港鐵幾時先肯加密返星期日紅日啲班次？？？

明明疫情放緩咁耐，星期日紅日多返好多人出街，特別夜晚，市區線成6分鐘一班，幾十年前都冇咁疏，觀塘線太子轉荃灣線，例牌送車尾等足五分鐘不特止，琴日九點幾食完飯個段時間，個個夾硬迫上車先得，去深水埗根本仲迫過朝早返工繁忙時間！

星期五六日晚不嬲多人出街食埋飯先返屋企，有乜理由荃灣線星期五六晚開4分鐘一班而星期日晚開成6分鐘一班？？？係都十點前開返4分鐘一班下話？？？

聽講屯馬線東鐵線一樣星期日紅日維持7分鐘一班，搞到班班迫到傻，疫情冇客就係咁減，但比以前恢復返咁多客就死都唔肯加返，真係想問班高層假期係咪唔出街

黨鐵:車廂不是紅色，代表還有位，不用加密班次

Kelvin15190 發表於 2021-10-25 08:44
黨鐵:車廂不是紅色，代表還有位，不用加密班次

坐晒啲位企人都可以係綠色
黃色就係要迫上車
紅色要去到貼門先有

紅線星期日晚好似未見過 4 分班 , 疫情前都只係開 5 分

GU9338 發表於 2021-10-25 13:58
紅線星期日晚好似未見過 4 分班 , 疫情前都只係開 5 分

大約2017年開始至疫情前星期一至四同六日晚都係4分鐘一班，星期五晚再密少少，3-3.5分鐘一班

齋講星期日紅日，呢幾個月市面比以前（2018/2019上半年）旺咗，係講緊由朝旺到晚，可能個個去唔到旅行，又或者加埋經濟不景多咗人要返星期六，同星期五六晚比夜晚十點後先較少人，因為第二日要返工返學

cky 發表於 2021-10-25 12:36
坐晒啲位企人都可以係綠色
黃色就係要迫上車
紅色要去到貼門先有

其實屯馬線個紅黃綠色係乜原理，係用 weight sensor detect定咩，如果係即係可以迫到貼門但一樣可以黃色，尤其星期日紅日特別多BB車同小朋友

地產公司副業係咁㗎喇

因為未通到關,無旅客補貼,條數計唔掂咪唔開咁密.

gsrc0525 發表於 2021-10-25 15:25
其實屯馬線個紅黃綠色係乜原理，係用 weight sensor detect定咩，如果係即係可以迫到貼門但一樣可以黃色 ...

用車底個氣壓計嚟度重量，從而推算載客量。所以放一車鉛同一車發泡膠已經好唔同。前者紅色，後者仲係綠，但所佔空間一樣。

gsrc0525 發表於 2021-10-25 15:25
其實屯馬線個紅黃綠色係乜原理，係用 weight sensor detect定咩，如果係即係可以迫到貼門但一樣可以黃色 ...

車底氣墊會保持同月台同一水平，亦可推算到負重。
不過全車都係小朋友同塞滿BB車，同全車企滿75公斤成人個重量係爭好遠