N記與C記之迷思

小弟係N記長期用家, 開始學習攝影時係用FM2, 呢部機令我火速學成基本攝影技巧.

o係往後日子, 換過不少唔同款式既機身, N記機身出名硬, 跌撞唔爛, 試過用F3時由巴士上層跌落下層, 機身都只係花左少少!

供N記使用既鏡群, 價錢合理, 質素高超, 選擇眾多, 而且豐儉隨意, 唔夠錢買300mm f2.8, 可以揀300mm f4, 再唔係雜廠都有商量.

但係自從90年代開始, 身邊好多朋友都話C記好, C記正, 正因為好奇心驅使之下, 就入左部T90 + 85mm f1.2, 以當年設計, T90可以話十分先進, 但感覺上不外如是, 同埋實在太過"塑膠", 最致命係某次工作遇上天雨, 相機即刻失靈! 自此之後, 我重投N記懷抱, 同C記絕緣.

時至今日, 相機數碼化已經成為大趨勢, 眼見C記由80年代時只得大約20%市場佔有率, 到而家起碼有一半用家都用5D, 30D, 400D......C記, 係咪真係咁正?

以上純屬個人經驗同意見, 歡迎大家理性討論.

其實咁多人用 C 記只不過係 C 記宣傳
技倆好o者, 不過我當初入 EOS 88 果陣,
先發覺 EOS 88 對焦快, 好用過傻瓜, 自
此之後我就用 C 記到依家.

坦白講, 我唔敢話 C 記正到點, 唔少人話
EOS DSLR o既對焦點唔夠準, 我用緊o既
350D 都有咁o既情況出現. 不過既然買
o左佢, 用呢個 system, 我覺得應該好好
發揮佢o既長處.

N 記o既 D200 o係呢度都有擁躉喎!

P.S. 你買 T90 果陣會唔會係二手呀? 照
計呢款 SLR 係 EOS 出之前最後一款 SLR.

自己而家係半個N記用家(機用Fujifilm，閃燈、鏡用Nikon)

或者由細到大，接觸的相機都係N記，對N記情有獨鐘
由爸爸的FE、到自己第一部DC，第一部DSLR，都離唔開N記

N記做SLR、DSLR的確有一手的
平價鏡性價比都唔差，Prime lens 同閃燈比C記平
加上一支陳年的50 f1.4，都係我揀用 F-mount 機 的原因

當然，要數N記缺點，當然有
最起碼我認為Nikon 做 DC 真係唔得....
雖然近幾年已經有改善，但係要同Canon比真係仲爭少少

Canon 的Marketing Strategy 真係做得好
如果乜機都無的話，我估我已經入左C記之門

不過到而家，我個人對Canon 的出品都係不感興趣
Not my cup of tea

P.S. 你買 T90 果陣會唔會係二手呀? 照
計呢款 SLR 係 EOS 出之前最後一款 SLR.

事實上係朋友轉讓比小弟既......但係我冇問真佢, 原來佢都發覺部機唔掂(但係又唔同我講!!!)......

記得第一部EOS係1987年既EOS 650, 當年C記代理怡和將EOS譯做"電光對焦系統", 我同班同事笑左半粒鐘, 直情同麥潔X隻"電光霹靂舞士"異曲同工!!!

原帖由 KC6994 於 2007-3-27 01:32 發表
不過到而家，我個人對Canon 的出品都係不感興趣
Not my cup of tea

唔單止感覺C記太膠, 部份型號個LOOK真係不敢恭維! 好似EOX 5, EOX 300, 5D, 好肉酸! 係NEW F1, EOX 1D, 10/20/30D叫做好D......

同大家唔係好同,當年我墮進呢個深坑既時候從來冇考慮過c同n,只係考慮過m同p

當年比拼既係EOS 300, F70, Dynax 5, MZ 3/5/6,結果我揀左 Dynax 5,因為機身性能直迫EOS 30同F80,而價錢只係同EO S300, F70同一個level

好彩當年既誤打誤撞冇揀錯到,當我越來越了解四大牌子既特性之後,我發覺我都係鐘意M的感覺,而且係機身操控方面真係好好,而且spec同創意領先其他牌子,最典型既例子莫過於Dynax 7D同EOS 30D,30D重點宣傳既野,D7D一早齊晒,仲送多個AS添,重點係,D7D早過30D出好多.........

不過,我都發現左樣野,唔知點解我見好多 C記d師兄一係就紅圈,一係就副廠,最多都只係原廠既50mm同kit lens,但就比較少用其他原廠鏡,呢樣野同M,P啱啱相反

可能 M 同 P o既人唔係有好多副廠鏡o卦?

