關於北港島線

JX9097 發表於 2021-9-29 23:46
東九龍綫應該成為打通九龍東西嘅新綫可以沿亞皆老街走，直入旺角，甚至乎去埋南昌駁屯馬綫
...

絕對應該要咁做
觀塘線本身已經滿瀉，再喺鑽石山倒轉車客入觀塘線，完全唔係解決問題
東九龍線自身走去西九龍，將一批東九客從觀塘線分離、直接帶去西九龍目的地，同時令轉車客分散喺新增轉車站，先係一個健全嘅鐵路網

jpoon 發表於 2021-10-1 04:00
未有TML前我諗唔少人會搭到尖東，行去尖沙咀站轉，不過更多人係去到紅磡轉隧巴囉，又點會去油塘轉將軍澳綫 ...

都要睇去邊嘅
北角以東唔係個個識搭102P/106A
九龍塘至紅磡嘅龜速車程加隧巴排隊時間同搭車時間
搭鐵至少比巴士穩定
加埋東鐵月票計
大圍以北搭鐵去港島東係首選

HV7025 發表於 2021-10-1 12:29
將軍澳線過海嘅龐大客量，將軍澳自己佔咗一半以上，列車到達油塘時已經半滿甚至大半滿
呢班客開咩新鐵路 ...

北角站係樽頸又點
明明有中灣繞道之後
港島北都冇咁塞車
係都要堅持要交匯方案為龐大過海客製造不必要轉乘
自己保鐵就鬧新城服務差
新東九東就要人迫轉車站同繼續搭巴士塞大隧同東隧
浪費咗中環繞大搞東區特快巴士嘅潛力

新城頹做東區都係收得平但又唔夠客圍皮
交匯方案只會繼續打壓港島北嘅巴士生存空間
換綫方案先可以平衡返港島北巴士同鐵路嘅生態

ryandroid 發表於 2021-10-1 14:51
北角站係樽頸又點
明明有中灣繞道之後
港島北都冇咁塞車

咩叫賴新城服務差？
灣仔繞道未通車之前，新城對18、720嘅客好好？不屑做local客倒客入地底就有份
就算繞道通咗車，新城做過啲咩、嘗試用路面改善北角樽頸？無
或者講，如果用灣仔繞道開巴士嚟帶走東區人，騰出空間俾將線乘客，呢度要幾多架巴士先做到？
港島線自己都要做東區人，就算新城做得好好，仍然有非常龐大嘅傳統工商業通勤喺港島線沿線，呢班客根本唔可能用灣仔繞道分流

換線方案會有大批港島東客需要喺北角落車，但將軍澳線喺北角落車嘅人唔多得去邊，北角樽頸隨時只係由現時港島線月台，搬去將軍澳線月台
換線方案完全割裂呢條傳統工商大動脈，喺北角製造更多無謂轉車就真

HV7025 發表於 2021-10-1 15:34
咩叫賴新城服務差？
灣仔繞道未通車之前，新城對18、720嘅客好好？不屑做local客倒客入地底就有份
就算繞 ...

一定要轉車唔可以喺新站行返入去？

要直車嘅 2X 8 8P做得好差？
換線方案真係要轉車嘅只係有太古-柴灣，呢段路去銅鑼灣灣仔內街有2X/8/8P,金鐘有720/722/789,中上環去香港站行過去就得，而且港島區亦都唔會再有咩人口增長根本冇任何原因阻礙越來越多新界/九龍過海客

leo_ku 發表於 2021-10-1 17:26
起左就唔會cut巴士服務？

cut唔cut 乘客隻腳會選擇 等於西鐵延長咗之後有冇cut 260X?依家有冇cut 61X?
依家個方案根本係不切實際第一 添馬係冇設站需要，二 兩條線都唔到核心位到最後啲客都係去返港島綫

Sita1004-1017 發表於 2021-10-1 16:48
一定要轉車唔可以喺新站行返入去？

要直車嘅 2X 8 8P做得好差？

單係太古至柴灣，講出嚟好似唔係好多，但足夠一架港島線西行去到北角超過半車客
港島東搭巴士嘅人數比例已經多過唔少地區，大部分巴士已經係頂閘上東區走廊，但港島線仍然有龐大客源，因為住喺度大部分成人都係返港島，傳統嘅工商業活動足夠喺繁時同時令地鐵同巴士滿客當中有唔少港島東居民係去上環、中環山邊、灣仔南呢啲舊式商業區嘅中小企返工，換線唔轉車佢哋行到隻劇咁都未行完，仲未計去彌敦道要轉2次車
想換線無非想減輕塞車，但對港島人你就叫人用路面，甚至搭最塞車嘅102做替代，呢啲叫本末倒置


即使港島人口唔會上升，但新住客只會係更高薪富裕嘅港島返工人仕，對港島線需求會長存
就算新城想吸客，都要加多好多架巴士
要做好巴士不如叫城巴做大933 989呢啲吧，起碼城巴賺錢多啲，長途客搭巴士亦都較吸引