔會咨詢公眾,
完全由政府和城規會決定.

當年經濟低迷,有如此決定尚可理解,
但今日香港已走出谷底,一心向世界金融中心進發,
西九工程錢未撥計劃未有定案,政府應該審時度勢,通情達變,
將文娛區佔地削減.

本人已準備就有關問題去信香港全體立法會直選議員.