探討巴士通過收費亭時的危險性

由2021年3月起，小弟坐九巴隧道線時，不時都聽到一個廣播：
"巴士即將減速 通過收費亭，請乘客緊握扶手"

前半部分係因為要比部自動繳費機識別我都理解(雖則以前唔減速都係咁過)，但做咩要驚動埋乘客？

平時部車切線、停燈、埋站要減速時，都唔會特登廣播，過收費亭時部車亦唔會特別震/拋起；究竟系咩驅使九巴咁做？

獅隧Autotoll長期路面不平
之前夜晚搭170就算減速過都明顯會震

但應該唔係主因？

某版友報稱攻擊型巴士要收到 5kph 過獅隧，叫唔叫危險？

因為九巴啲人塊鏡要較到好開先識揸車囉 咁過收廢亭咪要慢慢過囉

成日都有車撞鏡㗎啦，咪要出廣播。提班客係驚個司機過亭前突然dup車啫啩

妤多客慣左部車一出隧道未埋到站就起身行去尾閘/下層準備落車, 又唔算驚動嘅, 善意提醒啫

我淨係知將隧出九龍唔知啲司機硬係唔用最左線 而要去左二 就慢啲行黎驚撞鏡。。。。。 其實開左轉車站都要靠最左嫁啦 而且左一條線又闊啲（少左一邊亭家嘛）    我倒番轉諗  係落車乘客好準備同埋㩒鐘喇。。。。。

唔明點解個廣播要用特大音量，訓左都被厹嘈醒
播完二次再加埋細聲版三語緊握扶手，驚死人唔知咩

仲要成日過埋收費亭先係到播空氣

城隧欖隧大老山要埋轉車站，應該都係最左線過，照計唔會咁易撞掛

唔止收費亭
發覺最近臨到將轉,屯轉都新加左呢句，不過"收費亭"換左"轉車站"

其實不論係咪過收費亭，路上有一段唔平令架車chok起，或者部車喺路上減速，呢D根本係道路交通嘅正常事
真係每次都要播，我諗應該可以不停loop

至於未到站就離開座位，其實未到站就落定尾閘口都係正常現象
除非嗰個站係上落幾十人/Cityflyer嗰D係要勁耐
總好過部車埋咗站開埋門，先要全車人等一個客孜孜然喺車尾行去樓梯、慢慢落樓梯再落車

另外，喺巴士上站立/行走時要緊握扶手，同見有車埋站要伸手截車、落車前要㩒鐘一樣
都
係
C
O
M
M
O
N

S
E
N
S
E
:|