質疑報站機歡迎辭

宜家五間專利巴士公司同埋鐵巴都有爲旗下車隊安裝報站機。巴士喺總站開出之後，報站機會播一段歡迎辭，提示乘客宜家搭緊嘅路線同方向。但係呢個時候架車都已經開咗，對上錯車嘅乘客來講已經太遲。我就建議巴士公司仿效輕鐵喺每個站都廣播架車嘅路線同方向咁，個歡迎辭改爲喺總站同埋定時點開出之前不斷循環播放。

至於文字顯示方面，新巴城巴、嶼巴同埋鐵巴嘅報站機會喺架車喺總站開出之前顯示路線編號同埋目的地。咁做就做到我頭先所講畀乘客上車之後再確認自己所搭路線嘅作用。但係九巴同長勝就淨係會顯示「歡迎乘坐九龍巴士/龍運巴士」句廢話。請問呢句說話傳遞到乜有用信息畀乘客呢？

傳遞到間公司淨係鍾意攪PR, 唔做實事嘅訊息囉。一同其他公司比就好明顯