hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (F) Fantasy Zone / Fun享區 交通路線建議(F1) 建議堅尼地城小巴總站改設計
開啟左側

建議堅尼地城小巴總站改設計

[複製鏈接]
4437 發表於 2021-7-29 19:43 | 顯示全部樓層 |閱讀模式

                                    Advertisement



現時問題:
23/23M/54M等線往堅尼地城超過九成乘客在港鐵站前落車,然而三條路線綠小要返回總站上客,需繞經爹核士街、卑路乍街、吉席街及士美菲路。三條路線於上述路段基本載空,但卻佔據大量路面,尤其是士美菲路南行燈位不時擠塞,車流倒灌至吉席街,阻礙電車及其他吉席街東行車輛前進。

建議:
1. 取消小巴總站直出科士街安排,改為綠小可於士美菲路北行線經嘉輝花園靠右並轉右駛入小巴總站落客(如是者出小巴總站必須轉左);
2. 綠小58總站改為C出口石牆樹,現時摩星嶺青年旅舍穿梭小巴站位置,亦即43M站位旁;
3. 23/23M/54M不再繞經爹核士街至吉席街一段,過嘉輝花園後右轉直入總站走畢全程。

Justshamxx 發表於 2021-7-29 22:14 | 顯示全部樓層
綠小可於士美菲路北行線經嘉輝花園靠右並轉右駛入小巴總站落客

士美菲路改為單程北行???!!!唔好嚇我喎
當你只係北行過咗嘉輝花園之後靠右可轉入小巴總站落客,都會令原有喺C出口前落車,唔需要過馬路嘅乘客突然間要過馬路(或者行多好多路)先至可以入港鐵站;
另外,58A、58M、59等線(你冇話撥出去石牆做總站嘅嗰啲路線)因此不能直達科士街,而要在士美菲路大幅繞路,將佔用路面空間問題由吉席街一街轉移至士美菲路上段,無助於事,更加不必要地提升該等路線的行車時間
政府整得小巴總站直出科士街,係有佢原因嘅,佢係計過晒嘅,你唔屬嗰頭就唔好搭嗲,唔該……
當然他不肯放手,如果准我重新學過可會白頭
 樓主| 4437 發表於 2021-7-29 23:07 | 顯示全部樓層
Justshamxx 發表於 2021-7-29 22:14
士美菲路改為單程北行???!!!唔好嚇我喎
當你只係北行過咗嘉輝花園之後靠右可轉入小巴總站落客,都會 ...

板友你都誤會得好交關下,而且邏輯都頗為奇怪…
1. 我邊忽講過士美菲路要轉單程?北行線過嘉輝花園就由一線擴闊做三線,就算綠小要靠右等燈入總站,果度至少都有三個車位。如果咁樣叫頂住,你倒不如去投訴嘉輝間惠康架大貨車落貨頂住,又或者23M等各線喺燈位前落客頂住。


2. 出地鐵轉23返華富置富嘅人本身都要過馬路,你唔去投訴?出站過馬路就得,入站過馬路就唔得?再者,唔係個個落車都入地鐵,有啲係去士美非路街市或去附近餐廳消費,你唔話佢哋方便咗?

3. 58A/58M本身係輔助線,同58共用一個站頭有咩問題?如果有問題,亦請你去投訴23M點解走去23站頭上客。至於59,你話我唔熟果頭,我覺得你先係唔熟果頭,你唔知而家59有線冇車?


4. 政府話乜就乜?你不如去問下23站頭,車海起上嚟閒閒地有4、5架車困喺啲載空地帶,但冇計,道路設計問題,焗住陪兜陪塞,你估佢真係好想?你都係認真落區睇下問下人好。
BUSMAN伯輋雯 發表於 2021-7-30 10:24 | 顯示全部樓層

                                    Advertisement



作為常客,所謂載空路段無你講得咁少人
可能真係兩班車先有幾個人搭到泓都落,但唔應該完全忽視咗佢地嘅需求

評分

參與人數 1aPower +1 HugeC +10 收起 理由
Justshamxx + 1 + 10 英雄所見略同

查看全部評分

Justshamxx 發表於 2021-7-30 11:47 | 顯示全部樓層
4437 發表於 2021-7-29 23:07
板友你都誤會得好交關下,而且邏輯都頗為奇怪…
1. 我邊忽講過士美菲路要轉單程?北行線過嘉輝花園就由一 ...

利申:住喺綠小23服務範圍,係佢嘅常客
覆1. 當我曲解咗你講嘅話,對唔住
覆2. 喺西港島綫通車之前,23以厚和街為總站,足證當時已有薄扶林道沿途前往吉席街一帶的客源。你以「方便前往士美菲路熟食市場」為名,令一眾本來可以直達爹核士街、吉席街、厚和街嘅一眾小巴客要行多好多路,學你話齋:「唔係個個落車都入地鐵,有啲係去士美非路街市或去附近餐廳消費,」同樣地,唔係個個人入堅尼地城,都係去士美菲路街市消費,有啲人係想去新海旁、厚和街……嗰啲地方,因為你呢個改動就變咗佢哋要行多好多路,過好多重馬路

