港鐵計劃東鐵線過海拆除舊月台

railway204 發表於 2021-6-5 10:55
路軌未必移，應該係拆咗之後加一兩條路軌落去

月臺可拆，但月臺中間有支柱支撐結構，無法拆除，多出的空間不能放多列列車。

到時贛深高鐵通左之後直通車隨時改去西九龍站

HU6455 發表於 2021-6-4 23:42
紅磡站舊月台帶有濃烈KCR歷史, 為左去K化, MTR點會留佢世上！
附上紅磡站一號月台既歷史照片

新九龍車站有柴油車？係唔係即係話九龍車站搬站係比九廣鐵路電氣化第一期早？同埋，宜家紅磡站係無機走線嘅。如果係係嘅話，咁當時嘅柴油車同埋直通車嘅機頭係點掉頭嘅？

吳宗錡 發表於 2021-6-5 14:03
新九龍車站有柴油車？係唔係即係話九龍車站搬站係比九廣鐵路電氣化第一期早？同埋，宜家紅磡站係無機走線 ...

兩樣資料Google下都有啦

吳宗錡 發表於 2021-6-5 14:03
新九龍車站有柴油車？係唔係即係話九龍車站搬站係比九廣鐵路電氣化第一期早？同埋，宜家紅磡站係無機走線 ...

板友早前一個post入面的連結有非常珍貴的歷史資料。
紅磡站1975年啟用，1982年電氣化通至沙田，1983年通至羅湖。
未建成紅磡站之前，先於1968年建成機車廠，曾經有轉車台，後來隨紅磡站啟用，改用南端打橫行的調車台，該調車台仍然適用於5/6號月台。

講返拆月台，目測現時路軌至支柱之間應該夠位放到一列車，所以拆月台理論上可以提供總共8條軌，由於新車較短及可以改善北端波口，應該擺到唔止8抽車。如果2/3台通往尖東一段唔封，隨時又擺多兩抽。

DIH 發表於 2021-6-5 19:18
板友早前一個post入面的連結有非常珍貴的歷史資料。
紅磡站1975年啟用，1982年電氣化通至沙田，1983年通至 ...

按你咁講，1號月台果邊可唔可以一條軌放2抽車？

吳宗錡 發表於 2021-6-5 14:03
新九龍車站有柴油車？係唔係即係話九龍車站搬站係比九廣鐵路電氣化第一期早？同埋，宜家紅磡站係無機走線 ...

竟然問埋呢啲咁基本的香港鐵路歷史，究竟你係咪香港鐵路迷？

其實紅磡舊台做直通車呢個plan，大概6、7年前就已經唔存在，而改為東鐵泊車側線。只不過某百科（呢個唔意外）和某專頁（呢個好意外，估唔到佢地咁多年都收唔到風）和仲一直放舊料，先搞到謬誤「根深蒂固」。
至於點解當年港鐵內部會改plan，係因為區域快線（及高鐵）都不在紅磡，也預期高鐵通車後直通車需求下降。而最重要的是，紅磡貨場本來是東鐵泊車側線／列車停放處之一，但由於東西走廊的啟德車廠和鑽石山車廠都被反對，改為將貨場改建成東西線（屯馬綫）列車停放處，減少了東鐵泊車線，因而決定將舊1至4台改為東鐵泊車線的用途。

直通車恢唔恢復都成問題