我見好多師兄(只限 C 記)每次出街都拎住支
紅圈鏡, 我好羨慕佢地. 不過我覺得有冇紅圈
o既鏡唔重要, 自己o既技術反而重要, 即使唔
係紅圈o既, 如果你o既技術好o既話, 都一樣
影得靚.

好似黃兄講o既 50mm(假設係 f/1.8 大光圈),
雖然好膠, 但係實而不華, 價錢平, 又做到大
光圈.

樓主話 EOS 5D 個樣好炳? 唔係o卦? 話哂佢r
係平民版 35mm CMOS DSLR 喎! 不過佢就
o黎俾新o既後繼機代喇...

我第一部菲林單鏡機並唔係Canon機,當初考慮轉用Canon其實除左因為對焦快外,都係因為週圍朋友都係用Canon ,,影相時似乎可以多d照應,亦可以互相借下配件用,而且以當時budget下(當時我預3000左右買機身)似乎30V比F80吸引,最後就慢慢走入左Canon呢條不歸路   

玩左兩三年對Canon感覺係,Canon機同鏡既階級分野比Nikon鏡大,就好似鏡頭,Nikon就算一d較低價既鏡都有一定質素 ,反觀Canon,可能自己玩耐左要求高左 ,Canon鏡頭除左L系列,同幾支定焦鏡外,中下價鏡頭幾質素表現都係平平,同樣價錢下副廠鏡質素反而有更高質素,或者都係想逼人買貴鏡吧. 又如機身 ,Nikon 近年幾部DSLR由入門至高階設計都好好, 拿上手感覺舒服扎實,呢樣野係Canon就只有中階高階機先做到,就如我用緊既350D ,雖然用耐左都習慣了,但不得不承認佢機身設計確係十分麻麻,好玩具feel,menu掣又位唔多就手;標榜機身細小,但對一個成年人來講卻係細過籠,加左個直倒先叫做好少少(又要另外比錢買,原廠成$920 ),機身係輕，但手柄設計差,最終反而要花多d力去拎實部機，特別係用重身少少既鏡既時候


Canon最大優勢就係好多鏡頭都有超聲波摩打,普及程度比Nikon AF-S高 ,而到左數碼年代 Canon自行研發以CMOS做感光元件,高ISO下noise reduction做得好好,又開發到全片幅CMOS推出FF DSR反觀Nkion暫時都仲要用Sony CCD,間接地要被Sony牽住走 .但近來Nikon既策略仍然不容忽視,如D80既高性價比, D40以低價搶入門客(黎緊仲有D40X)等等

總括來講, 我都覺得Nikon比較用心同用為用家著想, 呢樣我覺得實在比Canon好太多,而Canon就係市場策略同技術取勝.不過入左是但一隻牌子,玩耐左就好難返轉頭 ,呢期5D個價平左咁多真係有d心動 ,不過總係凝住就快有替代品 ,而且功能上,仍然有唔少可改進之處,暫時都係用住舊機先咯

貼返幅我既Canon全家幅先希望遲d仲有得加新成員啦

呢o的咪叫做 '中o左毒冇得返轉頭' 囉!
買o左支 L 鏡隨時 '毒癮發作'!

話時話, C 記o既 '階級觀念' 好強o下, 但
係 N 記都分得好清楚, '階級觀念' 絕對唔
差過 C 記.

1918 兄, 你鍾意部 5D 就早買早享受喇,
除非你唔心急, 等到 7D(?)... 我就望梅止
渴算喇!

原帖由 a396 於 2007-3-27 18:58 發表
呢o的咪叫做 '中o左毒冇得返轉頭' 囉!
買o左支 L 鏡隨時 '毒癮發作'!

話時話, C 記o既 '階級觀念' 好強o下, 但
係 N 記都分得好清楚, '階級觀念' 絕對唔
差過 C 記.

1918 兄, 你鍾意部 5D 就早買早 ...

其實咩牌子都有階級之分,不過Nikon鏡中低檔zoom鏡普遍都係靚過Canon同檔次既鏡
講真中唔中毒講下笑就得,玩耐左,雖然係分到邊d器材鏡定唔靚,不過見到靚鏡就已經無乜所謂中毒感覺,反而諗下點用有限器材影仲實際
只不過如果係自己常用既焦段,負擔得起先買支靚少少都ok既

5D個價係好吸引,不過應該唔會買住了,應該都係等下代睇下點先