我們何時會看見有雙普選的一天

原帖由 chai 於 2007-6-19 06:55 發表

忽然想起了多年前說過一套理論﹐
在東亞地區的民主化進程中﹐
包括大韓民國 (1987) 和中華民國 (1996)﹐
獨裁執政者都是在肯定至少可繼續掌權一次後﹐
才敢將政權轉往普選形式。

不知中共最終會否都是一樣？ ...

沒想到柴兄會對中共如此樂觀。

[ 本帖最後由 238X 於 2007-6-19 12:11 編輯 ]

原帖由 238X 於 2007-6-19 12:08 發表

沒想到柴兄會對中共如此樂觀。

其實我對中共都樂觀．．．

唔知點解，我硬係覺得到咁上下，
連中國都可以民主起來，一黨專政局面會慢慢減弱．．．
而呢個係一個可以望見既將來．．．

原帖由 monkey_bsw 於 2007-6-22 17:12 發表

唔知點解，我硬係覺得到咁上下，
連中國都可以民主起來，一黨專政局面會慢慢減弱．．．
而呢個係一個可以望見既將來．．． ...

至少我在黃仁宇先生的著作也看到這種見解。
但有時看到新聞和討論板諸君的討論，
不禁覺得連黃仁宇先生也可能過於樂觀。

原帖由 ATR83 於 2007-6-15 18:33 發表
香港在97回歸前,一直受到英國的殖民地統治,到了十年後的今天,仍有不少人懷念那段日子,但我相信絕大部份
香港人更想香港有雙普選,包括我,特別是行政長官的選舉產生辦法~但中央已排除了2012年有雙普選的可能性,
其理由 ...

根據基本法第68條指明最終目標是全部議席由普選產生。
樂觀的話可以期望在世界沒日前一刻實行。

真佩服草議基本法那班人的智慧。

[ 本帖最後由 sereniti 於 2007-6-23 01:29 編輯 ]

原帖由 ATR83 於 2007-6-15 18:33 發表
香港在97回歸前,一直受到英國的殖民地統治,到了十年後的今天,仍有不少人懷念那段日子,但我相信絕大部份
香港人更想香港有雙普選,包括我,特別是行政長官的選舉產生辦法~但中央已排除了2012年有雙普選的可能性,
其理由 ...

有一條問題是本版泛民主派諸君是不願直接回答的，
就是為什麼香港有條件立即進行普選。
以前本人問及這條問題時，答案通常不出以下數個：

１．”咁你點解又認為香港無條件進行普選？”（迴避問題核心，只識將個責任推回對方）
２．”根本無客觀條件去界定什麼情形下可以進行普選”
（咁即係無客觀條件去界定什麼情形下不可以進行普選，即係廢話。）
３．”民意支持已經足夠。”（什麼民意？這些民意是以什麼基準得回來的？
所謂民意的背後，他們明白行普選制度是會有代價嗎？）
４．”有普選，就可以改變現時的局面”（點改變？改衰了，泛民主派會否負責任？
仲有，這個所謂答案根本無答到問題，只是轉移視線，就像做傳銷的人，只講
所謂好處，不講壞處一樣。）
５．”基本法有講明既！”（都係廢話，基本法沒有明確說明究竟是何時進行普選。）

我不知道要答第一個問題有多難，然而，在本版，沒有人願意詳細一點去說，
為何現在可以，及舉出具說服力的理由。

煩請泛民諸君回答以上問題，當然，根據版規，你們是不須要一定要回應的。

原帖由 chai 於 2007-6-15 19:45 發表
有必要先提醒各位﹐雖然心急爭取普選﹐
但更要小心會出現特首參選人﹐
由提名委員會嚴格挑選後﹐
才能公開讓全民投票的制度。

根據基本法第45條：
”行政長官的產生辦法根據香港特別行政區的實際情況
和循序漸進的原則而規定，最終達至由一個有廣泛代表
性的提名委員會按民主程序提名後普選產生的目標。”

（援引自政府網頁：http://www.info.gov.hk/basic_law/fulltext/c-index.htm）

這是一早已規定的，難道自稱奉行基本法的泛民諸君
忘記了以上有間線的部份？可以說，那些說跟基本法，
但又要一腳踢開提名委員會的方案，在本質上已違反
基本法。

原帖由 monkey_bsw 於 2007-6-19 00:38 發表


你鼓勵人加入共產黨, 對中共中央係好出色既表現~
係偉大既馬克思主義者, 放心放心~!!!

”鼓勵人加入共產黨”就係”偉大既馬克思主義者”？
請問什麼是”馬克思主義者”？

原帖由 238X 於 2007-6-23 01:09 發表


至少我在黃仁宇先生的著作也看到這種見解。
但有時看到新聞和討論板諸君的討論，
不禁覺得連黃仁宇先生也可能過於樂觀。

任何事情的進化總有一個過程，民主程序（包括但不限於普選）也不例外。

原帖由 Chairman 於 2007-6-23 12:12 發表

１．”咁你點解又認為香港無條件進行普選？”（迴避問題核心，只識將個責任推回對方）
２．”根本無客觀條件去界定什麼情形下可以進行普選”
（咁即係無客觀條件去界定什麼情形下不可以進行普選，即係廢話。）
３．”民意支持已經足夠。”（什麼民意？這些民意是以什麼基準得回來的？
所謂民意的背後，他們明白行普選制度是會有代價嗎？）
４．”有普選，就可以改變現時的局面”（點改變？改衰了，泛民主派會否負責任？
仲有，這個所謂答案根本無答到問題，只是轉移視線，就像做傳銷的人，只講
所謂好處，不講壞處一樣。）
５．”基本法有講明既！”（都係廢話，基本法沒有明確說明究竟是何時進行普選。）

我唔知你講既 "泛民" 係指咩, 但就住你既問題, 姑且都答一答~

1. 普選係權利, 唔係講條件... 夠18歲就可以投票, "夠18歲" 係個係條件囉~
2. 我會話, D所謂客觀條件係大家唔能夠agree. 投票率高低, 教育水平 都可以係一d "條件" (但我唔認為普選應該講咁多"條件")~
    另外, 我認為香港人識分辨是非黑白, 知道邊個真係為香港好; 你就認為果班人係政棍呃飯食... 覺得香港人唔識分辨. 根本係口同鼻拗~
3. 民意支持唻講, 請參考番各個不同機構有關 香港人對 "普選" 呢件事既調查... 不贅~
    民意背後是否需要知道代價係一回事, 即使我當係需要知道, 難道你認為香港人唔知道有咩代價?
    定係你覺得我地知道既 "代價" 冇你知得咁詳細咁透徹?
4. 改變現狀講既係, 而家既政府照顧財團商家 (你唔認同就算), 對普羅市民缺乏責任感.
    但由於冇選舉行政長官既權利, 故此即使佢不得人心, 仍然安然無恙而且唔打算同市民交代任何事情.
    改衰唑? 我諗講普選既人一直都話, 改變唑既好處, 係大家有權選擇他, 亦有權放棄他.
    不過, 你都不妨講講點先為之 "改衰唑"...
5. 基本法有講明, 咁係有講明就有講明, 有咩問題......
    而且會拎呢句出唻講既時候, 通常都係回應緊有人覺得 根本唔應該普選既時候.

原帖由 Chairman 於 2007-6-23 12:21 發表


”鼓勵人加入共產黨”就係”偉大既馬克思主義者”？
請問什麼是”馬克思主義者”？

其實, 你識唔識分有咩係講笑, 有咩係認真...?