5A客量統計

某位仁兄翻閱先前新聞稿，憑稿文用字意思，得出「九巴冇當 5A 係接駁巴士」嘅理論，藉以攻擊本人的「贖罪論」。
但是「九巴冇當 5A 係接駁巴士」並不等於「5A並非接駁巴士」，更加不等於「5A的『插旗』效果可以持久，在屯馬綫通車後仍能保持服務」。原因如下：

• 運輸署在九巴5A延至啟晴邨，以及城巴開辦22M線的兩篇新聞稿，格式幾乎一樣：
  正文皆以「公眾人士請注意」為開首，以「巴士公司將會張貼通告，通知乘客上述安排。」為結尾。
  雖說政府刊文多數為格式化內容，八股味甚重，但是亦請大家留意兩則新聞稿的網址，新聞稿的編號相鄰：
  https://www.td.gov.hk/tc/traffic_notices/index_id_57646.html
  https://www.td.gov.hk/tc/traffic_notices/index_id_57647.html
  由此可見兩項改動是同期刊出的。
• 我應該向大家講述過，5A線延長至啟晴邨的最終走線(沿太子道東延長)、收費(全程收費不增)、班次(與延長前班次相若，20-30分鐘一班，更特意增設山西街開往啟晴邨的晨早特別班次)等詳細營運資料，是在屯馬綫一期敲定通車日期後，港鐵表明不會提供接駁巴士來往土瓜灣沿途地區時，才「突然」出現的。倘若九巴真的未曾視5A為接駁巴士，而一直認為該條路線旨在成功「插旗」的話，為何相關資料未曾見於屯馬綫一期通車日期敲定之前呢？
  我可能未同過大家講，喺得知5A延長去啟晴邨之前，我不斷嚮某Facebook群組，提倡喺屯馬綫一期通車，至全通之前，提供接駁巴士來往啟德站至紅磡站。既然港鐵講到明唔會提供接駁巴士，5A延長去啟晴邨嘅走綫又啱啱好黐住未通車嘅路段，諸君而家應該開始明白點解我堅信5A線延長之後只係充當接駁巴士嘅角色啦？
• 「插旗」？要插旗嘅就踩入去未有任何九巴路牌嘅承啟道南段，喺機電工程署嗰頭開站，「阻住608開站發達」！今次5A延長去啟晴邨嗰一段，係太子道東，一直都有唔少九巴自家路線行過，點同嗰位仁兄之前搬嘅嗰個「九巴12線延長至海麗邨」咁勇敢，喺海麗邨呢個從未有九巴獨營線嘅地帶度豎立站柱呢？
  

最後又一如我先前多番強調，九巴5A線那種與鐵路完全重疊的走線，根本不應該存在於這塊土地上(九巴6號線貌似與鐵路完全重疊，但是其一有盈暉臺獨市位，是已取消的支線6A「還」給他的；其二當年地鐵通車已殺4、206等線；其三現時該路線是向外地遊客展示雙層巴士的示範路線)；異常低廉的全程票價，又不是如8(尖沙咀碼頭--愛民--九龍站)、91M(寶林--科大--鑽石山站)般正常情況下不會乘畢全程者，亦絕非九巴之常態，依九巴之慣性，當年延至啟晴邨理應增加全程票價，充其量增設與原來票價一樣的分段收費算數。


至今尚未有人針對本人先前的回文而合理反駁，去咗嗰啲地方駁我先。