關注九巴81C, 87D客量急跌問題

281A是時候改去行青沙，同286夾一夾走線～

dennis28a 發表於 2021-7-13 23:47
其實唔止 81C 同 87D 跌，連 281A 都出埋事。
更大關鍵係下繁過後晚間非繁時段屯馬綫好輕易搵到位。

夜晚，10點前後都叫難啲
但7~8點零屯馬開7分鐘一班，都仲可以有位由尖東紅磡坐到入沙田馬鞍山

紅磡、鑽石山、大圍，三個大站洗牌易等到有位坐


如果當年起得成廣東道站，三黑真係執得笠

其實87D客量話急跌，如果係講佐敦尖沙咀客急跌我就認同，屯馬線全通後87D未到中郵前的確比以往少左好多人坐，至少繁時海防道條龍明顯冷清左，旺角客咪得益，而家去到旺角都仲多數有位坐，對旺角客我相信影響不大。尖沙咀客就相信倒走左五成都有，見過好多次87D去到尖沙咀都係得返十個八個。當尖沙咀坐屯馬線去到馬鞍山，87D隨時連窩打老道都未去到.....加上馬鞍山人都忍左87D十幾年黎的優質服務，係時候用腳投票！

流星☆雨 發表於 2021-7-14 00:33
夜晚，10點前後都叫難啲
但7~8點零屯馬開7分鐘一班，都仲可以有位由尖東紅磡坐到入沙田馬鞍山

唔好話尖東紅磡返沙田、馬鞍山，7 分鐘時段返元朗屯門都一樣有位坐。
所以咪日日話大家唔相信事實，有時好難討論落去。

Waiyin12 發表於 2021-7-14 00:18
太子係有客
但基榮小學打後上嘅客好多時一隻手數得哂

九龍塘無客，但係停九龍塘對行車時間影響輕微，唔足夠構成趕客理由。

要開青沙搶客嘅話一定係九龍公園徑直走嘅啦，例如紅磡站開出，跟87D原線落尖東，之後直接廣東道上路入青沙，咁先有機搶返尖沙咀客返來。呢個係287D應該要做嘅嘢。

然後做大287D之後就索性馬鞍山方向全晚拆線，出紅磡嘅87D去到總站就轉行287D回程，其餘車就直接由馬鞍山經青沙私牌落中間道起載。

dennis28a 發表於 2021-7-13 23:47
其實唔止 81C 同 87D 跌，連 281A 都出埋事。
更大關鍵係下繁過後晚間非繁時段屯馬綫好輕易搵到位。

你會唔會想多左啊！廣源山都唔近鐵，要鐵神早去左鑽石山返去啦！仲屯馬！仲有第一城其實唔係想像中近條鐵！係愉翠苑同欣廷軒近

dennis28a 發表於 2021-7-14 03:32
唔好話尖東紅磡返沙田、馬鞍山，7 分鐘時段返元朗屯門都一樣有位坐。
所以咪日日話大家唔相信事實，有時 ...

所以話，有時候好難理解九巴啲思維，287D應做嘅唔做，6點/6點20紅磡開兩班車，同時間屯馬綫係密車時段，分分鐘尖沙咀上車都唔包有位坐。我自己何文田收工，試咗幾次屯馬綫下繁，人多起上嚟由九龍南企到去尾一兩站落車都唔係人人頂得順。搵呢兩班「所謂特快」試水溫絕對唔過份，做唔掂嘅話，仲可以順手減埋87D班，一舉兩得。

cz9328 發表於 2021-7-13 23:34
今晚8點經過旺角近山東街，北行方向嚟架87D，未上客前只得10個至頂盡20個客...

同本世紀初87D線勁多85K,  ...

87D最大賣點就係密車，十分鐘左右有車
如果厹司忍唔住要cut班，連旺角客都趕走，客量肯定兵敗如山倒
但以厹司近年風格，呢個可能性好大

cz9328 發表於 2021-7-13 23:34
今晚8點經過旺角近山東街，北行方向嚟架87D，未上客前只得10個至頂盡20個客...

同本世紀初87D線勁多85K,  ...

謝師兄資料，咁樣的話不如一條紅火開，原線去到中郵止步，另一條都係紅火開或高鐵站開，前者直插落中郵後者跟60X 咁行彌敦道，其實碧街至太子果堆客多唔多，或者而家邊堆客比例較重