「長文」70轉特快

原帖由 cong 於 2007-3-12 21:40 發表


係咪呢個建議呢

正是。

其實我覺得哩個建議唔錯。
一來 70 可以快少少，
二來又可以提供科學園至佐敦、油麻地服務，
分分鐘有助 70 客量呢～

原帖由 SSBT 於 2007-3-12 21:27 發表
新 70 既定位就係可有可無 ..
即係大埔人有得揀 271 唔搭佢 ..
北區人又覺得兜大埔慢，所以唔搭佢

我心目中的新70是用來補充271的不足，
只要唔係拍住部271一同來，
變相等於271加班車，
以現時繁忙時間和晚間的271可以全滿番大埔，
如果70可以吸到呢班客，相信經營情況大有改善，
油麻地無位/甚至上唔到271的情況也有機會獲得改善。

根本無預北區人會搭新70來往市區，因為已經有270A，
況且270A都未飽和。

現時70最多客的路段隨時是往上水時
廣福--上水一段，新70仲可以保存到呢批客
先最實際。

原帖由 SSBT 於 2007-3-12 23:50 發表

正是。

其實我覺得哩個建議唔錯。
一來 70 可以快少少，
二來又可以提供科學園至佐敦、油麻地服務，
分分鐘有助 70 客量呢～

其實繞經多D地方就是否代表可以多D客呢﹖

D客見到30分鐘一班根本已經嚇怕，
幾多個會故意等﹖如果想開拓一
個新市場，唔好以為弄條30分鐘一班
的路線就OK......

你可以說弄一個時間表，但70路線甚長，
好難預得準。

對於一條30分鐘一班的路線，如果成為某條線的輔助，
咁30分鐘一班就不再咁嚇怕人，因為我的新70已經成為
「變相271」，有需求量較高路線的龐大客源做後盾，
先可以走出困局。

70入科學園都係一個好的選擇...
同時間唔行大埔公路亦都唔係一個問題。

將70轉型為輔助271，
倒不如將佢變為271+270A的輔助啦...
最少大埔可以只係停大站，
而唔係逢站就停...
(如寶鄉橋、八號花園、大埔中心、太和等等)

原帖由 china 於 2007-3-12 23:50 發表


我心目中的新70是用來補充271的不足，
只要唔係拍住部271一同來，
變相等於271加班車，
以現時繁忙時間和晚間的271可以全滿番大埔，
如果70可以吸到呢班客，相信經營情況大有改善，
油麻地無位/甚至上 ...

但係淨係做大埔客，
點解唔直接改 70 響粉嶺南開？
反正都唔多乘客搭佢返上水喇…

其實 70 同 270A 路線在北區除上水總站重疊外，
其餘地區都完全無重疊…

其實咁既定位，
相信都幾危險，
好似有ｄ東不成西不就咁…

原帖由 china 於 2007-3-12 23:58 發表



其實繞經多D地方就是否代表可以多D客呢﹖

D客見到30分鐘一班根本已經嚇怕，
幾多個會故意等﹖如果想開拓一
個新市場，唔好以為弄條30分鐘一班
的路線就OK......

你可以說弄一個時間表，但70路線 ...

科學園係新發展區，
可以嘗試繁忙時間兜入去，
相信可以吸引人搭。
況且入科學園都係順路啦…
唔會徙幾多時間…

你個定位做輔助 271，
但係有冇諗過收費問題？
南行就話有分段，
咁北行呢？
有幾多個人肯俾多ｄ錢俾 70？

至於班次方面，
可以考慮加設定點開車時間，
即加設中途站開車時間，
當然係要響大站先係咁做啦…例如科學園，
等人易ｄ預時間

不知70在窩打老道客量好嗎？旺角段彌敦道有冇quota限制？
如果以上的答案皆是「否」的話，我建議：
70大埔不經運頭塘，改經廣福道；
入科學園；
飛沙田；
出窩打老道後，依281A路線，至佐敦道轉入去。

班次執正為20分鐘一班。

理由：
．開拓科學園往返北區的客源。
．上水沒有路線往旺角，而大埔有72X，故與東鐵重疊不能成為拒絕的理由。
．沙田有替代路線往九龍（81，81C，281A），但往北區乘客會被犧牲。

最好就拉埋270A落尖沙咀，好似281A咁入九龍地鐵站，但可能性甚低。

題外話：我昨天搭70由中大出旺角，見到車頭有位帶著行李的大嬸，她結果在新田圍下車。