ＤＳＬＲ相關及４００Ｄ幾問

小弟部Canon A95都玩左兩年，開始滿足唔到自己
想換相機，但係Canon S系越出越無新意
縱觀400D既評價好似都唔錯，但小弟對DSLR既知識絕對係有限公司
有幾條問題想請各位前輩解答，感謝萬分。
以下係關於DSLR或相關既問題
１)請問點樣將DC中既光學變焦倍數轉化成焦距(mm)？
２)乜野係直度？
３)CPL既作用係減低反光，影風景時會否減低由煙霞做成之朦朧感？

以下係關於400D或相關既問題
４)請問400D Kit Set會包D乜野？街價同淨body差幾遠？
５)Kit Set果枝EF-S 18-55mm f/3.5-5.6 II睇人地D評價好似麻麻地，其實呢枝鏡有咩唔好處？
６)承上，假如我主要影車以及景，如果淨係買body的話，應該配邊枝鏡好(請提供大約價格)？
７)請問Canon原廠鏡頭通常最細光圈有多少？
８)大廠既遠攝鏡好似都幾貴，如果買副廠鏡既話價錢會唔會平好多？
暫時係咁多，如有再問
拜謝賜答

直度(定直倒)係方便影友打直影o既,
同時增加專用電池o既容量(要有兩粒
電池先得), 通常裝o係 DSLR o既底部.
另外, 400D o既機身細, 可能會影響手
感, 所以我建議 閣下考慮買個直度.
400D o既直度係 BG-E3.

400D o既 kit 鏡有兩種, 除o左 閣下講
o既 18-55mm 之外, 仲有 17-85mm 有
IS 版本, 有 IS 版本貴 18-55mm 約三千
幾蚊. 呢兩支鏡由於係 EF-S, 所以用唔
到o係 1Ds 系, 5D 同菲林機.

如果唔買 kit, 你可以買其他鏡, 我o既
建議係(如果你有銀o既話) :

長鏡 : EF 70-300mm f/4-5.6 IS USM
影車唔錯o既
或
EF 70-200mm f/4 L USM
俗稱 '小小白'

標準 zoom : EF-S 17-55mm f/2.8 IS USM
大光圈 wide 鏡, 最 wide o既焦距乘 1.6
只係約 27mm.
或
-EF 17-40mm f/4 L USM
平價 L 鏡 (wide zoom)

超廣角 zoom : EF-S 10-22mm f3.5-4.5 USM
唯一一支 ultrawide o既 EF-S

價格就去呢度睇睇.

C 記原廠鏡o既最大光圈 :
定焦 -- f/1.0
Zoom -- f/2.8

仲有, 買之前, 最好上 showroom,
有得任試o既!

[ 本帖最後由 a396 於 2007-6-6 17:40 編輯 ]

原帖由 a396 於 2007-6-6 00:32 發表
直度(定直倒)係方便影友打直影o既,
同時增加專用電池o既容量(要有兩粒
電池先得), 通常裝o係 DSLR o既底部.
另外, 400D o既機身細, 可能會影響手
感, 所以我建議 閣下考慮買個直度.
400D o既直度係 BG-E3.

400D  ...

(1) EF-S鏡係不支援EOS-1Ds系列（Full-Frame）、EOS-1D系列（APS-H片幅）、EOS 5D、
全線EOS菲林相機及早於EOS 300D前上市之1.6X EOS Digital....

(2) 影車 + 追車都唔好買70-300mm IS啦，光圈已經唔係大，再加上「外對焦」已經唔洗考慮．．

(3) 最尾O個度.....最大光圈嘛.....(除非你指最細光圈數值....)

原帖由 LA16-3ASV465-51 於 2007-6-5 22:22 發表
小弟部Canon A95都玩左兩年，開始滿足唔到自己
想換相機，但係Canon S系越出越無新意
縱觀400D既評價好似都唔錯，但小弟對DSLR既知識絕對係有限公司
有幾條問題想請各位前輩解答，感謝萬分。
以下係關於DSLR或相關既問題
１)請 ...

(1) [你部DC仔最Wide的35mm相對焦距] x [光學變焦系數] = 「實際」之相對焦距

(2) 正確d....應該叫電池手柄先o岩, 基本function...a396已經講左, 不過「直度」之
所以可以俾用家影垂直相片時唔洗吊手, 你因為佢多左額外一個快門按鈕.....
即係當相機同呢件配件合左體的話, total就有兩個快門鈕......就唔同廠商/System/相機
來說, "直度"上亦會加上"第二個"command dial, 對焦點選擇按鈕,曝光鎖定按鈕等.....

