鎖定某股作超長線投資 但短期升勢比預期大!

原帖由 TL 於 2007-5-3 18:05 發表
小弟自從學人買股票做投資之後, 一直楂住某股諗住作超長線投資,
由於我對呢種錢搵錢方法睇得冇咁緊, 所以某股之前幾咁悶局都好,
我都一直唔理佢, 只要唔大跌就唔擔心啦!

誰知一踏入 07 年, 某股竟然係咁升, 現價同 ...

唔講名，好無癮架喎
不過斷估你都係講個隻今日升到$8.4 o既股票啦
(都係睇你舊文推斷出來的 :p)

其實你諗住做超長線投資的原因有無改變？
即係話，你點解睇好呢間公司？定還是純粹貪高息？
好多人都話，呢間公司做o既行業有週期性，有起有落
而且你應該都知，如果以呢個行業一向的PE黎講比較，現價已經明顯偏高
但如果你係睇股息，咁keep落去又無乜所謂，反正公司都會繼續派息俾你

P.S.利益申報：我曾經都係呢間公司的小小股東，可惜三月頭跌市
$5.99震走左，諗起都傷心，唉.......
你keep到今日，都好好架喇

[ 本帖最後由 alexero 於 2007-5-3 21:42 編輯 ]

唔講名，無用架 !
睇返基本因素先得 !
長渣唔等於好: #8, #330 優勝劣敗

原帖由 TL 於 2007-5-4 16:31 發表
唔講名又好似討論唔到既!
既然係咁我俾個 number 大家啦的確係 2343.

航運股有週期性我明白, 如果我一直唔放楂住起碼十零廿年,
呢類股份股價會唔會又係週期性呢.
舉個例: 低潮期係 $1 而高峰期可以升到 $10 咁至算, ...

我諗唔會o既, 除非好似廿年前o既股災
重演啦! 我覺得你唔駛咁擔心, 至少 2343
o既 PE 唔算高, 守得住十天同五十天平均
線已經唔錯喇.

我有o左某隻公用股差唔多七年喇, 我果
陣都冇理o既, 直到舊年我開始玩股票先
知佢已經升到廿零蚊.(依家十九個六)

[ 本帖最後由 a396 於 2007-5-4 20:28 編輯 ]

今日2343再升上$8.9
但成交減少近半(逆市減少?)，加上近期大量大行+報紙唱好
可能差不多見頂... 樓主要沽的話，可以考慮下

(個人意見)

呢d情況,我既策略係賺夠自己回報目標就會賺左先,除非好有把握佢會繼續有一定升幅或唔會跌返落黎,袋左落袋先係叫賺,況且根本無幾可可以賺到盡,
而賺左既錢其實一樣可以要黎搵第二隻有潛質既再投資

前排跌777點時我都撈左隻股諗住中線持有,不過近日突然見佢展開升勢,雖然估佢應該可以繼續升勢,最後今日放了,兩個幾月間賺近100%都算唔錯,所以唔大貪喇

[ 本帖最後由 hr1918 於 2007-5-14 23:12 編輯 ]

原帖由 hr1918 於 2007-5-14 23:11 發表
呢d情況,我既策略係賺夠自己回報目標就會賺左先,除非好有把握佢會繼續有一定升幅或唔會跌返落黎,袋左落袋先係叫賺,況且根本無幾可可以賺到盡,
而賺左既錢其實一樣可以要黎搵第二隻有潛質既再投資

前排跌777點時我都 ...

我都係覺得賺夠就走, 留番少少水位俾其他人賺.

去年我入左2369, 當時接近$2, 收左股息之後都要$1.9x, 買完之後一直於$1.5-$1.8浮沉, 到上個月尾突然發力, 我於$2.51賣左, 諗住應該無乜水位, 點知升到宜家最高$5, 誇張!

雖然賺少好多, 但係我無後悔賣左佢.

原帖由 kwaishing 於 2007-5-15 23:21 發表


我都係覺得賺夠就走, 留番少少水位俾其他人賺.

去年我入左2369, 當時接近$2, 收左股息之後都要$1.9x, 買完之後一直於$1.5-$1.8浮沉, 到上個月尾突然發力, 我於$2.51賣左, 諗住應該無乜水位, 點知升到宜家最高$5,  ...

其實真係有得賺已經好好,總好過睇完無買,升多幾都係得個睇字,只能馬後炮
之前研究過好幾股,最後種種原因而無買到 ,結果有d都爆升左上去100%以上
就好似隻2369 ,我睇時大約$1.3-1.5呢d位之間 ,原本因為諗住炒3G概念所以睇好佢，預佢應有機會上到$2-2.5呢d位,後來再三考慮下卻係無買到
結果唔覺唔覺...近排開始爆升,而家成$5 lu

不過近來開始好多個股都飛左上去,某程度上唔知係咪另有啟示