綠島居民過海難 巴士公司好麻煩

話說最近海庭道16樓跌咗好多張紙仔出嚟，但綜合以上嘅紙仔，完全對 948 系列加強服務隻字不提，可謂荒謬！

某巴士公司平時經常對948 加車一事採取「充耳不聞」嘅態度，一時又話自己冇人，一時又話自己唔夠車。但根據最近跌出嚟嘅紙仔，出現了多項有關該巴士公司加強其他地區巴士服務嘅項目，例如係將796E(795)，795X，X795 三條路線一齊全日。即使會取消796C，但根據初步估算，巴士公司仍需額外投放20部巴士以實施相關項目。可見該巴士公司所說嘅「理由」全部都係藉口，呢頭加20部車俾將南，嗰頭 948 叫佢加多一部車都好似難到登天咁，仲想抵賴？唔想做嘅不如主動申請交牌啦。

根據運輸署嘅紀錄，948 早上最繁忙半小時的載客量達到100%，明顯超越「巴士路線發展計劃改善服務指引」中所訂明嘅90%，反映情況十分之不理想。事實上，過去一兩年，948系列的客量有明顯上升嘅趨勢。出島方向嘅早上清晨時段，繁時高峰過後(08:15-09:00)，甚至係非繁通勤方向，都出現嚴重嘅供不應求情況，以長安開出13:00 的班次為例，該班次抵達尾站嘅時候，經常出現企黃線，甚至係頂閘嘅狀況，30分鐘一班根本完全不合理。晚繁及夜間回島亦出現有關情況。

事實上，青衣島上未來數年將會有多個新落成的住宅項目，包括預計今年落成的青富苑，明翹滙，薈藍，以及明年落成的長青邨擴建項目第一二期等，預計新增人口多達11000人，該等住宅項目均遠離鐵路站，因此預計會帶來大量的新增過海需求。因此，巴士公司實在應該加強青衣區的過海服務。

建議巴士公司於短期內落實以下項目：
1）948 在不同時段增加班次
2）在繁忙時間試行提供全面拆線服務，早上(07:00-08:30)只開B/P/X，下午(17:00-18:30) 提供P/X 線服務，讓寮肚山及山下居民享有特快過海服務。此外，亦建議948P 來回方向改行青綠街
3）試行延長948 平日服務時間，跟星期六日睇齊，尾班車長安19:00開出，以方便青衣工業區嘅放工乘客

之前好多青衣居民仲諗住今年六月東鐵過海之後，某巴士公司就會有資源加強948 服務，但觀乎有關文件，該巴士公司似乎不太打算將部份節省出嚟嘅資源抽調至948。希望巴士公司能夠回頭是岸，對症下藥。而運輸署作為監管機構，亦有責任確保並敦促巴士公司提供足夠服務。

據悉，某部份青衣區議員對於RPP 沒有計劃提及加強948 系列服務已感到強烈不滿，打算喺嚟緊嘅交委會提交多項議程，「恭候」運輸署及巴士公司，在地區上展開新一輪嘅猛烈攻勢。

本身個人諗緊減咁多車都夠948加班
不過948聯營安排又差
成日私來私去

又小道消息又咩咁，以為又係RPP猜謎添。原來只係個別人士嘅意見

其實有無得934/A <> 948ABEPX 交換獨營？ 948九巴，934城巴。其實營運上大家都winwin。九巴可以做大948（聽師兄講九巴對948積極過新巴）；934俾左城巴又可以同930x 重組

"將796E(795)，795X，X795 三條路線一齊全日"？
當日消息好似係796C取消換796E 795X全日咋wor
究竟係捨一得二，定係一變三？(Sor for錯重點)

不過早排都好似有消息傳出爛橙唔夠人，暫緩795系列改動

回正題：其實隨住遠離鐵路嘅青衣南越黎越多人口，948系列真係好有需要繼續增強服務
不過948當日有唔少改動，印象中冇上RDP就做，又或者私底下做
聯營是原罪

試行延長948 平日服務時間

唔使試行,應該係要永久實施

開949一勞永逸吧

人地有車加自己無說服力唔強
自己努力爭取更佳服務吧

當年新巴開唔成 949 就hea 做，完