From DAB:青衣區2007-2008年度巴士路線發展計劃

原帖由 FBI2 於 2007-3-28 11:26 發表


你睇6和6A傾左十年都未合併到就知美孚個議員幾煩啦...幾十條線經美孚都話唔夠...
仲有,而家青衣成個島D人都比以前有錢左,43C係時候加冷啦,否則只會更趕客...

但43c如果收5.5會更加冇客,因為吾會有人吾上42A而專登等部43C ...
而家好多人都係貪佢便先搭佢...

原帖由 exspeed 於 2007-3-28 01:12 發表


只到旺角既 58x/59x/66x/67x 都同
去到佐敦既 60x 同價啦, 有咩唔合理 ?

我意思係全程

原帖由 hka148 於 2007-3-28 12:24 發表
但43c如果收5.5會更加冇客,因為吾會有人吾上42A而專登等部43C ...
而家好多人都係貪佢便先搭佢...

真實情況係,去深水埗,旺角,唔少乘客見乜上乜,唔理佢係42A,43C.
43C冷馬價$5.5,將會趕客之說,我覺得只係反對加冷的藉口...尤其青衣屬紅小禁區.

[ 本帖最後由 chrisappear 於 2007-3-28 20:08 編輯 ]

原帖由 hka148 於 2007-3-28 12:24 發表


但43c如果收5.5會更布飢^會有人吾上42A而專登等部43C ...
而家好多人都係貪佢便先搭佢...

43C 加冷，可以吸引部份想搭空調車的 42a 長青長康居民見車就上，跟專等熱車之搭客，此消彼長也。

原帖由 天瑞總站 於 2007-3-28 22:48 發表

短期黎講
不如搵幾班正常班次改為不經長安/行青衣西路落長青
好過而家咩都唔搞 個個焗住搭耐車

不經長安係試過
但係最後入返=.=
但係 243M 特快係做得過
最大障礙應該係區議會

原帖由 HJ8325 於 2007-3-28 10:36 發表
41改特快，旺角至長沙灣沿線返青衣（特別係碼頭果堆）就無左個選擇
得番41A，但41A咁旺場，夜晚仲駛上到車？
試過夜晚９點晌九龍尾三個站　（美孚，長沙灣徑，東京街）
都上唔到車，最後都係上番41
無左架4 ...

其實41A應該執一執夜晚繁時後的班次…
而家九點幾至十一點幾呢兩個鐘平鐘七分鐘一班車…
掛牌、柯打差唔多係梅花間竹咁開，
如果可以令呢段時間的班次"tun"早d就好了;

其實有關行走青衣北、中、東一帶既路線
我都有d 野講：

1. 我發覺41A非繁時出九龍都有唔少客
尤其係過左青衣碼頭之後
繁時都唔好講喇
所以佢既班次係咪真係足夠呢？
仲有既係
佢行哂成個西九亦係一個敗北之處
趕時間真係搭佢都十分痛苦
我覺得要轉特快
佢係適合過41
但41真係要好好搞個雙向分段收費

2. 九巴根本唔識善用41
而家佢最致命既問題
根本就係太貴
其實佢地下下講乜「善用資源」
但點解佢地又唔「善用」一下
由旺角單向返青衣既「資源」呢？
佢真係收五個二分段都已經幫41A/44唔少啦

3. 其實44真係一早可以搬去青衣碼頭
(就算我住青怡果邊我都係咁話)
但又係衰果頭既議員同居民反對
但係而家？搬咩呀？
青衣碼頭個站真係分線多過總站線
49x又多車...
仲有既係
44根本係有條件行12米車
唔好忘記佢家陣仲調左去孖坑果邊
呢度入到12米車喎...

