九巴900開辦消息

零生咁Buy長途線做流水
唔知幾時960 961 978會有$4分段呢?

capricorn 發表於 2021-4-20 20:21
唔係話皇后街唔俾再有新線咩，又會有站嘅？

可能最近做完工程鏟走了部份花槽, 個站的空間大了少少。

053h4 發表於 2021-4-20 19:21
啟德招標係新城地頭。

九巴而家証明生意係點做。

我唔知九巴證唔證明到生意係點做
我只知0生證明到iPower係點「賺」

053h4 發表於 2021-4-20 20:48
調轉係呢條線無咩得做所以比九巴做就真。

退一步講，989而家唔停中環，但如果佢全日由申請停中環，佢唔搶 ...

我又唔係咁睇，九巴唔想投，佢唔會開咁多offer；亦都唔會俾到大埔區$20加咁多雙向（你睇74D佢係覺得食住你，佢根本唔會平）。如果900同東區4條新線地位同等，同樣靚仔offer，九巴好應該可以攞埋東區線做。但係偏偏佢只係中900。

673 大老山上車都 $17.6，宜家900源禾路上車行西隧先收$16.8，所以我個人覺得九巴攞900係志在必得。

個策略同開673差不多，開頭都唔睇好，但係做左隧道轉乘，或多或少係鋪路搶返聯營線。

同埋你睇九巴青沙網呢兩年都積極開全日線，280x/286c/249x/287x/286x，仲有傾緊嘅286，其實沙田區火炭/四美/沙田圍/馬鞍山，要擺青沙線嘅差不多都擺左線，開埋900，就好似Avengers個Thanos咁集齊咁多粒寶石
同埋唔好唔記得，屯馬一開，過海線係點真係無人知；182/680/681有幾多有活口，真係唔知；但你開定一條駁腳，仲要係平；咁就多一個出口。你唔夠快，但你夠平都會有人死慳死抵搭。

所以靜落黎，真心服幫九巴寫標嘅人嘅遠見。

FBI2 發表於 2021-4-20 21:23
所以路線編號都特別過其他

要做西隧線大哥.......好大野心呀 XDDDD

ky927 發表於 2021-4-20 21:57
我又唔係咁睇，九巴唔想投，佢唔會開咁多offer；亦都唔會俾到大埔區$20加咁多雙向（你睇74D佢係覺得食住你 ...

其實你呢個講法係所謂幸存者偏差。
因為你根本唔知道東區個四條線係咪以相同條件及模式入標。

而事實上，呢個投標的條件，有理由相信其他線一致，呢個可参考低價的W2/W3.

而如果只係因為基於政府認為東區四線前境較好而有利於新城持續經營，與疑似將馬有指指派比新巴一樣
似乎更大可能只係政府覺得900競爭大無得做而已。
最後，港島雙向分段本質係幫緊新城減港島流少服務，九巴想做政府無理由唔批。
而都係個句989係可以係全日下申請停中環。

會唔會遲啲建議兜埋沙田市中心，同時轉行全日
反正沙市冇車去中環至灣仔一帶，得單向280X轉乘
（而白石角就有多個選擇出沙田市中心）

btw路線編號係由巴士公司揀，定係運輸署會有份介入決定？

ky927 發表於 2021-4-20 21:57
我又唔係咁睇，九巴唔想投，佢唔會開咁多offer；亦都唔會俾到大埔區$20加咁多雙向（你睇74D佢係覺得食住你 ...

掉返轉咁講，城巴夠膽用沙田價嚟入標都唔會投到，更何況我估城巴無咁大膽
一個青沙轉車站，就算九巴唔俾咁多分段，一句青沙轉車站可以優惠價轉車來回九龍同白石角，就算出九龍要比足全費，回程返白石角先有優惠，稍為比少少優惠已經可以攞到條線番嚟，根本雞蛋與高牆咁樣鬥，除非九巴完全無心投標

FBI2 發表於 2021-4-20 21:23
所以路線編號都特別過其他

終於解釋到點解叫900
特別係全日化搶港島流水客
連冧巴都要易記去搶5B/10客
如果叫乜972/974班流水客轉個頭就唔記得

呢條900每個細節位都戰狼上身

10598C 發表於 2021-4-20 22:33
會唔會遲啲建議兜埋沙田市中心，同時轉行全日
反正沙市冇車去中環至灣仔一帶，得單向280X轉乘
（而白石角就 ...

其實989就經過沙田市中心。

所以，其實900改得入沙中，989一樣落中環，駿洋邨火炭需求唔見得細過900.
而有人睇價錢，989去東區未加價錢都係16個幾，所謂白石角唔見得會貴得去邊。