屯馬線行車時間表

RyanPun 發表於 2021-7-28 22:52
成朝就只有顯示過東鐵延誤，官方冇提屯馬綫已經係「正常表現」，係估唔到連「影子公司」都隻字不提工程車 ...

影子公司有講係工程車喺錦上路附近出事，但just that。網站、車站、新聞完全唔提，淨係見到好疏車。

去到8點幾就到9點，班次都仲係不穩，而且車序全部3位數字，基本上上繁完全唔跟時間表行。係去到上繁後收車先搞返掂。

支持各位集體喺黨鐵網站提交網上意見表，同埋向TCU投訴。得一兩個人出聲係冇用，要一齊投訴爆佢

今晚下繁又冧檔，出現正在離開、6分、7分、8分班次

而家屯馬線運作無中途站會停耐少少去穩定班次，即係有一兩個站彈門就骨牌式，最慘係下繁前西、馬鐵都係路線尾段先多人，一定爆鑊

黨鐵幾時先抄到日本直通運轉嘅運作模式搵一個中途站停耐少少做穩定班次，而家咁樣狂縮dwell time係止唔到咳，仲要攪越塞

AVBWU291 發表於 2021-7-29 18:40
影子公司有講係工程車喺錦上路附近出事，但just that。網站、車站、新聞完全唔提，淨係見到好疏車。

去 ...

我唔清楚早繁西鐵嗰邊車序，我住馬鐵範圍，加上我多數搭倒頭車出市區，琴日朝我搭部嗰部係013，平時正常應該係043，或者前後一兩班車。

rickywk 發表於 2021-7-29 19:47
今晚下繁又冧檔，出現正在離開、6分、7分、8分班次

而家屯馬線運作無中途站會停耐少少去穩定班次，即 ...

通車初期，印象中只係西鐵嗰邊爆得勁，烏溪沙方向班次相對平均，佢依家搞到連馬鐵都拖埋落水。佢就嚟進化到好似港島線咁開咗門唔夠半秒就即刻播閂門PA。

RyanPun 發表於 2021-7-29 20:21
通車初期，印象中只係西鐵嗰邊爆得勁，烏溪沙方向班次相對平均，佢依家搞到連馬鐵都拖埋落水。佢就嚟進化 ...

而家下繁都差唔多係咁，元朗國由開門一刻去到關門一刻計只有大約25-30秒時間，彈你門都好合理

RyanPun 發表於 2021-7-28 23:12
其實前九鐵路段啲sliding對短途車折返算係user friendly（比起前地鐵路綫），sliding放中間放便兩邊方向 ...

平日都算，最慘係有鑊果時都唔識利用。

又搵返日本做例子，繁忙時間好少會全部車跑做全程，多數都係一班長一班短去頂住最多人路段

RyanPun 發表於 2021-7-29 20:19
我唔清楚早繁西鐵嗰邊車序，我住馬鐵範圍，加上我多數搭倒頭車出市區，琴日朝我搭部嗰部係013，平時正常 ...

其實冇短途車，所有車行全程，但因為單綫雙程關係搞到疏車。當工程車拖走後，車廠先開始出車。

話說今日有班車喺尖東起載返屯門，時間係1811，車序09，估計係烏溪沙清客後不載客出尖東。
另，應該近排下繁長期有非表定加班車，851同852，南昌載返屯門

AVBWU291 發表於 2021-7-29 21:20
話說今日有班車喺尖東起載返屯門，時間係1811，車序09，估計係烏溪沙清客後不載客出尖東。
另，應該近排下 ...

尖東起載應該係紅磡sliding出車，咁樣亂攝只係整亂班次，唔係點會今日(同你所講特車相近時間)出現，準備離開、6分、7分、8分班次

又係地鐵思維管火車惹的禍囉
點解人哋東鐵以前要開咁多短途車啫
好似你地鐵咁由頭行到尾有故障慢慢塞就一天都光晒咩