關於北港島線

he_01 發表於 2021-10-2 13:53
唔使嘈啦 最新消息係“側聞政府已經搵咗港鐵研究簡化北港島線方案，最壞情況隨時連匯都冇得交🥺”By Tony兄 ...

只係話簡化北港島線、唔郁東涌線，唔等於會無咗交匯。比如話，成條北港島線俾曬將軍澳線做，直接拉去香港機鐵站。
咁樣機鐵站+中環站=5線換乘唔駛出閘，各取所需，人人開心，而且工程規模隨時可以進一步縮小。有兩個方案：
1. 備用2號月台+掉頭線轉俾東涌線用，大堂對住起多個月台；原東涌線月台，轉俾將軍澳線用（駁埋北港島線路軌）
   

L2月台層：

    （1）機場快線往機場/博覽館
    ===================== →
———————— 隔墻 —————————
    ===================== →
    （3）東涌線往東涌/迪士尼線
    （2）東涌線落客月台【新月台】
← =====================

L4月台層：

← =====================
    （4）將軍澳線往寶琳/康城
    （5）將軍澳線往寶琳/康城
← =====================

2. 直接在東涌線月台下面起全新的將軍澳線月台，其他月台維持現狀（可能順手起埋機鐵掉頭線）

User12345678910 發表於 2021-10-2 15:08
如果東涌綫唔改，又唔直通，我懷疑係將軍澳綫去香港站做總站，甚至暫緩興建添馬（保安問題） ...

唔起添馬唔係太大問題，ISL中環-金鐘同EAL會展-金鐘都唔會唔夠載。

反而假設TKL進一步延伸，尾站可以擺邊？

如果併入香港站，一係擺郵政總局地底，叫發展商揼定個框先，但站前折返就梗架啦。咁就連交匯方案將軍澳去唔到中環都搞掂埋。

hellomato 發表於 2021-10-2 15:44
只係話簡化北港島線、唔郁東涌線，唔等於會無咗交匯。比如話，成條北港島線俾曬將軍澳線做，直接拉去香港 ...

分分鐘呢個「簡化版」好過爭論多時的換綫交匯方案，東涌綫雖然去唔到港島東但可以簡單轉頭站車（反方向亦係轉頭站車）；九龍東將軍澳直達中環；甚至可以預留將軍澳綫西延駁明日大嶼。

另外想補一補工作地點關係的事：
可能有人會問，點解港島近山多數係港島人去，而來自九龍／將軍澳人只需要去到填海區，點樣得出呢個結論，去邊度返工唔係應該平均分佈架咩？

睇一睇地圖我就諗到，近山多數係傳統中小企，呢類工九龍都有，所以九龍人無需要特登搵港島公司見工，比例上會有較多港島人應徵；而填海區就有唔少政府部門、甲級商廈、高檔酒店等，人工比較好、吸引力大而令人唔會太介意通勤時間，而做政府工冇得揀自己返邊度，於是填海區就會有較多區外人返工。以上只係好籠統的趨勢觀察。

無論北港島綫點樣起，中環至北角之間的確需要多一條線，到時點轉都好，總會有一班人落車而令到另一班人可以上車，點都好過而家一條港島綫孭晒。

DIH 發表於 2021-10-2 17:17
分分鐘呢個「簡化版」好過爭論多時的換綫交匯方案，東涌綫雖然去唔到港島東但可以簡單轉頭站車（反方向亦 ...

師兄觀察力強，簡單講到小弟呢十年嘅觀察
最初我都唔知點解喺咁多7系東廊巴士下，港島東地鐵仲咁高客量
但原因就係因為西營盤＜＞銅鑼灣近山邊有唔少傳統中小企，例如中小型嘅則樓、律師行、貿易公司
呢啲傳統公司就係港島線嘅客源，就算開幾多7系巴士直達中環，去山邊都無咩好巴士線搭，係得789好少少

所以叫人換線然後由海皮行去山邊返工，絕對係離地唔合理的

中環＜＞北角需要多一條線，其實早喺2000年代中、將軍澳線通車不久、將南嘅港島白領人口大幅增加後，已經需要
嚟到而家都未起，已經變成炙手可熱嘅問題
而隨住東九龍將軍澳仲有人口增長，問題只會愈來愈嚴重
我唔理係交匯好，定係改到只延長將軍澳線好，將軍澳線都有非常實際需要延長

hellomato 發表於 2021-10-2 15:44
只係話簡化北港島線、唔郁東涌線，唔等於會無咗交匯。比如話，成條北港島線俾曬將軍澳線做，直接拉去香港 ...

L2以西個crossover已經大幅限制左個班次

HV7025 發表於 2021-10-2 14:52
exactly
我雖然出世至今無住過港島半晚，但以喺港島東返工超過十年，日日見住港島區交通通勤情況
自己先 ...

其實我又有另一個諗法，就係將（屯門）交椅洲至港島鐵路線，經港島西半山、北角去郵輪碼頭、牛頭角以及順天邨。
順天邨（接駁東九龍線）
牛頭角（接駁觀塘線，近雅麗道地底，視乎花園大廈是否重建，以及要研究如何跨越觀塘繞道及T2路）

（下穿觀塘避風塘、跑道郵輪碼頭以北、東面入境檢疫區）
北角（琴行街、電照街地底，接駁港島線、將軍澳線）

銅鑼灣（加路連山道近舊機電署）
灣仔（莊士敦道或大道東近QRE）
中環南（近大館，如有需要應將東鐵線作延伸以轉駁）
堅尼地城（近觀龍樓）
（之後經交椅洲去屯門）

Justshamxx 發表於 2021-10-2 13:16
見到個討論版咁長，我都出句聲啦：
第一，我以二十年港島人身份，強烈反對北港島綫採用換綫方案，因為此舉 ...

其實根本《鐵路發展策略2014》完全無考慮交椅洲、東大嶼，以及明日大嶼發展對港島交通的影響，如果強要在海邊興建北港島線，對疏導港島區交通根本無幫助，倒不如建議運輸署早日安排重開693P巴士！

香港站真係仲有位比東將2線同時做總站？

20160424 發表於 2021-10-2 20:42
香港站真係仲有位比東將2線同時做總站？

無預留結構

其實機場快線延長可唔可行？

TYChow 發表於 2021-10-2 20:11
其實我又有另一個諗法，就係將（屯門）交椅洲至港島鐵路線，經港島西半山、北角去郵輪碼頭、牛頭角以及順 ...

東大嶼點樣同現有路線交匯，將會直接影響全香港交通佈局，值得深入討論
特別如果東大嶼去九龍要經過港島嘅話，將會大幅增加過海人數，加多一條過海鐵路係最低要求

喺小弟嘅睇法，只要唔影響港島既有網絡，任何能夠安排將軍澳線同港島線乘客分開進入灣仔嘅方法，都可以考慮
但北角樽頸已是存在已久嘅問題，而且會進一步惡化，所以咩方案都好，最緊要盡快處理北角嘅樽頸