原帖由 dennisla 於 2007-4-6 00:59 發表 
見大家講起城巴過境路線，搵到一張以前城巴過境路線0既leaflet，貼出黎比大家睇睇
年份已經唔記得，不過從電話號碼仍然未有2字頭可以大概估到
...
諗返起唔少回憶,記得當時得幾歲既我,坐501非常特別,
因為其餘所有車都係500號,而且屋企人更強調501一日得一班車,
令無知既我有份自豪感,當時晨早要去中港城候車室等車,
出面泊滿哂要過境既500號城巴,就係唯獨要上那架車(141)係501號,
本來上車係要跟座位編號,但係我一家四口差唔多包哂上層,都係隨意坐。
部141停第一城大約半小時後,就出發到沙頭角過境,
過沙頭角無耐,就見到500號深圳市總站,有部城巴利蘭泊在街邊。
當時第一次搭香港巴士上大陸,仲要跟左軚車咁行,真係新奇到極。
記得去小梅沙冇高速公路,係行鄉郊道路,而且週圍都係爛地。
部141大約中午抵達沙梅沙酒店(好記得有個冇水既泳池),
之後部141會一直泊到4:30pm先回程。
我o係沙梅沙酒店住左一晚,第二日搭140回程,
去到中港城大約9pm,部140落完客即走。
屋企人有同141,140留影,可惜我冇scan低,貼唔到上黎...
貼住其他先... |
