屯馬線二期擬在下月通車，有咩巴士會GG？

kingprowm 發表於 2021-6-2 11:03
我冇話過要直出

我針對既地方係青衣內 41 客量，長安佔一定數量，絕對有權要求分返幾部車做長安巴士線

而家玩諸侯割據呀？果然係大帝思維

再坳落去都冇意思

有時間就睇吓另一標題特工兄向另一位師兄既理性分析

teddybus 發表於 2021-6-2 11:30
而家玩諸侯割據呀？果然係大帝思維

呢樣野全香港每一區都發生緊，做人貼地 D 好

山頭主義每區都有，相信呢部每位版友都成為過山頭主義既受益者和受害者

淨係識開口埋口話人大帝

teddybus 發表於 2021-6-2 11:28
你以為冇唔代表真係冇

其實跨聯網覆診係一件好多人都有做嘅事, 尤其係某啲專科

teddybus 發表於 2021-6-2 11:28
你以為冇唔代表真係冇

我冇話冇

只不過人數是否足夠值得養一條巴士線
仲要 45 呢條線明顯唔會係一條賺錢線

AlphaNonsense 發表於 2021-6-2 10:19
開新線都可以減車走...
要減車走就點都會減到
反正41同45都斬唔到，而家青衣要加車都難搵資源（除非天降） ...

以目前九巴既思維，一定寧願先申請將 41A 和 44 換 12.8 米，去解決問題

除非青綠街青葉街行唔到大車，否則兩線申請轉用加大車都係遲早問題，連旺東線都批 12800，我就唔相信 44 會肥旺東段

你估加車咁容易咩

所以我見解一定係線換線對當區居民利益較大

3B/5：
估計會只留低一條服務富山，5 號仔做嘅新蒲崗無咁近屯馬綫，
而且富山出尖沙咀直車又淨係得佢，照計 5 號仔有好大可能留低取代 3B。

5A/5D/13X/224X：
屯馬綫二期通車後，啟德搭鐵去尖東只需 10 分鐘，
但依家 5A 晴朗去尖碼好似都要半個鐘，加上兩繁又要塞紅隧口，
晴朗離啟德站本身唔係遠，估計通車後都會走一部分；
而 5D 就預見啟德紅土客量會跌，啟麗紅土如果去啟德站駁鐵就凶多吉少，
13X/224X 尖咀客同理，不過啟麗始終獨市，應該好難講 bye bye；
個人認為最理想嘅係 5A/5D 合併，啟業來往尖碼，
途經麗晶、晴朗、承啟道、下路、紅磡繞道同梳士巴利道，
28 改經全段下路，回程行承啟道返樂華，取代 5C 流水功能就功德圓滿。

5C/5P/5X：
慈雲山人坐 5C 去尖沙咀實在太慢，分分鐘屯馬綫轉車會仲快，
5P 都分分鐘不保，所以 5X 提升至半全日甚或全日都係明智之舉，
再進一步就希望 5X 走線上可以更有彈性去避免塞車；
然後搵線補返下路尖咀（e.g. 5D/28），5C 縮落黃埔就直頭慳埋 quota。

11/11K/21：
鑽石山出紅土全走不在話下，黃大仙只需轉一次就直達紅土，
下邨樓下就係地鐵站，塞車又咁嚴重，估計會有唔少客走去搭鐵，
11 好大可能得翻鑽石山同黃大仙想一程直達佐敦嘅客，取消係意料之中；
11K 因為有竹園同橫頭磡，21 因為有彩雲同坪石，
應該都死唔曬，不過減班就在所難免，就算真係 cut 都應該會 cut 21。

11B/11D/11X/17：
九龍城客一部分會過宋皇臺站，而欣榮花園距離土瓜灣站又唔太遠，
11B 得翻十三街同翔龍灣單向應該好危險，而 11D 本身就少客到要派單層，
遲啲聯合道客都落埋宋皇臺站就更慘淡，分分鐘會轉兩味；
11X 觀塘落下路應該快過屯馬綫，加上有安達臣同秀茂坪獨市，唔會有太大影響；
至於 17，何文田出觀塘嘅地鐵車程加快，地鐵上蓋堆私樓同部分愛民客可能會走，
但係仲有何文田邨、公大、常樂邨同天光道呢堆離地鐵遠嘅，估計就唔會有太大影響。

12A/18：
紅土來往深水埗應該會走，但係 12A 仲有九龍仔堆學生客，應該死唔去，最多減班；
至於 18，本身觀延一通就已頹到無邊，屯馬綫搶埋南昌來往何文田嘅客不得止；
由於旺角擠塞，18 呢啲有緣人班次分分鐘趕埋大角咀去何文田班友落鐵，可謂慘不忍睹。

