你最想叮走那一位問責官員？

原帖由 Aboveday 於 2007-4-3 20:25 發表
董建華的11位愛將,香港開闢以來最廢的11局長基本上可以全部炒清光.
而最黑人憎同廢的,唔係何志平就係李國章.

無能的老闆, 下面必有無能的下屬

我最想叮走的，都係李國章，
教育問題仍是七國咁亂，佢的責任最大。

俾小弟鬧得多0既廖局長
都算係有d成績見下各位(只限環保方面)
[公交方面,拜託佢搵搵業內人士,或者有研究開公交0既朋友
惡補兩、三年啦...
小弟都要四、五年時間學巴士營運概念,實戰經驗就肯定無0架啦
何妨係廖局長,呢個為環保而忘記上帝0既好官呢?]

反而最想掟佢落台0既,真係李國章李大帝
教院事件之中,佢無幫自己學校*爭油水/budget(即係各位0既血稅)??
(*佢未上位之前,就任中大校長)
好難講服小弟:佢無份囉~
仲有所謂0既教改,不知所謂地搵中小學老師開刀
想唔出現多幾個港產亞久津老師(女王)??好難囉~

在此代各位"中大"人出氣
(誰叫小弟0既中大朋友特別多呢?!)

[ 本帖最後由 LNChickenRice 於 2007-4-5 17:15 編輯 ]

原帖由 238X 於 2007-4-3 23:28 發表
好似林瑞麟呢 D 位，邊個做就邊個死。
俾著我係泛民就幾大由得個最樣衰既做，
否則就少好多攻擊機會。

如果要講，都無乜邊個唔值得叮走，
連許仕仁都成個唔想做既款。問題係，點叮。

要在政治議題上攻擊政府，也不著一定要咬著林公公唔放掛？單是雙普選問題，泛民已經大把空間可發揮
如果下屆政府，可以換一個較易與泛民溝通的人士，擔任此席位
也許有助政府與泛民，就普選方案達成有限度的共識

原帖由 chai 於 2007-4-4 02:48 發表

曾蔭權現正極力推薦曾俊華作新一任政務司司長﹐但不知能否即時取得
大陸信任。若否﹐許仕仁或會留任一段短時間﹐又或是 唐英年當不了
特首﹐卻能『微升』一級。

目前傳言的2012特首戰為 曾俊華 對 唐英年﹐當然﹐有中共影子在港
興風作浪﹐變數多得很.....

我都聽過第四屈特首呢單o野, 據講唐財爺
有機會上位. 聽聞唐財爺o既老竇當年同鄧
小平有交情, 所以我諗佢有機會上位.

不過, 有競爭係好事.

林瑞麟，佢個位都唔使做野，經過幾多人大釋法，證明了政制是由中央決定，不是特區政府。
咁點解仲需要呢個位？

林公公,肥平,李大帝呢三個最好早走早著
林公公咁多年都唔知佢做過乜,一點兒貢獻都冇
肥平...佢個位似係食多過做嘢(睇佢個身形就知佢幾好"食")
李大帝,佢可能做事能力方面冇問題,但係做事手法同埋待人接物就真係零分

我最想叮走果位當然是李國章，教育方面唔見有咩成就。
我好憎佢把口，真係乜都係佢講晒，講野又唔識尊重人，
處事手法更加是慘不忍睹。

同埋，李大帝竟然在立法會會議中厚顏無恥地用PDA打機，
之後仲話佢可以一心二用，仲講到佢自己好似好咁，
李大帝咁講真係教壞學生，如果D學生個個上堂學李大帝咁做就........

李國章我覺得真係唔適合繼續做教育統籌局局長，咁講野都得


廖秀冬我都想佢叮走，佢搞環保就真係唔錯，但交通運輸方面就.....差到嘔。
盲目保鐵，咩都向巴士開刀，結果就越搞越糟，未能顧及市民的真正雖求。
廖秀冬對香港交通運輸方面真係要惡補一下，我覺得她對香港交通方面真係無乜概念。

我覺得環境同運輸根本是兩樣野，不過董伯伯當年就夾硬合併佢，真係多得佢唔少，
結果，搞到香港運輸政策一團糟，我建議香港政府應該分拆環境同運輸局。
費時用唔適當的人來管治唔適合的範疇 (廖秀冬管環保ok，但運輸方面極差)

我就揀何志平,佢做左民政事務局長咁耐,完全唔覺佢做過野,
最叻就係人地體育有乜獎牌或成績,佢就搶哂頭閘又祝賀又點,慌死其他人唔知咁,
最記得高麗澤/李靜有獎牌,大合照佢就做[攝石人]夾硬攝o係兩人中間。
民政事務局一有乜東瓜豆腐就搵下面d人黎頂,
咁都可以做局長,香港未來真係係咁先。

李國章同林瑞麟已經有板友詳述,不再多講。