香港人駕車問題 +警察態度

呢幾日係香港, 真係有時火都來埋, 幾次差d俾人激死, 反應慢d都死..

之前幾日入元朗攪d野, 某日行環迥公路出返大埔個邊, 過左粉嶺突然開始落雨,
小弟部車落左雨敵, 所以乜問題都冇, 但前面竟然就係落雨呢一刻突然踩brake, 由
100km/h變到得返70km/h, 仲要拎著條快線行, 好彩收得切, 如果唔係又係攬著一齊炒,
唔怪得好多時一落雨, 公路都會炒車...一落大雨就唔識駕車咁, 真離譜..
如果係收到80km/h至90km/h都話ok, 突然收落70km/h, 真係...

跟著琴晚係觀塘道右轉向麗港城個邊, 諗著上觀繞..
我都唔算行得快, 都係50km/h, 個時都幾大雨, 前面有部Sunny, 係最右線行得好慢, 咁我就
行慢線啦, 反正都要上觀繞, 點知就係我差唔多埋到佢車尾時, 佢突然一cut就cut落來我條線,
咁我見左邊冇車, 就再cut一條避佢, 點知佢又一野閘過來, 當時落大雨, 見到右邊有位(但一個車位後有部車)
唯有蛇形走位咁, 一邊俾油, 一邊臨急臨忙cut返出去避佢...好彩睇得通, 如果唔係又死得...

今日, 係馬鞍山, 由馬鞍山路roundabout右轉恆康街, 咁啱某部區內校巴(某GR牌廿四座Coaster)係沙田方向返來,
我地就平排入恆康街..點知佢一轉完左, 見到前面有部小巴停係度, 就想捱埋來, 當然響號啦,
呢個時候部小巴就走左, 我要CUT左, 我收油收係佢後面, 點知佢又突然煞制, 之後又好慢唔想過盞燈咁,
唯有響號啦, 竟然, 佢由最左線直行, 而唔係左轉, 真係離晒大譜....

跟著剛才係馬牯欖, 見仲係紅燈, 咪好遠距離開始唔俾油, 等部車流過去, 流到埋去剛好綠燈,
我抽出去時, 後面部HIACE竟然抽頭想過我, 我剛好閘到佢....佢仲要鬧我...真係離晒大譜,
好彩我抽出去時都估到佢想抽, 所以俾左腳油, 如果唔係又係麻煩..

都唔明D駕駛者既, 係外國駕車點會有D咁既問題?係在香港駕車先會俾人激到死死下..

仲有一樣好唔明, 點解香港既警察咁離譜既..
話說早兩日約左個朋友係烏溪沙站等, 我去到時佢未到, 手提又響, 於是跟足指引, 停係烏溪沙站
室內一個非禁區位置, 熄埋車匙講電話, 講左兩分鐘, 有部警車衝入來, 幾個警察落車,
一落車就話: 傷殘人士位WO..(個時烏溪沙站成排位除了呢個空位之外, 其他都泊晒車),
我就話: 阿SIR, 冇HANDFREE,  講緊電話, 跟足法例, 停埋一邊先傾, 傾完就行.
然後其中一個阿SIR, 竟然摸我部車車頭引擎蓋, 話: 個車頭凍架WO, 來左都耐啦!
我就話: 阿SIR, 我部車車頭擺左隔熱物料, 我就算行完長途, 車頭都係凍的!
另一個阿SIR: 走啦, 仲唔走?!

之後我就一腳油請佢地食塵, 係附近兜圈...再諗下, 佢摸我清洗玻璃個箱個邊的引擎蓋, 梗係凍啦...
係我兜圈時, 睇著佢地所有車都炒晒牌, 連地盤車都冇得幸免...返來香港唔夠一星期,
係馬鞍山兩次俾人趕, 真係唔知好彩定唔好彩..

歡迎討論

[ 本帖最後由 hkbw 於 2007-6-14 10:27 編輯 ]

下次應付呢D警察既辦法,落車
打開埋引擎蓋話比佢聽咩叫做熱!
咩叫隔熱物料!
同埋確定自己真係唔好擺左係非傷殘人仕區!
如果真係自己唔岩就無得講,
如果唔係,落低影張相抄低時間地點,
兼且抄低你同阿Sir之間既對話,Complain!
唔駛諗!!
差人唔係大哂既!!

不過...買番個Handfree啦...

[ 本帖最後由 CZ_6686 於 2007-6-14 12:50 編輯 ]

香港人渣車係咁喇...冇計..
不過呢我最怕渣貨Van果d..
成日打燈睇都唔睇就抽出黎..老憑要讓佢咁..

原帖由 CZ_6686 於 2007-6-14 12:25 發表
下次應付呢D警察既辦法,落車
打開埋引擎蓋話比佢聽咩叫做熱!
咩叫隔熱物料!
同埋確定自己真係唔好擺左係非傷殘人仕區!
如果真係自己唔岩就無得講,
如果唔係,落低影張相抄低時間地點,
兼且抄低你同阿Sir之間既對話,Co ...

玩都要睇下咩環境, 官字兩個口, 何況人地仲要成 team 咁黎"交數", 如果唔係多路人, 同佢地玩好似無著數喎!

原帖由 6008-JU1220 於 2007-6-14 14:47 發表
香港人渣車係咁喇...冇計..
不過呢我最怕渣貨Van果d..
成日打燈睇都唔睇就抽出黎..老憑要讓佢咁..

回歸十年, 香港人的駕駛態度漸漸融入左大陸的模式, 你估真係五十年不變?

今日係馬牯欖, 又來一單了..就係d 807K小巴, 一過左盞燈就即停係度上落客..
頂死後面..
今日出去時, 巧合地, 排對面頭位又係807系的小巴, 於是, 小弟把心一橫, 嘗試係兩部迎頭而且停左係度的小巴
中間插過, 又俾我成功左, 迎頭的807系仲"砵"我...不過, 都成功令兩個小巴司機呆左係度..
如果過唔到的話, 我預左落車嘈交的了...

再係咁, 真係要向運輸署嘈一嘈...

睇開D兄弟,香港人楂車亂黎就梗架喇!!
無謂咁勞氣啦!!

比起大陸,香港人o既渣車態度都算ok 架啦

如果你部車真係擺左o係傷殘人士位,
警察埋黎up幾句,又唔駛抄你牌,咁都算離諳?

師兄,星期日出黎揸車仲多野睇呀....

最經典之前係佐敦道見到有位女士揸架saab(好似係)中線cut 出快線cut 到車頭上左石膊之復彈番落黎