政治愚問兩則

頭先我行行下街，同阿媽傾偈。
我話：馬力等人既存在完全無問題，但佢地仲有咁多支持者先至最激氣。

阿媽既見解係：
其實香港仲有好多老一代既人真係覺得民主派係洋奴走狗，
做美帝、日寇、台獨勢力既工具。

我心諗：
我都知真係有人寧願中國被外國侵略都唔肯再受呢個政權壓力。
但問題係而家呢班老左又真係壞事做盡。

我就講：我其實寧願佢地早 D 入棺材。

阿媽話：就算佢地死哂，仲有新一代既呢...

[問題一]
其實香港新一代政治人物都未成氣候，
無論邊一邊都好似無乜叫座力。
唔知有 D 國家開始行中間路線，
係咪就係因為經歷鬥爭果一代已經開始遠去？

[問題二]
我知有 D 人想永世唔改，有 D 人要即刻改，仲有一 D 就覺得要等。
我自己認為等係最簡單既方法，但中國係咪已經無乜機會 (=/= 無時間) 再等？
因為內地好似已經開始好多騷亂，台灣問題又好似越來越差。
國民黨咁搞法，如無意外民進黨應該可以長期執政...