屯馬線行車時間表

RyanPun 發表於 2021-10-12 21:54
黨鐵擇善固執都唔係第一日嘅事，到依家佢仍然覺得整體加密班次 遠比 正常班次上面加區間車嚟得更有效率。 ...

以今日下繁情況來說，整體「加密班次」，就是：
1/ 西行部份車站多人到要間封，候車乘客堆滿月台，無客落車係上唔到，等6-7班車也不是等閒事。
2/ 東行過密，部份班次中段大量座位

當時在尖東等車，東行來4部(部份有位坐)，西行才來1部(上唔到)，真係好灰。見到有客係等得耐真係轉搭另一方向。

請教一下，知不知道今日係咪無曬平時編定既「中途起載」班次?
所謂中途起載清客特車/颱風前夕特別班次表係由控制中心執生安排?

JZ3968 發表於 2021-10-12 21:40
我六點幾見到有車序508同264, 呢D係咪行全程? 平時有無?

今日下繁車序係01-22，而所有加班車會用2或5字頭車序。

IKK嘅百位數係2，1141A係5。尾兩位數就係嗰班車嘅列車編號。以508為例，就係D407/D408；264就係D363/D364。

所以今日嘅車序冇咩排序上嘅意思

arfung 發表於 2021-10-12 21:46
係。「直通運轉」根本不是由頭行到尾平均班次咁簡單，其實是可以通過「區間車/中途起載」去調節每一段的 ...

不過，紅磡儲車位限速只得15km/h，黨鐵唔知係唔係嫌太慢驚頂住其他正線車，就拿拿聲推d車出黎。
若果係咁你不如再早d推車出黎好過啦，未直通運轉前，西鐵段下繁無而家咁痴線，一係就諗大圍狂推車出黎算

今日係有起載車，但時間唔啱。

同埋過咗6點後，其實已經冇乜人，但仲係開緊so call嘅3分一班。點解叫so call？因為行足全程嘅列車得45抽，但行3分班嘅所需列車數量係50。仲有呀，班次係超唔穩，可以2分鐘一班，連續幾班，然後隔成7分鐘先再有車。

架架車都畀盡全速行，TWW去KSR只需5分鐘左右。

AVBWU291 發表於 2021-10-12 22:12
今日係有起載車，但時間唔啱。

同埋過咗6點後，其實已經冇乜人，但仲係開緊so call嘅3分一班。點解叫so ca ...

黨鐵諗埋d度縮野，唔顯用上繁時間表倒落去，只係將平日下繁時間表提早run，攪到封站收場

rickywk 發表於 2021-10-12 22:18
黨鐵諗埋d度縮野，唔顯用上繁時間表倒落去，只係將平日下繁時間表提早run，攪到封站收場
...

以今日下午的人流分佈，其實平時四點幾五點停紅磡車區尖東起載西行既特車，是救命符。
偏偏最多人既時間佢地全部消失。我寧願佢無改動/提早，大約4:40-5:20期間照舊每2班車有一班吉車起載，可能結果仲好。

我可能好彩，比較早入站排隊等上車。後面果d要封站都好慘。
但等車期間「1西4東」，仲要逼爆和有位坐既分別，目擊到既時候真的感覺不太好。

結果有人(封站前落左月台排屯門方向既客)等得耐走去坐倒頭車，但我想像不到要搭到那個站位再回程會易d上到車。

arfung 發表於 2021-10-12 22:29
以今日下午的人流分佈，其實平時四點幾五點停紅磡車區尖東起載西行既特車，是救命符。
偏偏最多人既時間 ...

我相信何文田前會易d

arfung 發表於 2021-10-12 22:01
以今日下繁情況來說，整體「加密班次」，就是：
1/ 西行部份車站多人到要間封，候車乘客堆滿月台，無客落 ...

老實講，我自己就唔多同意呢種做法。我由東鐵跳槽到屯馬綫，完全明白嗰種感覺，東鐵早繁本來係有堆大埔特，我返何文田都起碼3年、初期我寧願早繁87K塞大老山公路去大學、都堅持唔肯馬鐵大圍轉都係呢個原因，特車有哂既定時間、又比正常班次客量相對鬆動、對乘客嚟講當然係好事。

但在於公司角度，特車類似於附助性質，東鐵情況為例，大埔墟特落到大圍好多時候都仲有空間剩，過埋九龍塘直頭空咗半車人、比起上水開出嚟、完全係兩個世界，中間嘅差距對佢嚟講係成本、同時亦會考慮加減特車嘅因素之一。咁既然大埔墟特都載唔滿100%，咁點解唔抽走嘅車行返全程善用資源。

但事實上係點大家都睇到，就算早繁全部車去哂上水，好難擔保下遊車站一定上到車，因為理論永遠都基於其他因素不變，下遊客永遠唔會知佢面前嗰部車，由北區開出嚟嘅時候留低咗幾多客，而佢地只會見到客滿然後要等下班車。

當然，西鐵更加有需要安排編定特車，但一講到呢點，佢最興搬車務出嚟做擋箭牌，成日都話當其中一方向攝部特車落去，就會影響到另一方向嘅班次，反而令全綫整體班次更加唔平均而唔肯考慮。

你問我呢個問題，完全覺得佢哋對特車嘅思維、仍然停留喺前地鐵年代，多過實際做唔做到。

rickywk 發表於 2021-10-12 22:35
我相信何文田前會易d

何文田要和觀塘線轉車客逼，但多搭一個站到土瓜灣又不能直接過對面月台，再搭到宋皇臺又遠一個站…
不過以今日狀況真係可能比在尖東慢慢排隊等西行車隨時來得快(假設無起載特車的話)。

RyanPun 發表於 2021-10-12 22:39
老實講，我自己就唔多同意呢種做法。我由東鐵跳槽到屯馬綫，完全明白嗰種感覺，東鐵早繁本來係有堆大埔特 ...

大致上也同意。

短期內屯馬線下繁應該考慮將「尖東西行特車」固定化(甚至表列出來)，用來四五點出車拉密班次之餘，也應該考慮最繁忙時段多出1-2抽清客作用。
對乘客都係好事。

當然長遠大執時間表也是歡迎的。