[列舉文章]形同虛設的小巴分段

原帖由 jackyip 於 2007-3-17 18:15 發表
89/98葵盛圍上去葵盛村都係$1...

這個當然不是用同虛設啦，即使是6座往來葵盛東商場
都唔少人坐，其實如果多D呢種1蚊分段，真係可以方便
到人，因為香港有唔少路程行又唔算近(要十至十五分鐘)，
俾2個幾至3個幾又覺得唔抵(少過三分鐘的車程)，
如果能夠推廣呢D分段，其實係善用小巴/巴士空位‧

新界 10M 由新都城一期（即寶林地鐵站）去慧安園收 $2.0，
由地鐵站行返去慧安園話遠唔遠，但係落雨搭佢就真係一流，
因為出左地鐵站 C 出口之後，行去慧安園竟然係全露天，
兜圈經新都城二期、寶林村又耐好多。

不過無論好唔好天，夜晚平均都有兩個客係呢個站上車，
前幾晚我仲先至知道呢個分段終於加入八仔收費。
（未加價前，10M 所有分段都要入散銀）

原帖由 JN6854 於 2007-3-16 17:28 發表
另外中環畢打街往中環渡輪碼頭/大會堂$1 呢個分段
講實在0個句 有無人(會)用?

各位得閒就可以去畢打街企係度睇下... 大把人用呀~ 絕非奇事....
老實講，如果無 $1 分段，呢堆線可能少好多人搭返上山....

港島52
黃竹坑→石排灣 $2.5
香港仔→石排灣 $2.0

呢兩個分段(特別係後者)都冇乜人用
可能主要係因為52唔入香港仔中心