(3) C-PL只係減偏振光，如果個天日日都係"火舞黃沙"FEEL的，加左呢塊野都唔會
化腐朽為神奇......C-PL最常用係拎黎減水面或玻璃表面上的反光.....不過由於
呢件野會減少光線......一般會減~2級(即係進入鏡頭的光線只得番原來的1/4左右...)...
"度縮"D的....拎塊C-PL當減光濾鏡(ND - Neutral Density)用都未嘗不可, 反正塊野又唔平...

(4) Kit set有兩隻, 一隻跟EF-S 18-55mm f/3.5-5.6 II鏡頭, 建議價: $6,380, 另一款跟
EF-S 17-85mm f/4-5.6 IS USM鏡頭, 建議價: $9,680....
唔計鏡頭, kit set會跟...兩隻CD, Power Cord, Charger, 一粒電, User Manual, 相機頸繩,
USB線, AV線
(*****唔包任何記憶卡*****, 店舖"搭單送"的, 又或者自己補錢買就不在此限)

(5) 跟得俾你的入門鏡(EF-S 18-55mm)都唔慌靚得去邊, 佢的缺點可以寫"十大罪狀"都得,
不過如果銀根短缺, 呢支鏡"上車"一流, 加上價錢平 (~$6XX), 爛左都唔多心痛, 粗用必備...
但如果冇左佢, 你就唔會感受到upgrade器材的苦與樂 (即係上左賊船了$$$$$$)

(6) 下次呢d....最好預番條數.....唔係一開Canon "大/小三元"....."大三元"3支埋單~$35,000;
"小三元"3支就~$21,000-22,000......不過, 由於已經夠晒"終極", 買左呢兩set其中之一都唔會
身痕upgrade了....

(7) 以EF鏡為例:
最大光圈 (最細光圈number)
定焦: f/1.0 (EF 50mm f/1.0L USM, 已停產), f/1.2 (EF 50mm f/1.2L USM及EF 85mm f/1.2L II USM, 現役EF鏡最大的)
變焦: f/2.8 (首推"大三元"系列 - EF 16-35mm f/2.8L II USM, EF 24-70mm f/2.8L USM, EF 70-200mm f/2.8L IS USM...
或EF 70-200mm f/2.8L USM , EF-S 17-55mm f/2.8 IS USM)

(8) 副廠通常會平D, 少部分鏡頭的光學質素好過原廠....只限少量...
不過如果你買著支副廠鏡唔夾機身的話, 咁就恭喜晒.......因為好難幫你FIX個對焦問題....
Canon幫你cal機身, 但唔會幫你cal到同支副廠鏡變成perfect match......副廠嘛....
機身也不在它們的管轄範圍之內.....

[ 本帖最後由 stephen413 於 2007-6-6 03:20 編輯 ]

原帖由 stephen413 於 2007-6-6 03:16 發表
略

1)
小弟不才，都係唔識計支18-55最遠可以zoom到幾多倍

2)
BG-E3而家大約幾多錢呢？
我諗住買左機先再考慮加唔加直度...

4)
一枝17-55就貴咁多，如果加3000銀既唔駛買佢枝17-55啦都...

5)
十大罪狀咁嚴重？願聞其詳.......

6)
大小三元都唔好喇...五位數真係擔當唔起
其實我今個月計盡只有$6300 budget，只夠買套Kit Set，如果淨Body另配鏡既話可能要等多幾個月先買

8)
其實我諗住買枝長鏡(大概可以去到9-12x)要黎影船，但係大廠鏡好貴...
不過唔急既，暫時無咁多錢住...買左部機先算


另外又有問題
a)Canon好多鏡都有USM呢個code，其實乜係USM？
b)除左鏡頭布，吹走D塵果舊泵(唔知應該點叫)之外，基本既相機清潔保養工具仲有邊D？
c)DSLR存放問題...除左買電子防潮櫃外，仲有咩方法可以減低鏡頭同相機發霉機會？

非常感謝

原帖由 stephen413 於 2007-6-6 02:30 發表


(1) EF-S鏡係不支援EOS-1Ds系列（Full-Frame）、EOS-1D系列（APS-H片幅）、EOS 5D、
全線EOS菲林相機及早於EOS 300D前上市之1.6X EOS Digital....

(2) 影車 + 追車都唔好買70-300mm IS啦，光圈已經唔係大，再加上「外對焦」已 ...

哎呀... 我攪錯o左, 多謝師兄提點.

