關注九巴81C, 87D客量急跌問題

Kingston_Kwan 發表於 2021-7-13 22:12
根本81C晚上8點後就要南行收車, 成日都唔夠5個客入獅隧, 有時仲吉車遊街, 不如慳返幾架車算啦。

一係兜 ...

沙田市中心假如係多客去窩打老道近何文田嘅，280P一早就全日服務咗啦，唔駛等到搞青沙轉車站至改線啦。

RyanPun 發表於 2021-7-13 23:00
先多謝你幫我執字粒。可能我中文同表達能力差喇，我睇嚟睇去都睇唔到邊一句講緊87D嘅尖沙咀特快車。

...

我以為你話佢後知後覺黎做，咁都叫有做

問題係佢根本無心做

開條 287D 當特快笑死人無命賠

cz9328 發表於 2021-7-13 23:05
2014年嗰陣時，收$10一程市區返馬鞍山，就算得單向客流都或者有心機執一執。

到咗2021年嘅成本與營運 ...

成個馬鞍山都要重新分餅仔啦
下下都要烏溪沙兜晒成個馬鞍山甚至沙田先上公路咩
唔上地鐵眞係對唔住自己啦
比如話泥涌烏溪沙馬市搭一枱 錦英恒耀頌搭一枱
77 區同富安石門又搭一枱咁
(當然詳細係點就唔深究啦 我又唔係做九記

同埋要做特快都唔係要行死青沙
可能係轉入加士居道覺士道就上公主道都可以
順便可以做埋何文田核心外圍

cz9328 發表於 2021-7-13 23:05
2014年嗰陣時，收$10一程市區返馬鞍山，就算得單向客流都或者有心機執一執。

到咗2021年嘅成本與營運 ...

過海線嚟講，反而我最想980X將恆耀安市中心同錦英烏溪沙分返家，市中心當叫981先，起碼唔駛全世界都塞到部12.8米爆曬棚（仲要分分載唔哂啲客），開線唔夠一個月已經要加班應該都破哂紀錄。

duncan827 發表於 2021-7-13 14:11
81c 唔太清楚 但87d太子見親夜後同假日都頂閘/企人 何來急跌？

今晚8點經過旺角近山東街，北行方向嚟架87D，未上客前只得10個至頂盡20個客...

同本世紀初87D線勁多85K, 85M柯打車嘅年代，5-6分鐘一班車都班班車坐滿窗口咁嚟到旺角(咁當時地鐵轉九廣鐵路係俾兩次錢嘅），今晚都算係 "今日激特所見" 嘅感覺囉
，反差太大。

其實旺角呢個位都唔係容易做。假如15分鐘都未有車嚟，可能有更多人忍唔住搭鐵去油麻地方向>何文田轉馬鐵。

依家迫住開8-10分鐘一班留住旺角客，但唔見得咁樣係有肉食囉。

表面上唔係太慘淡 （相對於港島南區），但條87D要用幾多成本去營運......

cz9328 發表於 2021-7-13 23:34
今晚8點經過旺角近山東街，北行方向嚟架87D，未上客前只得10個至頂盡20個客...

同本世紀初87D線勁多85K,  ...

其實唔止 81C 同 87D 跌，連 281A 都出埋事。
更大關鍵係下繁過後晚間非繁時段屯馬綫好輕易搵到位。

好多人只係相信旺角無咩點跌客，但無留意過尖東站、海防道條龍跌左唔少人。

hadboy5 發表於 2021-7-13 16:59
87D可以考慮一開二，原線去到中郵跟280X上公路，另一條就旺柏開跟20出彌敦道後返回原線 ...

要留意窩打老道／彌敦道交界嗰枝燈，
由窩打老道東行是 不可以 直接左轉彌敦道北行的。
換句話講，以現時交通燈設定，跟20號巴士線由柏景灣開出經窩打老道是不能簡單地轉番去彌敦道北行的。

假如可以咁轉，我估巴士公司早就搞咗87D在九龍區分拆，甚至在兩鐵未合併嘅年代已經搞咗，因為當年在下繁北行方向搞分拆，唔駛由佐敦道開始keep住5分鐘車轋咁碌到太子，實慳到車的。

另外，假如有網民想爭取九龍中郵往馬鞍山嘅青沙快線，不妨先試一試搭280x轉286c以馬鞍山市中心為目的地， 扣除等車時間，睇睇需時多久，有冇得同鐵路比併。

不過，個賽果預計唔多理想，起碼等到沙田市中心對出嘅路面擴闊工程完畢，先至實地考察，個數字可能會靚少少。

天空之神 發表於 2021-7-13 23:20
我以為你話佢後知後覺黎做，咁都叫有做

問題係佢根本無心做

287D慢過87D :

miklcct 發表於 2021-7-13 18:37
由市中心起計，87D嘅唯一問題係要停第一城，但係如果無咗第一城嘅話，條87D非繁夠唔夠客係另一個問題。
...

87D飛第一城，客量計問題不大
(逆向就例外啦)
好多時馬市已經坐滿窗口位，富安坐滿大部分座位
仲可以垃埋去烏溪沙

Snoopy@FB8617 發表於 2021-7-13 19:09
不過我諗主要阻力係九龍塘同太子邊皮又有少少客咁
如果唔係其實都可以係唔錯既選擇

太子係有客
但基榮小學打後上嘅客好多時一隻手數得哂

87D另一個問題係夜晚北行經常性拖卡
搞到前車企人，後車運櫈
遇着個極品、唔曉爬頭既卡佬真係想問候佢屋企