東區區議會RDP討論結果

原帖由 Choi 於 2007-3-25 22:20 發表
其實可否77停鵝頸橋北行分站，
跟隨789上橋，後在糖水道下橋。
那麼便可以服務灣仔東／銅鑼灣西前往北角／太古／耀東特快？
(收$5.3，參照2x)
反正銅鑼灣往來上述地方沒有快線，說不定殺出一條新的血路。
...

沒法同站候車，沒有吸引力，19 便是一個失敗的例子。

原帖由 cx734 於 2007-3-25 22:29 發表


想同現實可能會唔同,
就算2A同2B梅花地開車,
當經過幾個燈位幾個分站後,2A同2B兩車都會拖卡
形成等了廿分鐘後,2A及2B同時到站
仲有有2A同2B同時到站,
2A上完,2B又停又上,好浪費時間
(車長見兩車路線n ...

唔好話2部2a，小弟親眼所見，
同一時間黎3部8p埋崇光個部，第一部係銅鑼灣特車，
一分鐘後兩部正常既8p接連黎到，見第一部上緊客都係唔識抽頭，
係要停係度頂住條線，我就唔知呢d係咪巴士公司既要求！(不准過前車)
只係見到後面一大堆巴士因為呢兩部8p而塞哂係度！

所以就算開埋條2b又或者加多d車落2a都係冇用的，一日巴士公司有呢條規定，
條路想唔塞都幾難！

[ 本帖最後由 lukin 於 2007-3-25 23:51 編輯 ]

其實大家只要睇下由天后開始，一直去到香港殯儀館既呢段英皇道
有幾多條行車線，而同一時間呢段路又有幾多條巴士路線行經，就
會明白點解條路會咁塞。

每一班車上上落落既時間唔同，而巴士公司以「提升服務」為由一定
要車長對準個站先好開門上落客。呢部用3分鐘，果部用2分鐘，後面
果部要6分鐘，條路又唔可以爬頭 (雙白線)，又或者係爬頭都冇用，呢
頭爬到兩步又要等位入番原有條線。結果，大家一齊係度塞....

2號、8號、99號改路、19縮短，原本去港運城、健威、則魚涌、太古城
等乘客過哂落條2a、77同116身上，問題係，2a，無錯已經加密左車，
但個個站都大把人上大把人落，但北角既道路情況正如我上面所講，就算你
一分鐘一班都好，去到呢個位都係要塞係度等前面既車上落完客先輪到你埋站。
77改做特快既原意係好，之但係要去到北角先上東廊根本對提升服務毫無幫助。
係天后到北角間已經塞左一輪、上到東廊撞到東隧口又係塞一輪，去到西灣河
可能會比行英皇道快得果少少。但原本要搭77既客(部份正因為上唔到2a而改上77
去港運城、健威、則魚涌、太古城)焗住要搭返2a，2a又要加車去serve呢班客，結果
去到該段路又係要塞係度......

所以我之前提出77改係興發街上東廊，學返a12咁糖水道落橋返英皇道，
又或者係跟m722咁行，起碼銅鑼灣同維園去則魚涌同太古既客會改搭佢，
變相減輕左2a既負擔。至於巴士公司加多一兩班車，密返少少個班次，
仲可以乘機加果分段賺多d添。我相信係南區搭77去天后、炮台山既客點都唔夠
銅鑼灣去港運城、健威、則魚涌、太古城多吧？至於南區去天后、炮台山，
則可以搭38、42。咁樣改法，令到更多人受惠，更善用資源吧

原帖由 053h4 於 2007-3-26 00:30 發表


崇光大站, 5分鐘就有成百個客
之後維多利亞公園兩個站通常最多上40人

如果其中一部8p抽頭, 除了崇光客可能上唔到車
巴士也不能運載足夠的乘客

同樣112, 除了崇光\堅拿道天橋底唔抽頭外
過到對面海 ...