根據 C 記最新出o既 EOS Catalogue,
所有現成o既 EF 鏡中, 最細光圈係 :
定焦 : f/32
zoom : f/45

回樓主, 若果以 DC o既焦距倍數計算, 例如
18-55mm 係三倍變焦鏡; 75-300mm 就四
倍.

BG-E3 一手價約 $9xx.

[ 本帖最後由 a396 於 2007-6-6 17:40 編輯 ]

原帖由 LA16-3ASV465-51 於 2007-6-6 16:32 發表

另外又有問題
a)Canon好多鏡都有USM呢個code，其實乜係USM？
b)除左鏡頭布，吹走D塵果舊泵(唔知應該點叫)之外，基本既相機清潔保養工具仲有邊D？
c)DSLR存放問題...除左買電子防潮櫃外，仲有咩方法可以減低鏡頭同相機發霉機會？

a, USM 係超聲波摩打, 英文名係 Ultrasonic
Motor, 鏡頭裡面o既 USM 令到對焦o既時候
變得寧靜.

b, 吹走o的塵粒o既係氣泵, 氣泵o既尖頭有兩
種, 一種係塑膠, 另一種係帶有金屬物料. 我覺
得使用有金屬物料尖頭氣泵o既時候, 要好小
心, 其實用普通塑膠o既氣泵已經足夠. 另外,
要小心保護 DSLR 入面o既 CCD/CMOS.

c, 久唔久都要清潔機身同鏡頭, 好似平時o既
家居清潔咁, 當然你每次影完相返到屋企都要
清潔一下.

原帖由 LA16-3ASV465-51 於 2007-6-6 16:32 發表

1)
小弟不才，都係唔識計支18-55最遠可以zoom到幾多倍

2)
BG-E3而家大約幾多錢呢？
我諗住買左機先再考慮加唔加直度...

4)
一枝17-55就貴咁多，如果加3000銀既唔駛買佢枝17-55啦都...

5)
十大罪狀咁嚴重？願聞其詳.......

6)
大小三元都唔好喇...五位數真係擔當唔起
其實我今個月計盡只有$6300 budget，只夠買套Kit Set，如果淨Body另配鏡既話可能要等多幾個月先買

8)
其實我諗住買枝長鏡(大概可以去到9-12x)要黎影船，但係大廠鏡好貴...
不過唔急既，暫時無咁多錢住...買左部機先算


另外又有問題
a)Canon好多鏡都有USM呢個code，其實乜係USM？
b)除左鏡頭布，吹走D塵果舊泵(唔知應該點叫)之外，基本既相機清潔保養工具仲有邊D？
c)DSLR存放問題...除左買電子防潮櫃外，仲有咩方法可以減低鏡頭同相機發霉機會？

非常感謝

1.約3倍,不過用得DSLR係唔用幾多倍去計,而係以焦距(無限遠時)計算
2.約$950一個
4.貴當然有佢原因,一來有防手震,二有USM超聲波對焦馬達,街價約
$4200,如果用番400D Kit價計其實係抵玩
5.自己上相機討論區就知"有幾差",不過一般初玩DSLR朋友已經夠用,玩
到咁上下先買紅圈鏡未遲
8.長鏡個人就唔多推介原鏡支75-300mm f/4.5-5.6 USM,因為去到200mm以
上焦距已經易失焦同出紫邊,,當然一般用買原廠呢支已經足夠

a.USM係乜?已經有版友解釋,唔詳談
b.氣泵係要買,因為塵係相機敵人之一,成日換鏡定時定候要吹吹粒CMOS,
否則影得一排影日頭相就有黑點,當然如果你覺得囉$300送部機上東企業
11樓抹塵係抵過自己用氣泵吹既話
c.得閒抹下部機,特別成日出入冷氣地方,容易有水氣,要定時用下抹下,部
機會耐用D

[ 本帖最後由 orange 於 2007-6-6 18:22 編輯 ]

原帖由 a396 於 2007-6-6 17:36 發表

哎呀... 我攪錯o左, 多謝師兄提點.

根據 C 記最新出o既 EOS Catalogue,
所有現成o既 EF 鏡中, 最細光圈係 :
定焦 : f/32
zoom : f/45

回樓主, 若果以 DC o既焦距倍數計算, 例如
18-55mm 係三倍變焦鏡; 75-300mm  ...

定焦計.....無邊支細得過MP-E 65mm f/2.8 1-5X Macro Photo....
表面就最細係f/16.....實際@ 5X拍攝時.......

真實光度為f/16 * (5+1) = f/96

我貼幅試機相先...


EOS 400D, ISO 100, f/4.0