電車前既牌

我住左香港島20年, 以前中學日日坐電車, 但好遺憾當時鍾意巴士,少留意電車

但睇多左, 開始發現電車前塊牌好似有d意思, 有時見到版友講呢塊牌, 就好似巴士掛牌咁

可唔可以向小弟解釋下前面塊牌有乜意思呢, 唔該各位師兄

原帖由 wesley 於 2007-6-4 22:11 發表
我住左香港島20年, 以前中學日日坐電車, 但好遺憾當時鍾意巴士,少留意電車
但睇多左, 開始發現電車前塊牌好似有d意思, 有時見到版友講呢塊牌, 就好似巴士掛牌咁
可唔可以向小弟解釋下前面塊牌有乜意思呢, 唔該各位 ...

其實這些牌就是「字軌牌」,它們的功用是負責編排各車長每天的行車路線和時間,意義深長...

以下內容可能有少少深,如果唔明可以再問

字軌牌分為五種顏色,分別是紅、黃、綠、藍及白五種色,

而字軌本身分為九大類,分別為K,N,A,B,C,Ex,Sx,W和200

K字軌行走跑馬地~堅尼地城,所有車開西食西收西,顏色為白色
K1~K24屬早更,K25-K44屬夜更,VECOM系統(詳列本板另一文章「電車裝置」)中輸入代號為1
特別之處是K1或K2會在第一轉之後走一轉銅鑼灣

N字軌行走北角~屈地街,所有車開西食西收西,顏色為黃/橙色
N1~N24屬早更,N25~N48屬夜更,VECOM系統中輸入代號為2

A字軌行走筲箕灣~上環街市
A1~4,A6,A8~11,A13,A15,A28~30,A55~58,A61,A62顏色為紅色
其餘為綠色
A28,A29,A34,A35,A37,A38,A40,A41,A43~45,A47,A48,A50,A52~59有間
A2,A5,A7,A8,A10,A12,A14,A17開西食東收銅
A13,A15食跑(好像還有)
A50,A60,A61食跑
A48,A56,A57,A59,A63,A64開銅食東收西
A1~A37屬早更,A38~A64屬夜更,VECOM系統中輸入代號為3

B字軌行走筲箕灣~跑馬地
B5,B9,B13,B15,B17,B19~B22為紅色
其餘為綠色
B17,B20及B22有間
所有早更開東
B12,B21開銅食東收西
B1~B11屬早更,B12~B22屬夜更,VECOM系統中輸入代號為4

C字軌是眾字軌中最複雜者,分為三大類
第一類行走銅鑼灣~堅尼地城,顏色為綠色
C1~C6,C8~C10,C12~C14,C16~C20,C23,C27~C29,C31,C32,C34~36,C38,C40,C41,C45~C50
C1~C14中的第一類者屬早更
C16~C20,C45~C50屬中午更
其餘第一類者均屬夜更
第二類行走筲箕灣~上環街市/跑馬地,顏色為紅色
C1~50中並非第一類者均屬第二類
C7,C11及C15為早更
其餘第二類者屬夜更
第三類是假日字軌
C51~72之中,
單數為紅色,行走筲箕灣~上環街市/跑馬地,每12分鐘一班,開東食東收東,全為有間
雙數為綠色,行走銅鑼灣/跑馬地~堅尼地城,每12分鐘一班,開西食西收西,全為無間
VECOM系統中輸入代號為5

Ex字軌已取消,顏色為藍色
Ex1~Ex10全為假日夜更字軌,
Ex30,Ex31,Ex34,Ex37及Ex40為通宵/延長服務臨時字軌,VECOM系統中輸入代號為6

Sx字軌分為兩大類,全均為兩集字軌(中間休息3小時),顏色為黃色
Sx2,Sx5,Sx8,Sx10,Sx12,Sx15及Sx18為西面自由調配字軌,開西食西收西,全均無間
其餘均為東面自由調配字軌,開東食東收東,全均有間
此路線以女工開為多
VECOM系統中輸入代號為7

W字軌有4輛,行走上環街市~堅尼地城,顏色為藍色,同為兩集車
上午出廠順序為1,2,3,4
下午出廠順序為4,1,2,3
根據官方查詢熱線,每班車間隔為9分鐘一班
VECOM系統中輸入代號為8

200字軌是特別字軌,只此一輛,
行走順序
西廠-->筲-->跑-->筲-->西廠(休息) 或 西廠-->筲-->屈-->北-->西廠
完成上述行車之後,便開200號電車清洗路軌及維修,
確保沿線路軌均安全,於尾班車收車後出廠,至翌日頭班車出廠前回廠
VECOM系統中輸入代號為200(直接按)

[ 本帖最後由 4437 於 2007-6-5 19:53 編輯 ]

