九巴263線延長建議 [烏溪沙站↔富泰邨]

呢個建議簡直係派膠...請過主

星期六搭過屯門站去石門落車都係一小時左右

屯門直達馬鞍山睇唔到有幾大需求，而且屯馬線屯門去馬鞍山既行車時間 72 分鐘唔見得慢得不能接受

應該冇乜大需要開呢條線

kingprowm 發表於 2021-8-9 10:51
星期六搭過屯門站去石門落車都係一小時左右

屯門直達馬鞍山睇唔到有幾大需求，而且屯馬線屯門去馬鞍山既行 ...

岩，屯馬唔係特別慢
但一半時間潛左入地底，仲要坐得唔舒服
打側個人搖來搖去，人又逼又嘈
觀感其實極之唔愉快
巴士起碼有啲野望下

Anonymous 發表於 2021-8-7 17:48
我都係重覆嗰啲 point

如果幫助唔到上座率嘅話，根本唔駛講咩飛走安友。如果幫到上座率，個人唔介意將2 ...

其實都只係講咗一句「我諗全世界都想 」
然後你就起晒鋼
發生咩事？
好似全世界都想發達咁，唔通係你人哋講兩句想發達又同講上面果一番說話啦喎
同埋已經講明係除咗VIP 嘅人架啦 263 一開線真係唔經果到架喎
大家都知冇可能會飛走㗎啦 好明顯係講笑

想我認真答你
飛走VIP 嘅話 VIP 班人都會坐60M/60X/ 61X去轉
改快路線除咗提升上座率之外
唔可以係因為想縮短行車時間咩？

Anonymous 發表於 2021-8-8 10:23
前嗰幾個話263要飛安友又唔出聲。
又要玩魚蛋論，架車又改完又唔係直去你屋企樓下，客又冇做多到，但又逼人 ...

其實非繁加埋VIP 都唔會坐得滿
繁時都係過埋轉車站先會頂閘
咁不如直接屯轉開/ 一係飛屯轉啦

不過263A/C (如有未來263B ）
其實可以諗下唔經VIP 改經其他區aka 碼頭/新墟
令城隧番屯門小區轉少一次加掠水 覆蓋範圍更廣
同埋順便屯轉北行清客 善用返資源

currypig 發表於 2021-8-9 16:03
岩，屯馬唔係特別慢
但一半時間潛左入地底，仲要坐得唔舒服
打側個人搖來搖去，人又逼又嘈

宜家香港人十個有九個坐車唔係㩒電話就係瞓覺，架車行路面定地底係冇乜分別，正如鐵路行高架都邊個會望足全程風景？巴士其實都一樣，佢行緊隧道都冇嘢睇啦。

至於搖來搖去，巴士經常會 cut 線，鐵路就固定晌路軌上，比較下也是鐵路相對較少搖來搖去。

至於座位舒適問題，都係觀感因素居多，你整到巴士咁嘅座位，一樣有人嫌硬嫌唔舒服要坐好似豪華巴咁嘅配備先滿意，試問晌咁高載客量及流動量而言，座位相對採用較簡易潔嘅模式係較佳。

如果我係晌屯市或愛定一帶，咁當然 263 再城隧轉係好啲，屯門站都或者會諗坐 263，但如果良田建或新墟一帶，要轉兩輪車，咁搭去鐵路站轉鐵的誘因就大了。

elmmoo 發表於 2021-8-10 01:49
其實都只係講咗一句「我諗全世界都想 」
然後你就起晒鋼
發生咩事？

如果你係講笑嘅話，我可以同你講聲對唔住。

不過咁，呢度好多版友次次講起263，唔理內容就好認真咁話飛安友，安友係帝區，仲進一步話想殺60M⋯⋯本身唔提60M都好地地，提埋60M真係火都嚟

關於回車快嘅問題，其實宜家以常規線嚟講，263回車都係相當快，而且收費遠高過M線，甚至貴過X線。里數可能同X線差唔多，但行車時間肯定比X線少。所以，基本上唔使再加快都已經夠大賺。而如果班次唔加而改快甚至減班，即等同收車。與其比人收車，倒不如提出啲更加好啲建議 (開特班)

Anonymous 發表於 2021-8-10 08:01
如果你係講笑嘅話，我可以同你講聲對唔住。

不過咁，呢度好多版友次次講起263，唔理內容就好認真咁話飛安 ...

60M建議我係套用返「天馬行空」嗰位朋友嘅思維去諗，可能我表達方式唔係太好。我個人對60M冇乜意見

cky 發表於 2021-8-10 03:31
宜家香港人十個有九個坐車唔係㩒電話就係瞓覺，架車行路面定地底係冇乜分別，正如鐵路行高架都邊個會望足 ...

搭車從來都係一程過唔駛轉車最重要

好似屯門元朗去馬鞍山呢個情況，屯馬線唔駛轉車但搭巴士要，當然搭屯馬線去

睇風景呢樣野，除非係新路新風景才會睇，普通屯公城隧睇過無數次，有乜好睇
上星期六搭車都睇李慧詩啦

大西北來往馬鞍山，車程長，客量不足，又要同鐵路競爭，巴士公司應該唔會浪費資源搞

kingprowm 發表於 2021-8-10 11:27
搭車從來都係一程過唔駛轉車最重要

好似屯門元朗去馬鞍山呢個情況，屯馬線唔駛轉車但搭巴士要，當然搭屯 ...

當有人覺得坐廿幾個站鐵路都係苦差
咁坐四十幾個站巴士就會變成樂事咩？

競爭力而然
真係睇唔到咁延長法就可以搶到幾多客
屯馬未全通之前
我晌公司過馬鞍山
屯門同事都叫我不如坐 261 去上水轉東鐵去大學再轉 87K
仲好過出屯市坐 263 再晌沙田/城轉轉馬鞍山車