你地覺得我呢位朋友點？

我 = 我自己
朋 = 我朋友
朋2 = 另一些朋友
(所有對白係大概內容)

Case 1 - 買機票：
我：我地不如直接飛返香港啦，咁安全d同方便d，況且果時又咁夜...
朋：飛去深圳平$4xx呀，足夠我地住成個禮拜架啦
我：唉！至多你出$1200，剩番果d我幫你俾喇...
朋：你咁想飛返香港咪自己飛囉，至多咪分開，我無所謂架...

Case 2 - 食晚飯：
朋：我地行埋陶然亭公園後去食飯啦
我：唔係下化？！4點咋喎....都未肚餓
朋：4點唔食得咩？我得架啦...
我：都唔好咁早啦，起碼去到6點食都好吖...
朋：咁你自己等到6點先食啦！

Case 3 - 約出街：
3a -
我：你幾時到呀大概？
朋：6點左右啦
(到6時)
朋2：你去到邊呀？
朋：來緊架啦
(6點半左右)
我：喂！你去到邊呀？
朋：仲晌教會呀~~~
我：你頭先唔係話來緊架咩？
朋：咁多野做嘛...
我：咁你快d啦...
朋：盡量啦...
(佢到達後)
朋2：嘜你遲咁多架...
朋：你等唔到可以唔等自己走先架！

3b -
我：今晚約邊度等？
朋：唔知架，今晚至算
我：咁我要搭車都要知去邊先度到車架嘛...
朋：九龍囉咁...
我：九龍咁大..
朋：唔係好大之嘛
我：.......

3c -
朋：今晚邊度上樂理？
我：未知，今晚打俾xx問
朋：ok啦...我約你就要一早講定邊度，人約你就可以到時先定地點
我：人地一定晌中大範圍，但你係叫我去九龍等喎...
朋：九龍都唔係好大啫...
我：咁我約你時話晌九龍等又好唔好？
朋：我無所謂架...
我：如果你肯俾番車錢我同俾多d時間等我都無所謂既~
朋：唉！都估到係一d唔肯付出既人架啦...
我：我唔肯付出就唔會出成千蚊請朋友去敬拜讚美會啦
朋：咁即係偏待人啫
我：你果d係因為你既問題先令我有無謂損失
朋：咁你可以選擇唔出來架喎...
我：......

Case 4 - 返到遲到：
我：唉！又遲到啦你...
朋：0930前返到去都唔叫遲
我：但你地公司係返0900架嘛
朋：我地公司0930前返到去就得
我：人地係俾你間中有咩事好似塞車咁一時遲咗咋嘛
朋：合約都無咁寫明
我：有d野唔係吓吓要合約寫明架嘛...
朋：咁合約寫話收1800都唔會準時啦
我：人地合約多數都加多句話可因應情況而延長工作時間
朋：咁咪即係廢話...
我：......

睇完以下既對話
我有兩個疑惑
1. 你朋友係咪剛o岩踏入社會甚至仲未踏入社會呀？
2. 其實你係咪得罪過你朋友呀？

你朋友真係自我中心得好過份喎
可謂自己鍾意點就點
都唔會為大局著想既

如果佢淨係對你係咁都或者「好少少」
至少佢既目標只有你一個
但如果佢不嬲對人都係咁既話
佢都可謂得罪人多稱呼人少喎

原帖由 Ketsu 於 2007~4~3 07:45 PM 發表
睇完以下既對話
我有兩個疑惑
1. 你朋友係咪剛o岩踏入社會甚至仲未踏入社會呀？
2. 其實你係咪得罪過你朋友呀？

你朋友真係自我中心得好過份喎
可謂自己鍾意點就點
都唔會為大局著想既

如果佢淨係對你係咁都或者「好少少」
至少佢既目標只有你一個
但如果佢不嬲對人都係咁既話
佢都可謂得罪人多稱呼人少喎

1. 佢同我一樣，01年畢業，02年再考多年會考，中途佢去過進修，到05年正式做第一份工。(不過佢嫌賺得少錢($5800)而決定5月起離職)
2. 絕對無，fd既時候的確可以幾fd，但講野永遠唔會理人感受

以我所知佢除咗因為佢係助導所以對佢教會既人會好d外，對其他既人都係咁上下。

睇完我認為唔應該同呢d人爭論落去
因為無意思

不過,希望樓主再唸唸呢2句有無問題

"我唔肯付出就唔會出成千蚊請朋友去敬拜讚美會啦"
'唉！至多你出$1200，剩番果d我幫你俾喇..."