「有間」與「無間」有甚麼不同？

原帖由 ccicoltd 於 2007-6-5 08:22 發表
「有間」與「無間」有甚麼不同？

C和Sx字軌有間的是東廠開工，沒有間的則是西廠開工。
A字軌「有間」和「無間」的分別忘記了……

原帖由 ML29 於 2007-6-5 10:56 發表

C和Sx字軌有間的是東廠開工，沒有間的則是西廠開工。
A字軌「有間」和「無間」的分別忘記了……

東
Sx1,3,5,7,9,11,13,15,17
西
Sx2,4,6,8,10,12,14,16,18

原帖由 38．HKT．138 於 2007-6-5 11:23 發表

東
Sx1,3,5,7,9,11,13,15,17
西
Sx2,4,6,8,10,12,14,16,18

唔好意思
閣下搞錯左Sx字軌啦
上文本人寫的全部屬實

原帖由 4437 於 2007-6-4 22:50 發表


其實這些牌就是「字軌牌」,它們的功用是負責編排各車長每天的行車路線和時間,意義深長...

以下內容可能有少少深,如果唔明可以再問

字軌牌分為五種顏色,分別是紅、黃、綠、藍及白五種色,

而字軌本身分為九大類, ...

4437兄, 多謝你咁詳細既資料, 希望可以解答我既問題

1. 開西食西收西, 西係指屈地街定堅城?

2. 點解同一個字軌, 會有唔同顏色既? 有間有無特別意思? 如果無, 點解電車公司咁無聊去做間呢?

3. B字軌開銅, 但無個字軌收銅, 難道就係我有時見到駕駛位有2個司機既原因?

4. 點解c字軌做到咁複雜?唔將第2,3類撥入其他字軌度,或者開個新字軌? 仲有我所見到既, 銅鑼灣去堅城車唔算好多, 但點解會有咁多架? 我見銅鑼灣開去上環街市多喎

5.C字軌行筲箕灣~跑馬地/上環街市, 係開一程去上環, 返到筲箕灣轉做行跑馬地? 定另有其他?

6. sx字軌點編排完全無任何根據? 就只聽站長指示? 會唔會有d混亂呢?

7. 200號字軌係唔係一架特別既電車, 有特別目的, 如果唔係點清洗路軌同維修?

8. 我以前響筲箕灣讀書, 都會偶然見到有車行堅城至筲箕灣, 而家係唔係無左呢個字軌?仲有響總站有時會聽到站長叫司機由跑馬地改去上環或上環改去跑馬地, 咁係c字軌先至會咁做, 定係其他車都有可能比站長"踢車"呢?

原帖由 wesley 於 2007-6-6 21:21 發表

4437兄, 多謝你咁詳細既資料, 希望可以解答我既問題

1. 開西食西收西, 西係指屈地街定堅城?

2. 點解同一個字軌, 會有唔同顏色既? 有間有無特別意思? 如果無, 點解電車公司咁無聊去做間呢?

3. B字軌開銅, 但無個 ...

我嘗試解答你部分問題：

1.「西」是指屈地街廠。

2. 不同顏色、有間沒間都有特別意思：A、B字軌紅色底在
西灣河廠/筲箕灣交更，綠色底的在銅鑼灣交更；至於有間
沒間，Sx字軌的分別上面提過，A、B字軌的分別我就忘記
了……

3.有兩個司機在同一部車上，不是駕駛那位司機已經收工，
只是「搭順風車」。

4.我都不知為何要搞到這麼亂……其實以前仍是用H、S字軌分
東面字軌的年代我覺得還簡單……現在C字頭那堆東面字軌前
身應該是S61-88/A61-88。

5.好像沒有定，其實A、B字軌都不是全日行走同一條線，我見過
A、B字軌司機那本字軌小冊子不是每一轉都到西港城/跑馬地。

7.200號電車是一部特別的電車，負責清洗和維修路軌，做200號
字軌的司機深夜就是要負責駕駛200號電車出動，但開工初段就
當然不是駕駛#200出來載客，而是駕駛普通電車。

8.任何車都有可能被站長「踢車」，現在好像沒有固定字軌做
筲箕灣至堅尼地城班次，但經常會有C(銅鑼灣)、K字軌的車被
「踢」去筲箕灣，然後做長途班次到堅尼地城。

原帖由 wesley 於 2007-6-6 21:21 發表

4437兄, 多謝你咁詳細既資料, 希望可以解答我既問題

1. 開西食西收西, 西係指屈地街定堅城?

2. 點解同一個字軌, 會有唔同顏色既? 有間有無特別意思? 如果無, 點解電車公司咁無聊去做間呢?

3. B字軌開銅, 但無個字軌收銅, 難道就係我有時見到駕駛位有2個司機既原因?

4. 點解c字軌做到咁複雜?唔將第2,3類撥入其他字軌度,或者開個新字軌? 仲有我所見到既, 銅鑼灣去堅城車唔算好多, 但點解會有咁多架? 我見銅鑼灣開去上環街市多喎

5.C字軌行筲箕灣~跑馬地/上環街市, 係開一程去上環, 返到筲箕灣轉做行跑馬地? 定另有其他?