覆3. 「出地鐵轉23返華富置富嘅人本身都要過馬路,你唔去投訴?」係啊,我OK啊,出站轉車返屋企我得,但係入站都要咁我就唔濟啊,你鍾意話我雙重標準好,記得睇埋成篇文先至好批評我。仲有你冇寫58A、58M同58同站,我就固然可以假設嗰啲路線留返喺小巴總站,又係學你話齋「唔係個個落車都入地鐵,有啲係去士美非路街市或去附近餐廳消費,」咁點解薄扶林道沿途啲乘客係咁,域多利道啲乘客就唔係咁,兼且要由石牆行過去士美菲路呢?(唔好同我講要士美菲路喺街市增設小巴站,嗰度根本唔會夠位畀小巴停),另外,我係一直知道59線有線無車嘅,OK?
覆4. 唔係話「政府話乜就乜」,而係政府喺推行任何一項道路設計時,都係一定有佢嘅原因嘅,我相信政府/港鐵/交通設計公司肯定係度過嘅,覺得容許小巴由小巴站直接駛出科士街係最佳設計方案。

最後費時你搬出一份201N年嘅地圖嚟建議「58/A/M喺堅彌地城新海傍直駛至山市街」,因為嗰啲路線遷站之後,堅彌地城新海傍分階段改為單向西行,即係車輛必須改經士美菲路,之前就係因為嗰啲路線要喺北街做小巴總站,政府先至仲會畀全條新海傍全條東行,畀啲小巴入總站;以家起咗小巴總站就係要塞返晒啲綠小入去,從而將嗰段新海傍改做西行。呢點你又明唔明?

照我話,你應該都係一個喺西港島綫通車後,先至經常乘搭港島綫直達堅尼地城再轉車嘅街外客,喺2014年之前斷估都係上環落車轉7/37A/M47入南區
當然他不肯放手,如果准我重新學過可會白頭
 樓主| 4437 發表於 2021-7-30 14:32 | 顯示全部樓層
本帖最後由 4437 於 2021-7-30 14:34 編輯

口同鼻拗就真係焗住要落C出口數客,不過我自己觀察所得就係C出口多數落晒,少數情況剩1個客,剩2個或以上極之罕見,甚至有時司機會喺C出口清埋客,你想搭到泓都都唔俾。

但,相比起綠小飛走泓都一帶,唔通士美菲路南行車倒塞落吉席街呢個問題就唔值得重視?作為多條流水/過海線嘅上游路段,萬一吉席街塞車,連帶水街以西嘅東行服務都會受嚴重影響,既然私家車你搬唔走,點解唔搬走啲近乎載空嘅綠小?除此之外,你有冇其他更確切可行嘅辦法?

P.S. 西環街坊,少搭南區小巴,反而成日搭1/5B/10/電車喺吉席街被士美菲路燈位轉右車塞住,所以不吐不快
wingho_cwh 發表於 2021-7-30 20:58 | 顯示全部樓層

                                    Advertisement



唔使幫佢哋諗咁多嘢,呢個小巴站本身係運吉搞出嚟嘅大頭佛
由堅尼地城站只用小巴做接駁一刻開始,就註定塞車永恆過亞洲電視
101X指定用車MB9291,帶您劃破長夜GM8036
wingho_cwh 發表於 2021-7-30 21:07 | 顯示全部樓層
本帖最後由 wingho_cwh 於 2021-7-30 21:08 編輯
Justshamxx 發表於 2021-7-29 22:14
士美菲路改為單程北行???!!!唔好嚇我喎
當你只係北行過咗嘉輝花園之後靠右可轉入小巴總站落客,都會 ...

唔好傻啦,運吉嗰啲只係長官意志嚟,起呢個站前如果有認真計過車數做過 TIA,根本無可能係而家呢個樣
淨係吉席街右轉士美菲路由只有 13 變成 13、23、23M、54M、58、58A、58M、59 齊齊攬炒已經無可能 pass
士美菲南行嘅擠塞係因為過度倚賴進智小巴,加上半條新海旁轉西行而衍生嘅問題
你應該問正苦,點解唔係落力啲清石山街啲違泊,而係屈服於現實將啲車繞去消防局嗰邊打交
以前啲車上山就集中啲車一口氣衝晒成條山市街、石山街直上士美菲路,避開堅尼地城中間位
而家就搞到卑路乍街西行同士美菲兩邊都多車,交通銀行十字路個 MOC 是但長火一邊都會塞爆另一邊
點解近呢幾年城西道朝朝十點倒灌到屈地街橋面,就係因為無認真處理石山街問題同堆小巴,胡亂改 road mark 改行車方向得出嘅結果
唔該唔好再話「運吉做得 XXX 一定有佢原因」,佢哋根本由始至終都唔 3^2 識計數


101X指定用車MB9291,帶您劃破長夜GM8036
kay 發表於 2021-7-30 21:35 | 顯示全部樓層
當年個站有位預留泊巴士
不過區佬話要休憩用地
咪得返小巴
世界很簡單 人類很複雜
 樓主| 4437 發表於 2021-7-31 02:51 | 顯示全部樓層

                                    Advertisement



wingho_cwh 發表於 2021-7-30 21:07
唔好傻啦,運吉嗰啲只係長官意志嚟,起呢個站前如果有認真計過車數做過 TIA,根本無可能係而家呢個樣
淨係 ...

1. 半條新海傍改西行係無可厚非,因為未改之前入城一定要經山市街x卑路乍街路口,一有TA就成區玩完。

2. 石山街塞車問題,有一半原因係堅城泊位不足,令大量私家車走去堅尼地城社區綜合大樓停車場門口排隊。
個停車場成日爆滿之餘,仲有部分自私司機攝唔到入條隊又唔肯走,又或頂住北街右轉石山街嘅大車果陣又打死唔肯郁。

3. 厚和街都應該考慮改西行(換電車軌臨時改過一排),或維持東行但掟晒啲綠小入去。
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 05:07

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表