電視劇溏心風暴討論區

溏心風暴已經播完第１至２０集了，下星期會播弟２１至２５集，仲有２０集相信唐家會好多事陸續發生
包括本周大契凌巧（李司棋）趕細契王秀琴（關菊英）出唐家，之後會講到大契及大鮑唐仁佳（夏雨）因
病逝世，之後細契會與細鮑唐至安（陳豪）及凌莉（米雪）敵對爭唐家６億家產，真係未到最後大結局個
晚到未知邊個會爭贏唐家６億家產。最近本港某幾本周刊已出左溏心風暴最後廿集的劇情發展我諗大家唔
好信晒，可能隨時有變，留意電視台劇情發展啦！

不過我在這套劇中想讚一讚兩個人
大契凌巧（李司棋）及楊怡（卓文麗）
先講司棋姐先啦，我覺得司棋姐重返無線拍既溏心風暴牽起城中熱話，我諗司棋姐都相當高興啦，尤其是
大契與細契互相對罵，加上這套劇又咁多好戲之人另加一些當紅既花旦小生包括有陳豪、鍾嘉欣、楊怡、
林峯、黃宗澤及黎諾懿等，我估應該未來廿集收視會繼續上升，加上之前大契凌巧（李司棋）講左兩句金
句「邊個係人、邊個係鬼、我睇得出」「呢到唔係法庭、唔需要證據」先吸引到咁多人收看此劇。

第２個我讚下本人偶像楊怡（卓文麗）
我覺得楊怡繼賭場風雲後又一次突破性的現出，在溏劇中飾演又煙又酒的壞女人，我覺得絕對唔係壤事，
希望楊怡將來會有更多突破性的現出。

歡迎各位板友討論電視劇溏心風暴

據說好似話有個年輕女主角會死........
***如有錯誤  以電視台播放為準  本人謹此聲明***

原帖由 DK704_3N133 於 2007-5-7 19:50 發表
據說好似話有個年輕女主角會死........
***如有錯誤  以電視台播放為準  本人謹此聲明***

林峰個角色會死....
好似楊怡個角色都係....

據說法拉角色會俾人搞...

不過,李司祺和關菊英真係好好戲....但2者比較李司祺都係佔優..

[ 本帖最後由 FBI2 於 2007-5-8 15:48 編輯 ]

呢套劇都算巴閉
都只係做到一半就幾廿本雜誌講佢地既結局發展
而且大家講既野都有出入既

以前其實有d 劇集都會預先講個結局出黎
但係有咁多本講同埋咁早就講
都算係罕見囉...

原帖由 pakchi70 於 2007-5-8 20:47 發表
呢套劇真係超好睇
好戲之人多唔在講,諗對白嘅人都一絕
淨係大契成日講嘅"呢對唔係法庭,唔需要證據,我見嘅就係證據"都已經可以串死好多人
同埋好想常在心快啲同得得地一齊

同埋關菊英都值得一讚
佢真係交到戲
啲表情 ...

未登天子位,先置殺人刀
多兒多女多冤家,無兒無女坐蓮花
不賢妻不孝子,頂扯鞋無法治

以上都係該劇之經典對白~~~~
其實該劇導演都好用心去研究劇本,水平拍得住季節.不過,為左吸引多D
觀眾,就整好多搞笑片段,但係咪真係要咁先令觀眾受落?我就冇乜意見.

原帖由 FBI2 於 2007-5-9 09:00 AM 發表


未登天子位,先置殺人刀
多兒多女多冤家,無兒無女坐蓮花
不賢妻不孝子,頂扯鞋無法治

以上都係該劇之經典對白~~~~
其實該劇導演都好用心去研究劇本,水平拍得住季節.不過,為左吸引多D
觀眾,就整好多搞笑片段,但係咪 ...

早前從報紙得知,原來溏心風暴無論劇情、家族的姓氏、關係都同季節一模一樣 原因不詳
司琪姐的金句真係表現到佢ga威嚴,加上一些搞笑的場面都唔錯 能援和環繞全劇細契與大
契的對手戲,兩個都演得好好,特別係關菊英,真係演得與佢ga角色活龍活現  導演也有考慮到
觀眾的感受(因套劇只有明爭暗鬥,會令他們無mood再睇下去)特地加上適當的搞笑片段,以吸引
更多人開電視~tvb可考慮拍續集,不過之後的故事就要慢慢想啦

[ 本帖最後由 ATR83 於 2007-5-9 20:16 編輯 ]

原帖由 pakchi70 於 2007-5-9 20:23 發表
續集？
我諗可免則免喇
呢類劇續集我唔覺得會好睇
何況第一輯已經成40集,第2輯無理由得返20集丫
大契同大鮑最後都死埋,都唔知續集仲有咩講好囉....
唔通講細鮑阿gil佢地生嘅下一代爭產？ ...

無錯..續集呢d...拍親多數都係失敗收場
而且主要人角都死咁一半...續集仲有乜好講