6. sx字軌點編排完全無任何根據? 就只聽站長指示? 會唔會有d混亂呢?

7. 200號字軌係唔係一架特別既電車, 有特別目的, 如果唔係點清洗路軌同維修?

8. 我以前響筲箕灣讀書, 都會偶然見到有車行堅城至筲箕灣, 而家係唔係無左呢個字軌?仲有響總站有時會聽到站長叫司機由跑馬地改去上環或上環改去跑馬地, 咁係c字軌先至會咁做, 定係其他車都有可能比站長"踢車"呢?

首先要多謝ML29兄幫我答左部分問題.

1.
(已答)

2.
其實,有間,冇間,紅色,綠色有唔同既意思
2004年3月1日(H,S轉A,B之日)至2006年7月24日(新時間表生效前夕)之間就有意思
對早間黎講,(A1-30,B1-21)
紅色無間/有間係指"收東"(A1-4,6,8-11,13,15,28-30,B5,9,11,13,15,除B17,19-21收銅東)
綠色無間/有間指"收銅"(其餘A,B早更字軌)
對夜間黎講,
紅色無間(當時由A31-A59,無此類)
紅色有間指"開東收東"(A41,43,55-58)
綠色無間指"開東收西"(A31-33,36,38,39,42,46,49,51)
綠色有間指"開西收東"(其餘字軌)

3.
B字軌冇收銅係唔正確既,
因B3,B5同B8都係收銅.
另外,如有兩個司機係同一架車上面,
第一個原因係ML29兄所講既,
另一個原因係師傅教車.

4.
回ML29兄,
第一代A,B係以C81-89做東面夜間字軌,
因為當時B早更字軌有21個,
所以唔需要做東早既C字軌.
另外,當時係C61-89之中,
係冇C76-80既(各位版友冇發覺咩?我都係睇番更表先知),
因為C61-75當時係用黎做東面假日早更車.

5.
C車其實同A,B字軌一樣,都係上跑混雜.
通常有以下既行法:
開東廠車:
東廠-->上-->筲-->跑-->東廠食飯-->上-->東廠收工(簡稱兩上一跑行法)
東廠-->跑-->筲-->跑食飯-->筲-->跑-->筲-->跑-->東廠收工(簡稱四跑行法)
東廠-->上-->筲-->上-->東廠食飯-->上-->銅東收工(簡稱三上行法)
東廠-->上-->筲-->跑-->東廠食飯-->上-->銅-->上-->銅東收工(無簡稱,通常為收銅大補水車行法,如A29等)
開西廠車:
西廠-->筲-->上-->東廠食飯-->跑-->上-->筲-->銅西收工(無簡稱)
因為行車時間關係
所以有部分時間有好多車一窩蜂去上環(例如第一轉)或跑馬地,
導致班次失衡.
夜間方面,通常係早間行車次序既相反.

6.
東面車:
Sx1,4,16行法:
上集:東廠-->上(直出)-->北-->上-->東廠
下集:東廠-->筲-->上-->北-->上-->東廠
Sx3,6,9,11,14行法:
上集:東廠-->筲-->上-->北-->上-->東廠
下集與上集相同)
Sx7,13,17行法:
上集:東廠-->筲-->跑-->筲-->上-->東廠
下集與上集相同)
如車需要洗車,則行(只有上集才會洗車)
東廠-->(筲)-->上-->銅-->西廠洗車-->筲-->東廠
西面車:
所有:
上集:西廠-->銅(直出)-->堅-->跑(或銅,依照時間)-->西廠
下集與上集相同)

7.
(已答)

8.
只要跟更表做事,任何車都可以"踢"
要留意筲堅的固定班次.
(雖然查詢熱線已取消班次錄音,其實仍有數班電車,包括15:16在堅尼地城開出往筲箕灣的班次)

P.S.
筲箕灣-->西環博長途小貼士

如果想搭長途車(又冇要轉車)既時候,
最好係搭連續幾架上環既第3或4架,
因為到上環有機會俾人"踢"落西環,
間接慳番兩蚊.
不過呢個技術係要足夠經驗先博到,
同埋要睇番唔同字軌既收工或者食飯時間同慣常行車順序.

原帖由 4437 於 2007-6-7 19:24 發表


8.
只要跟更表做事,任何車都可以"踢"
要留意筲堅的固定班次.
(雖然查詢熱線已取消班次錄音,其實仍有數班電車,包括15:16在堅尼地城開出往筲箕灣的班次)

想問這些班次是否由西面車負責？
我還記得早上約七時四十分和晚上九時半前都好像固定有
兩班車由筲箕灣開往堅尼地城；
另外我經常看到K43車黃昏時開往筲箕灣，再由筲箕灣開往
堅尼地城，不知有是否固定的編排？