遞手示意問題

通常係巴士站離遠見有車黎, 我都會遞手示意的.
不過有時排緊隊, 前面幾位乘客通常唔會遞手, 司機都唔知佢地係咪上車,
於是見我遞手會停正係我前面, 好多時我都要唔上車住, 比前面幾個人上左車
先, 費事好似打尖咁. 試過有一次, 前面有個人唔行過黎, 我就上先啦, 跟住佢
就怒啤我閙我唔排隊...

我諗有車黎要遞手呢下野, 真係要好好宣傳同教育下...

城巴以前有做,
不過港人覺得巴士係奉旨停站呢...

你遞手咁乖，個司機梗係泊到正一正俾你呢位貴賓
如果個人真係唔遞手，你咪大返佢：都唔知你係咪搭0既

香港人，無論條排隊欄係一條線、兩條線定幾十條線，大部份都係唔遞手

記得有次同班車長食飯都有講到呢樣野
其中一個，試過有個情況係
當時架車晌條慢線度行，由於果個站都幾惡埋下
埋完站要抽三條線至可以轉右
當時佢見到個站有三個人排左晌另一條線的鐵欄入面
佢照停正晌果個車站度，仲開埋門，
正當閂門果一刻，有兩個女人衝上車
仲鬧佢: "死巴士佬，你飛站呀，好趕時間咩"
而呢位車長就提佢，"下次搭車，麻煩你地早少少遞手，唔該晒"
個女人就同個車長講: "搭車要遞手咩，仲整個巴士站用來做咩"

其實早幾年d人，搭車都會遞手
而家就少左，有隧道線車長表示，
港島區乘客普遍見到想搭的巴士就到站，多數會遞手
而九龍呢面，就少d
可能同佢地以前俾中記飛站的經驗有關

只可以咁樣講，見到想搭的巴士，遞一遞隻手唔係好難ja ma~
更好的乘客，見到個站得佢自己一個人，而架巴士又唔係佢想搭果架
佢會示意俾個車長知，我唔會搭你呢架

原帖由 nwfb23 於 2007-6-10 13:40 發表
你遞手咁乖，個司機梗係泊到正一正俾你呢位貴賓
如果個人真係唔遞手，你咪大返佢：都唔知你係咪搭0既

香港人，無論條排隊欄係一條線、兩條線定幾十條線，大部份都係唔遞手 ...

無得惡架，分分鐘個客惡晌上0黎
搵另外一樣野port~

如果晌鐵欄入面，係排一條線的，唔遞手問題唔算太大
至少個車長意識上知道呢一班人係搭佢架車
當然，有兩三條線排一條隊，遞遞手，就應該

我會有遞手示意的習慣
一年前，有一次試過見到有車就快到站(2B,2F)，我施施然行埋去，
諗住行到埋去就剛好停車。
點知，我同部車都同預計一樣同時到站，
但係我無遞手，佢見唔到我，咁佢就走左喇(仲要係2F熱狗)。
自此以後，我就點都跑去個站，再遞埋手，包無死。
有時去到多線站，見到我唔搭o既車o黎緊，我直程會離開巴士站些少。
不過，有時其他司機就會有「遞手過敏症」，
唔係指其他線巴士司機，而係的士/小巴司機。
試過一兩次遞手，有的士/小巴就由中線衝埋o黎，
「截」巴士o既「糊」，停正o係巴士站，我都好唔好意思。

我認為巴士公司應該o係巴士站貼lable，叫乘客主動遞手截車。
正如有d巴士站有「請排隊上車」字句一樣，應該可以改善情況，成本亦唔高。

同個車長傾過, 佢以前係中記車長, 之後調左過黎TKO
佢都話九龍呢邊D人唔識遞手, 以為架車奉旨停站咁
所以都幾唔鍾意渣呢邊D線

講開又講
如果個站得自己一人, 個站又有幾條線
黎左一架唔係自己搭O既線, 你地會唔會同個車長示意唔係搭車呢?
我就會"fing"手喇, 有d好人o既車長見到, 都會遞手講唔該

我爸係九巴司機（其實我都講了好幾次），
佢話如果唔搭的話最好係乜都唔好做，因為揮手表示唔搭可能會令司機誤解。

九龍呢邊大部分會最多3條線一條龍，不太混亂，
我尋日過海，一個站幾條線，連排隊欄都冇，梗係要揮手截車啦。
而我就算企在只有一條路線的排隊欄都會遞手，
我印象中九巴以前有教育乘客揮手示意停車的，不知為何現在沒有。

唔知係咪真係有一部分人唔識理解圖像，馬鞍山保泰街286M/681P在同一上蓋下分兩條龍，
ｄ人成日企在681P那邊等286M，有時甚至係走過來286M這邊睇完走返過去681P那邊，
681P唔係全日線都好些，如果兩條都係全日線真係唔知停唔停畀你好。

[ 本帖最後由 DIH 於 2007-6-10 16:52 編輯 ]

如果唔係搭車, 有時都會fing手向司機示意.
不過亦會用轉身背向司機來暗示唔會上車.

講開港島九龍乘客遞手習慣,
我又有個睇法.
會唔會係:
港島繁忙道路巴士多, 但排隊欄少 (甚至冇), 所以乘客養成遞手習慣,
而九巴服務地區好多時都有排隊欄, 大部份一隊一線,
所以乘客會養成排隊但唔遞手習慣.

其實只要睇下銅鑼灣一帶巴士站就知.
崇光門口巴士站亂過打仗,
前面怡和街隧巴站就排得幾咁整齊.
對比相當大.