兩年不在香港=香港非永久性居民=可以拒絕入境,甚麼道理?

各位在海外留學/移居內地養老,
可能一年甚至三兩年才回港一次
但這會被指為香港非永久性居民,
可以拒絕入境,甚麼道理?

話說小弟的親友在香港完成大學學位,之後移居外地,好少回港,
日前帶同妻子探親及觀光。他落機後如一般旅客排隊過移民局,
但被入境處問:「你好多年無黎香港?今次來港目的係甚麼?今次行程帶左幾多錢?
來到香港會住響邊?你年薪有幾多?之後目的地為何處?」

答完就被扣留近兩小時問話,問完之後又將機票、boarding pass、所有證件...都影印,
激到佢鬧左個官好耐,最後入境處話准許入境先平息

這並不是第一次發生,而係今年次次回港都發生


最可怕的係,問人點解發生咁的事,
竟然話俾入境處咁問法係非常好的事, 可以將一些無意在香港定居的人作篩選,
例如郎朗, 呢類人我覺得最好唔好俾佢入境, 佢根本係想借香港護照去用,
唔見得佢對香港幾有心


咁樣講的話,如果我去外地留學,三、四年唔返香港,就可能會被拒入境
即係將《基本法》第二十四條所講的完全廢除?

我想問文中提及的人物，有沒有香港身份證？

係有的,1981年在中國大陸出生,1982年持單程證來港
一直在香港居住、讀書、生活,直到2005年完成大學學位,
畢業後前往外地居住、學習外語及工作,並認識其妻子,
曾在7/2006來港註冊

由於他計劃今年修讀Master學位,預計來港「定居」及工作,
因為他公司考慮調派其回港工作,近日要經常來港談細節,
入香港總要過移民局,但次次都被入境處扣留問話...

我覺得就係，會唔會你朋友有0的不良記錄，所以係入境處個名單內

*靠估

原帖由 virus 於 2007-4-22 22:36 發表
我都覺得樓主唔應該用個別例子
以偏既全地指責入境處的不是，
至少我身邊識得好幾個去左外地定居/留學間中回港人都唔會甘。

若果個個都係甘，我相信入境處都好唔得閒。

奉勸樓主都係叫朋友問清楚入境處每次都要扣查才 ...

這個問題已在ITA(Hong Kong International Travellers Association)的討論區問過(板友johnnybus亦不時在那裏出現)

但有人咁答先驚,故此才在這處發文
在文首已引述那人的講法,現將該文的首兩段貼出供各位參考

你講的事情, 同 BN(O) 情況唔同喎, 反而你應該話香港入境處做法似美加就真
人地問得佢, 已經證明佢唔係香港永久性居民 (等同美加的公民),
例如只係香港居民 (離開香港超過三年) 等, 佢地唔一定可以隨意進出香港的

我覺得, 有咁的制度係一件非常好的事, 可以將一些無意在香港定居的人作篩選,
例如郎朗, 呢類人我覺得最好唔好俾佢入境, 佢根本係想借香港護照去用,
唔見得佢對香港幾有心......

我亦不會以偏既全地指責入境處的不是,因為咁會對郎朗、李雲迪、張敬軒等人不公平
我亦不希望會咁

據我親友所言,懷疑他名字與某些被限制入境人士的名字相同
據知入境處有份名單,不歡迎法輪功成員入境,遇到那些人全都被扣查

當年我過左英國兩年有多返黎都無事
個姐姐仲話“歡迎你返黎”

原帖由 U-157星之Kelvin 於 2007-4-22 20:16 發表
係有的,1981年在中國大陸出生,1982年持單程證來港
一直在香港居住、讀書、生活,直到2005年完成大學學位,
畢業後前往外地居住、學習外語及工作,並認識其妻子,
曾在7/2006來港註冊

他有否申請永久性居民身分證?
看情況他比較像只持有(非永久性)香港身分證

原帖由 Bristoll5g 於 2007-4-23 20:28 發表
他有否申請永久性居民身分證?
看情況他比較像只持有(非永久性)香港身分證

他有申請永久性居民身分證,不過其妻子並非香港永久居民
也沒有持香港身分證,只持簽証來港

就係次次二人一同出事才麻煩
每次1.5小時,十次就係15小時

他次次問入境處發生何事,但得到的係官腔
「今次來港目的係甚麼?今次行程帶左幾多錢?來到香港會住響邊?之後目的地為何處?」

估計二人一定係其中一人的證件有問題

難道要二人分開兩班機來港才無事?

樓住本人是否在香港出生,
如不是,只要離開超過七年,
香港入境處只會要求你重
生係香港連續居港七年,才會
續發香港永久身份證。
所以樓住才會發生以上事情。
如係香港出生,出生紙則無需
這條規條。