4. 43B同243M同青衣島區內線既分別
根本就只係佢地係「區外線」！
佢地響青衣島根本差唔多個個站都有好多人上落
呢度真係你專登開多條由青衣北至青衣南都仲得
(不過請唔好講話家陣已經有條249M
至少佢唔係為長安同青怡果邊既居民服務)
而且睇落去兩條線大部份既路線都係重疊
但係兩線仍然可以響荃灣質爆哂成架車先入青衣
(試諗下喎
響成個荃灣市中心同計埋個西鐵站
都有車返青衣既...幾好呀！ )
而長安果度又有另一班客質爆架車
(朝早更加連41, 42c
甚至連49x都可以響長發質滿哂人
更誇張係我竟然見過有學生
俾十五個幾上948/P搭上山！ )
因為基本上除左長亨果邊佢地做唔到之外
佢地真係做哂成個青衣島既客
(所以41M仲有生存價值就係咁解)
呢個都可以話係因為青衣島既居民
普遍都好鍾意經常出入荃灣同葵芳有關
(不過葵芳就已經有根深柢固既88系綠線
對巴士需求較大既就只有長亨同青衣北居民)
仲有既係
雖然而家有條穿梭南北既88A
但呢條線老實講句
班次都唔係咁穩定
都可以想搭佢又冇
搭到佢佢又要等客
(我發覺d 人穿梭南北都寧願搭班次可靠既巴士)
所以要郁呢兩條線
真係要有好好既配套
否則實俾人鬧死

5. 42c又係一條幾難拆線既路線
因為確實仲有班客係要去麗瑤既
所以如果要拆既話
或者可以考慮開條特別小巴線
經青山公路上去麗瑤

6. 948問題...再講我真係驚俾人鬧！
但鬧都要講多次
不過講七個字夠喇：請改善下午班次！

7. 其實繁時真係可以考慮開49P
雙向唔經荃灣去沙田市中心
(朝早去沙田下晝入青衣)

8. 其實青衣中東果邊入大嶼山既交通
仲有冇改善既空間呢？
而家佢係有條朝十晚三先經既E32
其實我覺得好似唔湯唔水咁
與其係咁騎呢
咁可唔可以索性郁E21全日行南橋
然後經鄉事會同楓樹窩路
再之後行番青衣西路原有路線呢？
來往青衣就加個$8.0雙向分段收費
(不過呢個只係我一個奇想
不喜勿插)

9. N241... 都冇計架喇
最多大時大節又冇地鐵咪先搭車去美孚囉...

其實計落計落
我覺得呢幾區最「冇問題」既路線
睇落好似只係係41M同44M
(又或者只係我未發現到問題掛...)

講真43C 今年轉到冷可能係一個轉機
43 其實之前都比人話 轉冷會少客好多 但效果而家都見到
仲不停加order
而家青衣人見到42A $5.6 都係咁搭 43C 會唔會因為咁而無人搭~?
基本上佢地最大客源係太子打後番青衣 服務同一班客
講真我係青盛苑上車 覺得條249M 好慢成15分鐘先落到去 其實佢可唔可以逆走
佢客源都係青衣長康 長青 美景果邊 如果而家佢係美景唔U turn 直落青桃樓果邊 落警署咁會短好多
同埋用車少好多 加上美景D 人唔洗焗兜 我搭落去繁時都要15分鐘 美景既人起碼20分鐘連上客 未計落樓時間
比著我既話真係走去葵芳搭好過 起碼如果過港島 唔洗行中環果條路
同埋早一個站轉呀 加上東涌線班次好疏 如果條接駁都做唔好 好難再吸引到人搭

[ 本帖最後由 KR7607 於 2007-3-29 01:16 編輯 ]

原帖由 KR7607 於 2007-3-29 01:07 發表
講真我係青盛苑上車 覺得條249M 好慢成15分鐘先落到去 其實佢可唔可以逆走
佢客源都係青衣長康 長青 美景果邊 如果而家佢係美景唔U turn 直落青桃樓果邊 落警署咁會短好多
同埋用車少好多 加上美景D 人唔洗焗兜 我搭落去繁時都要15分鐘 美景既人起碼20分鐘連上客 未計落樓時間
比著我既話真係走去葵芳搭好過 起碼如果過港島 唔洗行中環果條路
同埋早一個站轉呀 加上東涌線班次好疏 如果條接駁都做唔好 好難再吸引到人搭

其實以前我都有建議過一條249P
同249M玩好似落島區既37A同37B咁既行走模式
249M去到美景之後就直落青桃樓再行鄉事會路去青機
249P則去到涌美路口就直行去藍澄灣果邊再上美景
兩線就開聯合班次

其實都唔難發現
除左繁時唔兜上山直行鄉事會路既88F
同埋朝十晚三經青衣中東既E32之外
基本上由青康路一帶「北上」去青衣中東北一帶
所有公共交通工具都一定要經涌美路
結果咪形成「環島遊」既情況囉
而且越近美景果邊就越明顯