城巴 E11B 站位及服務時間，E11 系改動詳情

昨晚7:20 在中環見 E11B 往東涌方向 得十個客左右

上星期平日黃昏時間入東涌做野，係東涌北逗留了一會，觀察如下：

1/東涌北的E車，那個時段其實雙向客路都不太差，E21A和E23A大半滿入到黎，站站都落幾個。出城以E32A和E36A最多人等，某些站排十幾個客。反而E11A/B的確麻麻地；可能和那個時段通勤客源的地區不太夾。

2/迎東的那個掘頭路幾用時間兜，不肯定最入面步行出路口要幾耐，但巴士一出一入多幾分鐘就實走唔甩。幾班出番黎唔駛停昇薈的車，都不幸地剛過不到燈尾。

3/部份東涌北住宅步行到東薈城再去搭地鐵實測有點遠，與其駁腳到東涌站(不是太密)，一程過往返市區巴士是絕對吸引。在未有新鐵路站這十年八載，東涌北的潛力和東涌西比較，會是各有千秋，還是略勝一籌呢?

arfung 發表於 2021-9-20 10:06
上星期平日黃昏時間入東涌做野，係東涌北逗留了一會，觀察如下：

1/東涌北的E車，那個時段其實雙向客路都 ...

東涌北會一路填出去，東涌西大致都定咗型，高下立見

至於 E11B 呢種客量
巴士公司既心一早已經比咗東涌北，有啲小人幫手做架両，講到好愛屋及烏俾埋條東涌西，到底滿逸覺得係愛屋及烏定係搓來之食，真係顯而易見。不過我都預咗仲有人會死雞撐飯蓋話頭幾日邊可以作準 blah blah blah 呢類廢話

2076 發表於 2021-9-18 14:38
其實E11咁樣拆法都係因為東涌綫過海實在太吸引，唔靠東涌北根本搞唔掂，機場島逆通勤近乎0客，倒不如試滿逸 ...

試滿逸既方法
唔應該係擺個站係樓下，但由原來行出去有 20 分班變 40 分班，仲要用多 13 分鐘兜東涌北

咁既試法試就試唔到滿逸，不過就試到巴士公司既心只有東涌北囉

GU9338 發表於 2021-9-21 08:37
東涌北會一路填出去，東涌西大致都定咗型，高下立見

至於 E11B 呢種客量

石門甲一帶唔係會有新樓咩？

不過東涌北點都著數
因為夾機場又得
第時夾小濠灣又得
相反東涌西就真係「自成一角」

JX9097 發表於 2021-9-21 08:55
石門甲一帶唔係會有新樓咩？

不過東涌北點都著數

小蠔灣應該都係杏花邨啲fd黎

小分享，有啲死硬派覺得我吹水既就自便

上星期六晚十點半左右同住滿東既非巴迷朋友係修頓散場，傾開話有條新線 E11B 去佢樓下，佢一打開 app 睇 E11B ETA 係 2235，夾都無咁靚

但個朋友碌到下面就話「乜東涌停咁多站既？」，睇埋 時間，佢就話「嘩用成四五個字係東涌行大運」，結果就係 － 落返地底，而個陣東涌綫已經開緊 10 分班

就算送到樓下，仲要連 40 分班都夾得咁準，有啲野本質係垃圾，講到再美好佢都係垃圾