14/15/15X：
油塘除咗高超道堆屋苑之外，其餘地方都太近地鐵，黃埔搭鐵出觀塘嘅車程又加快咗，
九龍灣一段同地鐵近乎平衡，加上塞車，14/15 客量應該會有較大的幅度下跌，
相反 15X 算係藍田山特快，藍田山又無咁近鐵，去程食到 11X 條水，應該影響唔大，
15X 做全日而陰 14 係幾正路，個人建議 15X 回程可落翻九龍城，但飛觀繞返藍田山。

41/241X：
41 早已在觀延通車前被定為頹線，屯馬綫二期只係搶埋青衣城出何紅土嘅客啫，
但本身青衣出何紅土嘅基本盤就唔大，41 一向都係執使用量高嘅 44 雞居多，
而老九一向都想以 241X 全日剷除 41，可見 41/241X 未來嘅命運同屯馬綫無太大關係。

61X：
屯門同兆康站未來有得一程過直去宋皇臺同鑽石山，加上本身個基本盤唔係大，
而 61X 響紅土嘅覆蓋範圍又實在太窄，估計都係會淪為執 62X/259D 雞嘅地位。

75X：
雖然大埔墟站距離 75X 覆蓋範圍唔近，同埋大埔搭鐵出紅土點都要轉一次，
但係 75X 覆蓋到嘅紅土範圍唔大，又要兜齊黃大仙、橫頭磡同聯合道先落到九龍城，
可預見到 75X 嘅大埔紅土客會走，淨返黃大仙客，比較理想係紅土同黃大仙一拆二。

81C/87D/281A/281X：
屯馬綫二期一通，沙田段沿途有得一程直達尖東，馬市河東出尖沙咀有機會跌客，
最壞情況估計 81C 得翻富豪花園出九龍、河東來往油麻地，同埋窩打老道堆獨市；
87D 就好啲，仲有太子同旺角幫佢包底，加上錦英利安、恆耀、富安同濱景唔近鐵，
就算跌馬市恆安出尖咀客，影響都唔會大過 81C，要留 77 區客相信要拉埋 281X 重組；
至於 281A，仲有廣黃獨市同太子旺角油麻地包底，就算尖咀跌客，影響都未必好大。

85/85A/85B/85X：
屯馬綫二期一通，河東出紅土應該會跌好多客，85B 已率先被建議上路；
85A 得翻廣黃、富豪同新田圍都難倖免，不過亦因此難被取締，可能要同黃大仙線重組；
85 其實都唔太樂觀，沙市要兜美林大圍先出到獅隧，唔快得過屯馬綫轉一次車到紅土，
不過因為有火炭、源禾同美林撐住，加埋樂富而應該留得低，不過要減班；
85X 估計有一部分馬市同一城客會走，紅土去石門返工堆客可能都會走，
不過因為來回行十三街同下路離地鐵比較遠，可能都會留低，但減班相信都走唔甩。

93K/297/796X：
屯馬綫二期應該足以成為上路來往旺角的主流選擇，93K 對土瓜灣的價值自此消失；
297 本身已經有小巴搶客，九龍灣塞車有機會趕走一部分坑寶紅土客落鐵，
但一來正常情況下佢快過鐵，二來仲有坑寶同紅土去九商嘅客，所以影響未必太大；
至於 796X，好睇將南整體係 buy 一程過定係車程穩定，調景嶺應該會有走客。

215X：
觀塘來往尖東嘅車程加快，應該有一部分唔鍾意塞車嘅人會轉投鐵；
不過一來仲有成個藍田山撐住，二來正常情況下比屯馬綫快，所以未必有大影響。

101/107/111：
上路來往東九嘅流水會走，屯馬綫二期又提供咗上路過海嘅新選擇，加上紅隧口塞車，
估計呢三條線有機會跌過海客，不過一日東鐵未過海，一日呢三條線就仲保得住。

kingprowm 發表於 2021-6-2 12:06
呢樣野全香港每一區都發生緊，做人貼地 D 好

山頭主義每區都有，相信呢部每位版友都成為過山頭主義既受益 ...

山頭主義頂多咪既得利益者死攬現有資源，唔肯放返出嚟妥善利用增加效率。
大帝主義直頭眼紅人哋多客魚蛋論，一半比青衣41A/44一半畀何土45已經叫相對公平（甚至以41執雞同青衣段載空嘅情況，青衣攞到一半已經着數咗，應該四六比或三七比先至叫真正合理，但anyway不必深究住）。屯馬削減巴士資源，直頭搶住要嚟做948(E)，但用41資源又唔肯。
你話大帝點有得同山頭主義比？
山頭主義咪一樣比人針對，何況大帝主義

053h4 發表於 2021-6-2 12:18
其實有咩好拗, 41點解唔取消, 係因為有唔少乘客由何文田去深水埗

我個人重來都支持E21A雙向分段換九巴重組 ...

45甚至18都做到