KMB(CA9233)麗城夏日樂繽紛

勝利二型可以話係香港巴士一個超級經典,無論老中青既愛好者都會認識及回味,回想當年80年代初,屯門元朗大部份屯門公路巴士線都係用佢,印象最深係66同66M既車種,全配CC字頭牌既車,同其他行60M,68既CG,CH,60行既CA,CB無得比,衹知道比佢跟得尾就實過到你頭,永遠見到既只得車尾牌顯示CC-XXXX既勝利二型,回味.

記得當年66由平頂寶過渡至勝利二型時, 全線換哂CC牌新車, 可見66既重要性(另一條係68); 勝利二型比小弟既第一印象係--嘈!

引擎聲嘈--相比珍寶, 波箱嘈--VOITH波箱運作時產生VV聲, 剎車聲嘈--每次停車都發出頗大"烏烏"聲, 亦曾經成為頭條新聞.

但係呢批車亦帶畀司機苦中作樂既小玩意,CG-CX果批車既吱吱聲既風閘聲,當頭閘尾閘一齊開,再加埋手制聲,吱--吱--吱------------------,標準既三聲令人懷念,仲有司機最鍾意玩既技術,畀盡大油一二波將近轉三波時收油,尤得架車空油轉三波時chop車,爽唔爽??

以前D舊車好多都係3 池
中巴直頭到VA都係咁