屯門碼頭都有位起架空車站，白石角點會唔夠位？

GK3258 發表於 2021-5-15 09:32
其實白石角設站取代大學站應該可以解決埋原大學站彎位問題，只係要重置個交通交匯處過去白石角嗰邊，地未必 ...

呢個問題比起地皮市值
更要關注,大學站與白石角站
太接近,就算全數R車與新信號
嚟行,都會因為列車加減速問題
而造成「塞列車」但取消大學站
而搬去白石角(兼解決埋月台弧度)
亦幾乎無法被接納。

GK3258 發表於 2021-5-15 09:32
其實白石角設站取代大學站應該可以解決埋原大學站彎位問題，只係要重置個交通交匯處過去白石角嗰邊，地未必 ...

龜龜係有研究過將大學站拉直（搬去現有車站的東面），仲搵顧問畫晒圖。

kitarolo 發表於 2021-5-15 10:00
呢個問題比起地皮市值
更要關注,大學站與白石角站
太接近,就算全數R車與新信號

大學與白石角站距離不算太近，站距更短車站多不勝數！太和／大埔墟、朗屏／元朗、太子／旺角、中環／金鐘、太古／西灣河等，將大學站向東遷移並拉直路軌，已可解決耗時減速入彎及月台弧度問題。

tonyng 發表於 2021-5-15 13:34
龜龜係有研究過將大學站拉直（搬去現有車站的東面），仲搵顧問畫晒圖。
...

呢樣嘢我自己FF咗十幾年，原來內部有諗過！
想問而家係咪放棄咗？成條線最慢嗰part就係大學站，如果拉直到，配合R車性能，可以快多幾十秒。

至於白石角站，如果真係起，大學站都不宜取消，因為會令到崇基、凱悅酒店、中大醫院等由距離車站最近變成最遠，尤其是後兩者多街外人去而應該有良好交通配套，兩站距離也不比大圍至沙田短。白石角站理想位置係中大「羅桂祥大樓」對出，站頭駁住宅區站尾駁科學園，羅桂祥旁邊近博研路可以做PTI及整多一個入校閘口。

HU6455 發表於 2021-5-14 13:46
政府出錢,但無油水抽,照樣話之你,都係吾做！例子:觀塘站擴建

要新地既皇牌場分D股份俾港鐵可能可以換得誘因改善車站設施。

newlife 發表於 2021-5-15 14:42
大學與白石角站距離不算太近，站距更短車站多不勝數！太和／大埔墟、朗屏／元朗、太子／旺角、中環／金鐘 ...

大學站點都要顧及原來中大學生及大埔公路乘客（真係有的話）需要，拉直變咗中大學生落校巴後要延長移動路線唔係咁易解決。

至於用白石角站取代大學站之建議更不設實際，俾你話馬鞍山線可以晌新站開，但原有假日駁船客點處理？

白石角只有三萬零人，唔夠格起站。一個車站週邊坐底要住夠五萬人。

香港黃毛小子 發表於 2021-5-16 21:19
白石角只有三萬零人，唔夠格起站。一個車站週邊坐底要住夠五萬人。

杏花邨人口不足兩萬（ https://www.midland.com.hk/zh-hk/district/%E6%B8%AF%E5%B3%B6-%E6%9D%8F%E8%8A%B1%E9%82%A8-10040003 ）都已享有八卡重鐵站，白石角如南面完全發展，人口肯定唔止三萬，再加上科學園上落班人潮，點睇都應該起個重鐵站俾佢。

newlife 發表於 2021-5-16 22:20
杏花邨人口不足兩萬（ https://www.midland.com.hk/zh-hk/district/%E6%B8%AF%E5%B3%B6-%E6%9D%8F%E8%8A%B ...

杏花邨係地鐵車廠又係佢物業
偏心係絕對正常

香港黃毛小子 發表於 2021-5-16 21:19
白石角只有三萬零人，唔夠格起站。一個車站週邊坐底要住夠五萬人。

科學園工作人口呢？大學宿舍呢？
顯徑站都唔夠五萬人啦，咪一樣起到站

反正白石角都冇乜商業設施（得逸瓏坊一個細商場，同天賦海灣幾間舖），港鐵不如乘機起個商場啦，起埋商場夠養埋個車站吧