當一部係空載的8p去到呢個大站，即是等緊既乘客己經有車去服務佢地
有位坐之餘亦有大把位比你企。至於後面果兩部，唔好意思，我漏講既係
第二部係半滿，而第三部只得三分一滿。第一部剩係上客都用左成十分鐘，
清哂條龍之餘，都未要去到著客滿燈。咁後兩部係到等左10分鐘載得幾多人？

與其係咁既話，點解第三部唔抽頭走人呢？唔通崇光既乘客先係客，維園等緊既唔係客？
而因為呢兩部8p，令到後面幾多條線既車埋唔到站上落客？

完全諗唔明點解係要拎77開刀... ←呢個就係重點
外人認為38,42仲有多餘運載力去做田灣、香港仔
但係就無諗過繁忙時間77會變成38,42,72 0既輔助線
不論收7.0又好6.2又好 一樣照上
原因就係38,42,72上唔到車

講真0個句 真係想減少英皇道東行車流0既
掟幾條線入電器道 比掟上東廊又serve唔到原有班客
繁忙時間又塞車塞到"得不償失"(行車時間仲要編得更長)好
不過咁攪就肯定要0係油街附近整個站俾番炮台山上落班客
唔係一過歌頓道要到大強街0個頭先有站就真係唔改好過改...


今日望番03/04~05/05~06/06~07/07~08南區RDP
無一年重組項目唔係講減車縮線
由2003年RDP開始已經用盡方法意圖將南區對外線搬離繁忙路段
如果唔係區議會力撐 真係想像唔到而家南區對外線會改成點

我覺得而家搞巴士個思維就係好假定條巴士線客量唔得，
就一定要削線重組，但係一條巴士線客量視乎唔只一個因
素，係架車快定慢、覆蓋點、細至巴士公司o既服務質素
(如派咩車、o的車乾唔軌淨、司機態度、甚至可能冇做到
班次素講出黎o既野而常客又摸唔到個服務究竟係點：例
如講明5-10分鐘，但係一時密一時疏，可能有o的客get唔
到個班而改用其他交通)，而家個諗法唔係唔o岩，但係好
似忽略左其他因素咁，咁假若巴士公司服務差 - 如車舊、
污糟等，第日可以大條道理唔理佢而約化為需求太少而
削減服務。

留番俾一條線而加密班次好似冇影響，但個問題係：你
等得o個條線，但o的條線都經相同地方而黎，我想講o既
係如果去一個地方，原本有A線同B線巴士駛經同到達，
而A線要先經塞車點先黎到，咁B線車就可以補充A線因
塞車而脫班，但因為為左重組等原因而得番A線，咁從
呢個case睇，班次好容易唔穩定，若無呢個問題呢，如
果A線經過o既地方發生左交通意外而塞車或封路，咁到
時好多人受影響，而一條線個客源肯定集中哂，2A一定
係好多人銅鑼灣上北角又落好多，成個車程亦會變慢左。
因為個服務好唔flexible。

轉乘其實有Drawback：o的議員提出配套問題，除左佢所
講o既配套，仲有就係班巴士公司同運輸署將人o既行為假
定哂係功利，仲要窄到諗o的市民淨係從金錢去睇件事，如
果平o的就好benefit，亦忽略opportunity cost等問題。第二
就成日以為轉乘唔駛本，轉巴士唔同轉地鐵，同埋香港又冇
轉客設施、亦冇位起到轉乘設施，唔係o的議員點會驚要等
多十幾分鐘呢！尤其香港島內仲要轉車，屋邨真係多老人，
o的議員好似誇大左個point，但其實又唔係。

地鐵飽和都有o的o岩，但議員唔中point，不過地鐵近年繁忙
時間係有減到班，如果巴士減而地鐵又加班，咁都係冇用。

呢份RDP真係要諗清楚先好出，假若巴士係經濟，其實淨係
資源集中唔係太得，唔彈性o既巴士服務先切合唔到每個人
o既需要，下下都話轉車、得番一條線，除左為市民帶來不便，
更重要係個服務難穩定，仲造成反效果......

原帖由 lukin 於 2007-3-25 23:48 發表


唔好話2部2a，小弟親眼所見，
同一時間黎3部8p埋崇光個部，第一部係銅鑼灣特車，
一分鐘後兩部正常既8p接連黎到，見第一部上緊客都係唔識抽頭，
係要停係度頂住條線，我就唔知呢d係咪巴士公司既要求！(不 ...

係呀,
部部車都對正站頭使巴士更不靈活,
更易因等埋站而塞車,
怡和街西行便常常出現,
真係減多多車都唔得店,
其實要班客行一個半個車位上車又有咩問題呢...

原帖由 JN6854 於 2007-3-26 01:05 發表
今日望番03/04~05/05~06/06~07/07~08南區RDP
無一年重組項目唔係講減車縮線
由2003年RDP開始已經用盡方法意圖將南區對外線搬離繁忙路段
如果唔係區議會力撐 真係想像唔到而家南區對外線會改成點

莫說是南區線，連過海線（690, 914等）也是改經禮頓道，甚至RDP也有提出過2X, 8P等也一併改經禮頓道。