深圳機場巴士大全集

深圳機場巴士由 4 月 20 日起大變天，我琴日就去左體驗一下呢批新機場巴士....
(由於相比較多，會分開張貼，請諒！)



香港去就當然係去皇崗口岸坐機場9就最方便啦，出關行上天橋去巴士總站，
行到最尾就會見到棗紅色，非常醒目的「空港快線」。







不過可惜果度無行人路，又無站牌，唔太 user-friendly！不過可以上車等開車。
問過售票員姐姐，佢話而家呢條線 20-30 分鐘一班，稍後會加密到 15 分鐘一班。
呢條問題我係機場亦問過，職員就話全部線主要都係 30 分鐘一班，但月尾更多
新車到位之後，回加密到 15 分鐘一班。

全線由深圳巴士集團開辦的機場巴士新線，都係蘇州金龍的海格 KLQ6119E3
旅遊客車，配錫柴國III柴油引擎。





講返車內設施，全車使用可調較藍色皮高背座位，椅後設有飲品座，可以放小樽
飲品。可惜無腳踏。





車內更設有報警制！



正如其他車，地台比較高，地台下面有行李倉。



車內有攝錄系統。可以見到左下角的售票員，同右上角的畢者，哈哈！



所有巴士都設有 GPS 車輛調配，不過就仍然要人手報站。另外部分巴士
行超過 80km/h，GPS 就會響。我由皇崗出發果程就唔好彩地遇上其中一架。





經過四十分鐘的旅程後，終於到達深圳機場！

原帖由 da54 於 2007-4-23 12:33 發表
所有巴士都設有 GPS 車輛調配，不過就仍然要人手報站。另外部分巴士
行超過 80km/h，GPS 就會響。我由皇崗出發果程就唔好彩地遇上其中一架。

請問呢條線係咪行廣深高速公路往返寶安機場？

國內巴士法定最高時速限制是90km/h，佢地就限80km/h，
如果呢批車行高速公路都仲係行80km/h就真係會幾慢。

我覺得呢D巴士行90-95km/h先響GPS警報會較為合適。

去到機場，終於見到全部新機場線！咁當然要影下相啦...
咁不如逐條介紹下啦~

機場３　來往龍崗水岸新都，途經龍崗汽車站、海關大廈、黨校、龍城街道辦。全程收費35元，行車時間約60分鐘。（路線原稱 659）

仲有個剪綵花球的機場３線....


此車已經有深航廣告～




車尾：


機場４　來往平湖華南城，途經平湖汽車站、晶都城酒店。全程收費30元，行車時間約60分鐘。（路線原稱 660）

在Ａ航站樓的４號線


車尾有閉路電視


機場５　來往公明汽車站，途經松崗汽車站、沙井汽車站。全程收費6元，行車時間約45分鐘。（路線原稱 664）



機場６　來往鹽田東部華僑城，途經沙頭角客運站、怡景花園深圳動漫城、銀湖汽車站、香梅北通業大廈。
全程收費30元，行車時間約80分鐘。（路線原稱 306）





機場７　來往布吉大芬油畫村，途經布吉康達爾汽車站、田華為總部。
全程收費22元，行車時間約60分鐘。（路線原稱 665）

小弟回程時就係坐佢，不過前後兩班相隔 65 分鐘。調度員話係塞車。結果我亦証實佢講得無坐，佢係觀瀾、清湖一帶塞左好耐，結果用左超過兩個鐘先到大芬！





機場８　來往西部通道口岸，途經凱賓斯基酒店、科技園南區、科技園北區。預計07年7月1日投入服務。（路線原稱 318）

機場９　來往皇崗口岸，途經中央商務區（會展中心站）。
全程收費20元，行車時間約40分鐘。（路線原稱 354）







機場１０　來往蛇口碼頭，途經蛇口沃爾瑪、寶安體育館、西鄉客運站。預計07年7月1日投入服務。（路線原稱 359）

[ 本帖最後由 da54 於 2007-4-23 18:05 編輯 ]

個牌寫發動機係YC6G210-30 wor
應該係用玉柴發動機
而非錫柴

原帖由 millertong 於 2007-4-23 15:39 發表
個牌寫發動機係YC6G210-30 wor
應該係用玉柴發動機
而非錫柴

係喎，無留意添！不過有部分車車尾寫係「錫柴」，
咁我估兩間公司的引擎都有~

去平湖同東部華僑城收三十蚊太貴,
不過上車兩蚊搭一個站就抵既

大芬站係擺邊度,
詳細係點行?

