本帖最後由 kitarolo 於 2021-4-18 04:11 編輯
主要問題還是ETA實用性
另一帖已有人講新城Apps都會
出現公里照樣倒數但無咗一班車,
可能發生概率低過紅公司咁解……
以前九巴94亦如此,周六
表列每半小時一班,但定點
祗要唔係8號波落大雨都照開,
當然好天時而夠客最密10分鐘
一班都試過,但會唔會引伸營辦商
全部寫晒30分鐘一班,跟從祗准密過
但唔可以疏過嘅規則,運吉又批唔批?
亦如你所講路線嘅獨市性
即係嶼南等鄉郊、保鐵太貴太兜
嘅真特快、市區因塞車嚴重而巴士
無優勢嘅客觀條件,足有決定性嘅影響。
英國部份巴士線行預約制
雖然我唔知實際上係點運作
大量客約咗但唔現身,又不得
不考慮呢個道德風險。雙向地
去諗,有啲車係加班服務但無喺
ETA顯示,唔開就實留後,但也可以
「因沒有疏過表列」嚟睇心情唔開。
「不作事先通知」又是否
需隨住ETA普及而刪走呢條已
過時嘅免責聲明? 預約制/加密
ETA更新率成本高,或建議顯示車牌
(其他地區有無?)定係想個Apps都行
訂閱制兼飛走廣告,令雙方各取所需? |