路遙知馬力

原帖由 DK704_3N133 於 2007-5-16 22:10 發表
請各版友可以列出由1989年4月到1989年6月5日
係天安門發生ge事件詳細講一次?

天安門事件詳細可以去google search下,大可以search到你
心中要求答案

作為一個香港人,當你89年睇到電視機前解放軍用坦克車
同開槍進行清場行動,或者你會明白點解咁多人對馬力先生
那番話感到嘩然憤怒

原帖由 DK704_3N133 於 2007-5-16 22:23 發表

我要ge係版友認識.....唔係人地ge見解

請問何謂 "版友認識"? 又何謂 "人地見解"???

你有幾多認識唔係首先出自人地見解???

1+1=2, 係版友認識, 定係人地見解???


本來你要質疑都算喇, 清清楚楚講出唻咪OK囉...
做乜鬼野要問人地由89年4月到6月發生過咩事???
我就算完全目擊事發經過, 我都冇咁多時間坐嚮度打俾你睇啦大哥....

be reasonable.

原帖由 053h4 於 2007-5-17 00:15 發表

再回看中國
雖然無中共領導敢面對64事件, 但也沒有勇氣去認錯
原因和日本面對二戰一樣
中共權力核心由可以說是來自64後的"穩定"
否定64等同否等現政權的基礎
因此, 個人不認為中共會在短時間內認錯

64唔出兵鎮壓,依此推演下去,中共仲可唔可好似而家咁樣掌權真係一個疑問

雖則話當年學生主要目的是反貪腐,而唔係要推翻共產黨玫權.但如果當年中共唔出手搏一搏(派兵鎮壓清場),中國共產黨既下場就會好似同年東歐各國既共產政權一樣 : 就此玩完.之後文革,反右,大躍進等等問題就自然湧出來,當然受影響,受批鬥既受害者就會紛紛湧出來要求清算/賠償云云 (當然中間亦都會有攪事份子乘機鬧事)

你話到時面對咁多要求追究"毛主席攪出來的禍",中國共產黨仲有冇得維持原狀都成問題(有部份東歐國家仲係嚴打共產黨),當權者(左派老人家們)就更怕到時會比新一代的"紅衛兵"批鬥而不得好死,或者好似江青咁都"該煨".

如果佢唔出兵,答應學生要求,趙紫陽繼續政治/思想自由化政策.老鄧一幫人等就冇"定"企...沒有權力心有不甘,到時就可能又攪政變(好似蘇共91年攪政變..結果? 咪令到蘇共同蘇聯byebye). 下場我都冇眼睇.可能真係會提早進入"中華聯邦"時代.

但佢出兵其實也是兵行險著. 第一,出兵鎮壓平民的和平靜坐係冒住被全世界指責/杯葛的風險來進行. 如果世界各國真的"齊心"不向錢/商機看的話,中國剛開放的經濟也會玩完.跟據維基網,當年全世界只有2個國家係支持中國的行動,一個是東德,一個是巴基斯坦. 其他國家(包括東歐各國及蘇聯)都在第一時間作出不同程度的遣責.

第二,雖說解放軍是黨的軍隊,中國政府架構其實都是共產黨所控制,但係如果軍隊或地方的負責人同情學生,不認同中央政治局的決定而鬧兵變/叛變,隨時被"清場"的是鄧伯伯同他的老人幫. 記得八九當年也有謠言指某軍團真是叛變,同趕去北京清場既軍隊開戰. 不過六四之後不久,中國國內的政軍機構都齊宣佈支持中央當局決定. 當初認同學生既人,一是改變自己立場,保著官位;一是被囚或處死;又或是要逃出國外. 要數領導人被"清場"的好例子,東德同羅馬尼亞就是了. 東德的昂內克比黨內同志趕落台 (不過最後東德都係逃唔過亡國命運,其他德共領導人都係被追究當年殺死逃進西柏林的人的責任),壽西斯古仲衰,直頭比人槍決.

所以我覺得當年鄧老伯出兵只係兵行險著.只係不幸地比佢成功. 中國共產黨仍然保留專政的地位, 鄧老伯,八字鵬同江Naive仍然繼續安坐其管治中國之位 (之後就到胡錦濤同溫家寶).不過代價係趙紫陽就被軟禁,當年學生民運人士走既走,死既死,囚既囚,成不了一股氣候;中國既國際聲譽受到很大的打擊(到而家都未能回復過來,當然某程度上都有國外政界人物利用此事來撈政治資本),國內的貪污腐敗就更加嚴重,兩岸仍未能統一......

為左自己權力,而賠上自己的國家名聲,及帶來往後總總的問題.真的想問鄧小平,楊尚昆,李鵬,江澤民同中國共產黨,當年咁做,值得嗎?

回正題 : 六四鎮壓,跟本就是屠殺. 要和平清場,為甚麼要用全武裝的軍隊和坦克?用公安不行嗎? 馬力,又成了亂改歷史之人. 不能面對問題的真相,不去解決,而只用"不提起,不提出",讓事件在人海及時光中淡忘,先當事件從沒發生,再去改寫歷史.這樣做跟靖國神社及日本右派有甚麼分別?

不過,中共如果真的有勇氣面對,為89天安門事件及其他種種"共產黨所作的好事"道歉,那我覺得,兩岸統一,政制改革,改善人民素質也不會再是空想. 不過不知香港的老左到時會唔會又"今日的我打倒昨日的我"呢?

可能馬先生唔想做主席, 但佢老闆唔肯俾佢走, 惟有出此下策

人在江湖, 身不由己, 佢曾身患重病也不能退下來, 其實都幾值得可憐

原帖由 lok1032 於 2007-5-17 11:02 發表
可能馬先生唔想做主席, 但佢老闆唔肯俾佢走, 惟有出此下策

人在江湖, 身不由己, 佢曾身患重病也不能退下來, 其實都幾值得可憐

馬力自己唔想做主席，我認為斷不會出此「苦肉計」
他此言論一出，對整個泛左陣營之震撼，非他一人可以承擔
他未必敢用此「苦肉計」吧！

原帖由 Cantona 於 2007-5-17 11:17 發表

馬力自己唔想做主席，我認為斷不會出此「苦肉計」
他此言論一出，對整個泛左陣營之震撼，非他一人可以承擔
他未必敢用此「苦肉計」吧！

咁你認為佢發表偉論既背後目的係為了什麼?

原帖由 053h4 於 2007-5-17 12:54 發表


雖然說解放軍是"黨的軍隊"
但事實上, 中共的權利是來自軍隊

因此雖煞其軍隊格構注重其內部平衡
但不少事情軍隊有話事決定權

而原北京駐守的軍隊的確同情學生
但後來北京及軍方有感事情超過學生的參予
發展成工人 ...

當年，中共連夜密召其他省市駐守的軍隊到北京城外候命，當晚入城奉召，屠殺百姓

原帖由 lok1032 於 2007-5-17 11:30 發表


咁你認為佢發表偉論既背後目的係為了什麼?

純粹欠缺政治智慧而已