攝錄系統有冇影埋行李箱?

原帖由 ksmbh 於 2007-4-23 16:33 發表
去平湖同東部華僑城收三十蚊太貴,
不過上車兩蚊搭一個站就抵既

大芬站係擺邊度,
詳細係點行?

可參考：
新機場巴士路線的途經街道及分站位置

攝錄系統係無影埋行李箱既，不過唔知右下角果個攝錄機
原本係咪影行李箱既。

[ 本帖最後由 2A_DL13 於 2007-4-23 17:02 編輯 ]

「機場５　來往公明汽車站，途經鬆崗汽車站、沙井汽車站。全程收費6元，行車時間約45分鐘。（路線原稱 664）」

溫馨提示
是「松崗」不是「鬆崗」，請勿盲目繁簡對譯。

另外 , 由皇崗口岸去機場我又不覺得太貴啊 , 因為小弟一月有一次由機場出皇崗口岸 ,
坐327五州龍去寶安交通局轉362 , 都要 7 + 7 = 14 , 加多六蚊有機場巴坐 , 我覺得值。

原帖由 ksmbh 於 2007-4-23 16:33 發表
去平湖同東部華僑城收三十蚊太貴,
不過上車兩蚊搭一個站就抵既

大芬站係擺邊度,
詳細係點行?

攝錄系統有冇影埋行李箱?

如果咁岩有車先好，要等半個鐘搭兩蚊就唔掂囉

大芬站就係大芬正門果個站，之後架車會直去唔知邊度掉頭。
我初時以為係 300 區間總站果度，點之架車直去唔見影！

原帖由 ac 於 2007-4-23 17:50 發表
溫馨提示
是「松崗」不是「鬆崗」，請勿盲目繁簡對譯。

另外 , 由皇崗口岸去機場我又不覺得太貴啊 , 因為小弟一月 ...

感謝 ac 兄提示~ 一時睇漏眼，已修正！

講埋乘坐感先：如果將環島大陸通同機場９線比，當然係環島大陸通用車舒服少少，
起碼我真係唔鍾意海格的葉片彈簧避震，真係平路都係度彈彈下！另外雖然佢用新車，
不過係大陸，邊架新車可以 keep 得耐？不過批海格力水唔錯，只係個 GPS 限制左佢...
如果計車程，機場９雖然慢少少，不過沿路無塞車，只停一站，去到福田就上高速~~
咁計落，環島大陸通 $50 vs 機場９ 20 元相比，明顯機場９抵搭，只係皇崗落車過關
要行多一段路。遲 d 機場８開埋，咁就應該可以搶更多新界西北客！香港機場競爭力
又要減分！

好喇... 機場３至１０都係度，咁機場１、２呢？我搵左兩搵，原來應該係講緊呢兩條：
(參考：http://news.sina.com.cn/o/2006-08-09/14579702903s.shtml)

３３０　往來華聯大廈（地鐵科學館站），往市區加停竹子林、投資大廈、火車站（僑社）。全程收費20元，行車時間約50分鐘。


Ｋ５６８　往來羅湖火車站台（商業城），停深圳大學、下沙、聯合廣場。全程收費20元，行車時間約50分鐘。


唔覺唔覺，原來上面架 330 有自訂車牌！

既然係大全集，唔爭在貼埋另外兩條主要路線：

３５５　往來赤灣碼頭，經蛇口、南頭、寶安、西鄉等。上車2元，全程8元。





而家355新舊車都有啦～

３２７　往來福田水上樂園，經華僑城、南頭、寶安、西鄉等。上車2元，全程7元。



另外，仲有其他路線途經機場外圍，在此不予詳述了！

上述資料，不排除有錯，歡迎指正！


[ 本帖最後由 da54 於 2007-4-23 19:02 編輯 ]