陳茂波指洪水橋－深圳前海鐵路值得研究

LN9267 發表於 2021-9-15 14:29
之前立法會議員想打破MTR壟斷，陳帆說如果在現有鐵路網絡外興建新鐵路，考慮新鐵路公司去做，這條鐵路隨時 ...

中國國鐵堆城際鐵路做到咩樣

Kelvin15190 發表於 2021-9-17 16:33
到最後，還是英國人能洞燭先機，要機場鐵路有4軌，不但東涌綫有獨立路軌，還能在繁忙時間借用機場快綫的 ...

西部外走廊 回歸前已經有類似計劃
明日大嶼都只係翻炒

LessIsMore 發表於 2021-9-17 18:16
中國國鐵堆城際鐵路做到咩樣

用「高速地鐵」模式營運？好似即將通車的廣州地鐵 18/22 號線咁，按城際鐵路規格起，使用時速 160 km/h 的列車，但按地鐵模式營運？（自己 FF 佢去埋寶安機場，以至南沙，做省深港城際地鐵，就如廣州 18 號線最終會是廣珠城際地鐵）

點解決跨境通關問題？

吳宗錡 發表於 2021-9-15 21:06
我始終覺得都係兩邊機場做總站比較有吸引力，因為可以取代埋原有嘅香港海天碼頭—深圳蛇口郵輪中心噴射船 ...

做兩邊機場嘅話 香港機場仲有得做咩？始終深圳出發機票比較平同大陸航點較多

開條頻密豪華穿梭巴士路線，不停站由洪水橋站來往前海咪搞掂囉，又低成本、可以善用現有基建，點解要洗咁多錢起條大白象（吸水？）⋯⋯ 如果唔想排隊由深圳灣過關，可以考慮喺現有深圳灣口岸開條特別通道畀穿梭巴士做一地兩檢，又或者直接喺前海/洪水橋站做一地兩檢。

jpoon 發表於 2021-9-19 03:18
點解決跨境通關問題？

田北辰建議：前海灣站一地兩檢。（這也是我的幻想）

呢條前海至洪水橋鐵路，其實可以理解為深港西部城際鐵路嘅一部份，原本係連接深圳寶安機場同香港赤鱲角機場，但深港機場間的轉運人數其實又不太多（疫情前每天最多也只有四位數字的客量），所以必須靠中段「流水客」（例如深港之間的通勤乘客，以及香港境內往來新界西北及大嶼山之間的乘客。要知道屯赤隧道以及疫情前的深圳灣大橋是偶有塞車的，而疫情前嘅B3X每天數萬乘客，唔通旨意深圳灣大橋就能解決深港西部交通？）

而另一個令「前海洪水橋鐵路」需要盡快上馬的原因，是因為深圳地鐵前海灣站附近發展得如火如荼，而前海灣站亦能轉駁深圳地鐵的1、5、11號線，及國鐵廣州局集團的穗莞深城際線前往廣州、東莞，甚至佛山、肇慶，甚至可能存在通往珠海、江門的通道。而深圳灣站其實已預建一地兩檢設施，亦可能因此令深圳當局不希望再拖延。

而在本地境內客運方面，「洪水橋／廈村新發展區」要容納20萬人居住，公屋甚至起到流浮山，單靠一個洪水橋站並不足以應付新區居民通勤需求。

如果「前海洪水橋鐵路」有四個站，我覺得佢應該咁樣起：

1）洪水橋站（接駁西鐵）
2）鍚降圍站（鄰近流浮山）
3）深圳灣口岸站（跨境轉駁深圳地鐵13號線）
4）前海灣站

Twinings 發表於 2021-9-19 11:27
開條頻密豪華穿梭巴士路線，不停站由洪水橋站來往前海咪搞掂囉，又低成本、可以善用現有基建，點解要洗咁多 ...

深圳嘅月亮灣大道以及疫情前嘅深圳灣大橋一樣會塞車，不可能單純以路面交通解決通勤需求

TYChow 發表於 2021-9-19 12:02
田北辰建議：前海灣站一地兩檢。（這也是我的幻想）

呢條前海至洪水橋鐵路，其實可以理解為深港西部城際 ...

點解係前海灣站一地兩檢而唔係深圳灣口岸站？
咁深圳灣口岸站係放響香港管制站一邊，落車後再過關？

TYChow 發表於 2021-9-19 12:02
田北辰建議：前海灣站一地兩檢。（這也是我的幻想）

呢條前海至洪水橋鐵路，其實可以理解為深港西部城際 ...

• 我反而覺得條新洪水橋—前海鐵路應該喺香港各站做一地兩檢，咁樣乘客就唔使喺前海轉車都可以到大陸各大城市。
• 至於喺香港加站，我就建議條鐵路可以起四線，其中兩線畀國集團，停：赤鱲角—洪水橋（喺赤鱲角開出嘅列車唔會停洪水橋）—西麗，設支線去深圳機場站連接穗深城際鐵路，另外兩線畀港鐵公司，停：機場—港珠澳大橋香港口岸—屯門南—洪水橋—鍚降圍—深圳灣管制站。