本帖最後由 HU6455 於 2021-5-30 17:58 編輯
我又唔係太同意, 西鐵當初係預埋做跨境及貨運, 但連無跨境及貨運既路段都係一站一交叉渡線, 好明顯佢係為左方便車務調動, 唔似依家港鐵咁, 是是但但咁起左D野出黎, 垃圾既設計, 行到就行, 行唔到就算!!
屯馬綫港鐵段真係有大把例子:
1)屯馬綫顯徑以南無渡線, 攪到打9號、10號「風球」, 顯徑來往鑽石山雖然係全隧道段但都唔會去行車
2)屯馬綫紅磡以北面條渡線, 係係個超斜同埋超急既S彎既位, 話就話方便車務調動, 垃圾既設計師是是但但咁設計出黎, 起好左成班港鐵人先知道原來係要超低速過, 同埋同時用果時又多限制
3)啟德果度明明一大片地, 但就係唔起交叉渡線, 同埋佢既啟德側綫, 又係垃圾級既側綫, 有入無出, 仲要係超低速入先得.
其他港鐵垃圾級既設計, 寶林係最經典型例子, 跟住何文田黃埔果度又係一樣, 全部都限制晒, 唔會可以再有未來發展同加密班次既空間!!!
東鐵過海果度都係一樣, 零渡線
|