有冇板友今日去左聽大埔區rdp?

唔知今年火藥味如何?

我反而想知佢會唔會留住 70 呢 ~~~

原帖由 virus 於 2007-3-15 20:36 發表
我覺得唔會有火藥味，
因為極有可能一如往年，全份不予討論。

明天的會議已有一項臨時動議，
要求保留九巴70。

明天?今天早上開左會啦.

唔俾開新線, 巴士公司最多賺少D. 但連蝕本線都唔俾取消, 咁就真係蝕入
肉. 我認為區議會如果對保留執笠線有咁大興趣, 不如動用議會經費去租
車接辦, 然後由納稅人埋單找數, 到時佢想開一分鐘一班70都得.

原帖由 PB602 於 2007-3-15 21:55 發表
唔俾開新線, 巴士公司最多賺少D. 但連蝕本線都唔俾取消, 咁就真係蝕入
肉. 我認為區議會如果對保留執笠線有咁大興趣, 不如動用議會經費去租
車接辦, 然後由納稅人埋單找數, 到時佢想開一分鐘一班70都得.

70蝕到入肉係九巴自己攞來衰，十年多前一樣有九廣東鐵，一樣有271，
咁點解果陣條線一樣係咁旺呢，原因好簡單，十年前70係13分鐘一班車，
今日條線又幾多分鐘一班車？相信大家都心中有數。

再加上今時今日，乘客的口味大多數都係鐘意搭冷氣車，70全冷，客量點
都會比現在好，我成日都搭9.35pm果班冷氣車由男青(約9.42pm後到)返太和
，果班車的客量總算都不太差，樓上多數都有70%客入獅隧，當不少版友
話非空調巴士載住大量空氣時，又點解呢一班冷氣車70客量仍然為持
一定的水平呢？

早在1983年火車電氣化至上水的時候，70早就已經無乜客會由頭搭到尾，
今日270A的乘客中，佢地以前搭的咪又係火車，因此，雖然70及270A
都是由北區往返九龍西，但係佢地的客源完全都唔係同一班人。

只要70有得加班，有得全冷，就算係蝕都唔會蝕到入肉咁甘，不過呢ｄ咁
簡單的道理，一間頑固的九巴，永遠都唔會明白的！

加班與全冷並不是靈丹妙藥。606係全冷，城巴也曾經加密過班次，條路線有缺憾的話，都是枉然。

原帖由 komodo 於 2007-3-16 00:02 發表
打蕈g加密過班次，條路線有缺憾的話，都是枉然。

沒錯, 2D全冷後是什麼光景有目共睹, 同雞鴨DM年代早上滿客落大坑東真係天淵之別

原帖由 PB602 於 2007-3-15 21:55 發表
唔俾開新線, 巴士公司最多賺少D. 但連蝕本線都唔俾取消, 咁就真係蝕入
肉. 我認為區議會如果對保留執笠線有咁大興趣, 不如動用議會經費去租
車接辦, 然後由納稅人埋單找數, 到時佢想開一分鐘一班70都得.

轉做官辦巴士, 在香港當然唔會走呢條回頭啦.
香港勝在有市場力量, 區議員不妨大膽建議, 既然九巴咁唔想做,
最好就拎條 70 號出來公開競投.
九巴有咁大個地盤就話唔志在, 但話唔埋其他冇咁大地盤的巴士公司
對呢條覆蓋面咁廣的路線求之不得.
又或者到時九巴費事俾人踩場, 寧可開個好條件自己做番佢呢.....

70 號實在覆蓋太多獨市位, 大埔公路沿線居民話少唔少
一條行晒大半條大埔公路的路線的確有佢存在價值,
而咁長一條線, 其實已經做緊好多條短線的功用,
假如夾硬用其他短線轉乘, 多多都唔夠, 不設實際;

況且定線又唔太差, 出旺角油麻地快過搭紅小.....
做番雙向分段, 執靚個時間表, 好似 A10 咁全日半個鐘一班, 按時到站,
有得做個喎....

如果係好似當年城巴不惜工本地接手12A，呢個係不錯的提議。

不過，經營一個網絡與經營一條線，背負的東西相差得太遠了。

話說回頭，12A也不見得會有錢賺，也不見得資源得以充分利用。