新巴 795P 795X 投入服務；N796 延長至康城

ATSE40 發表於 2022-3-4 14:47
我就唔太認同 795X 唔應該做，如果真係咁唔好做嘅就唔會照抄抄多兩條 795P 同 X98C 出嚟。
而家新巴最大 ...

弊在用車數同收入唔成正比呢。

795X 同 793 要行一樣路，就係因為本質做緊 796C 班客，
再加九龍灣、油麻地同長沙灣。

假如唔做九龍灣同油麻地，單純 796C 延長去美孚咪解決問題。
而家嘔多 8 部車去做 795X 係咪仲傻？

九巴都費是搞 296P 都知咩事。

dennis28a 發表於 2022-3-4 15:01
因為紅隧塞車 > 歐化塞車 > 平治街車去唔到死亡交叉，
當死亡交叉唔塞 > 快線落橋「睇落」唔塞。

以前搭 215X 經驗
東九龍走廊快線唔一定會快過慢線，當年 215X 只係因為曲街個站要食晒車龍先出事，但特車都唔一定行快線

到最後都係死亡交叉先係 Boss
仲要睇下車長會唔會死都堅持上橋，上埋既話隨時仲慢

dennis28a 發表於 2022-3-4 15:10
弊在用車數同收入唔成正比呢。

795X 同 793 要行一樣路，就係因為本質做緊 796C 班客，

296P 似乎只係同當初 796E 抗衡做九龍灣既產物但明顯客量唔掂先做埋西九，但做埋西九又失去定位

撇開價錢考慮，當初掛 296A 特車牌頭總站擺企業廣場
總比長沙灣開過黎有緣人班次（之前仲要尚德開出旺角循環返黎，都痴痴地線，同 110A 鬥廢）

3ASV174 發表於 2022-3-4 15:15
以前搭 215X 經驗
東九龍走廊快線唔一定會快過慢線，當年 215X 只係因為曲街個站要食晒車龍先出事，但特 ...

根據的士司機講法，行慢線目的係進可攻，退可守。
目標係落左慢線發現蕪湖街無事仲可以去返快線，
但一落橋去到快線，一黎雙白線無得走。

而死亡交叉幾塞，同紅隧塞車有極大關係，
紅隧龍尾一倒塞返佛光街，死亡交叉通常都唔會太塞，
但當紅隧口唔倒塞落曲街，咁死亡交叉就死緊。

只欠在東九龍走廊因咩塞車，家陣東九龍走廊好左太多由將軍澳黎私家車，
基本上早繁九點後成條東九龍走廊塞硬，但落左橋快線係暢通無阻。

去到十點紅隧車流散晒，就到快線塞硬。

dennis28a 發表於 2022-3-4 16:00
根據的士司機講法，行慢線目的係進可攻，退可守。
目標係落左慢線發現蕪湖街無事仲可以去返快線，
但一落 ...

死亡交叉其實唔係塞紅隧入口，係塞東九過黎既車同紅隧出黎既車匯合
所以東九龍走廊落橋快線塞車其實係唔關紅隧過港島事，係關港島過九龍事，排入紅隧既車龍只會o係左邊兩條線

除左巴士可以快線落黎打尖入紅隧，其他車行得快線都只可以係直去佐敦方向

3ASV174 發表於 2022-3-4 16:13
死亡交叉其實唔係塞紅隧入口，係塞東九過黎既車同紅隧出黎既車匯合
所以東九龍走廊落橋快線塞車其實係唔 ...

正解，最塞就係上加士居橋，左車(紅隧車) 去右，右車(東九廊) 去左
不過唔明白點解唔將漆咸道南近理工一段三收二既影線 (呢個位) 改為巴士線，至少可以一直延伸到入紅隧路口前既漆咸道南第二線，呢條線本身都只係比巴士爬頭入紅隧，以及其他車直去佐敦用，但直去佐敦行到呢個位都係要cut返右線
咁改會對唔少行五幹快線，例如98D, 215X等等都好有用 (呢個位可以塞好耐...)，唔知係唔係怕司機視線受阻呢？

Citcalag 發表於 2022-3-4 16:33
正解，最塞就係上加士居橋，左車(紅隧車) 去右，右車(東九廊) 去左
不過唔明白點解唔將漆咸道南近理工一段 ...

影線位改巴士線，佢同紅隧出黎條快線就唔係匯合，直情變左路口直接閘出去人地條線

ATSE40 發表於 2022-3-4 14:47
我就唔太認同 795X 唔應該做，如果真係咁唔好做嘅就唔會照抄抄多兩條 795P 同 X98C 出嚟。
而家新巴最大 ...

佢要推到旺角班客落795X
就只可以將軍澳走線唔變
基本上佢肯唔搞九龍灣先可以揀將軍澳快

3ASV174 發表於 2022-3-4 16:13
死亡交叉其實唔係塞紅隧入口，係塞東九過黎既車同紅隧出黎既車匯合
所以東九龍走廊落橋快線塞車其實係唔 ...

非也，紅隧口唔塞到平治街，死亡交叉好大機會塞車，反之亦然。
當你細心留意，兩者同東九龍走廊塞唔塞車有非常大關係。

切記一點，當紅隧口塞到平治街，
橋底既車同蕪湖街根本去唔到死亡交叉，
死亡交叉流量少左一半，唔同紅隧港島過黎既車打交，自然唔會塞車。

但當橋面慢線既車落唔到橋，所有車咪塞返上東九龍走廊。
你係司機，梗係行快線去到昇御門打尖 Cut 落慢線，
結果條東九龍走廊都快慢線塞埋一份，塞到去浙江街。

所以點解 101X 永世都加唔到班，就係紅隧車已經塞到返上東九龍走廊。
而 8 點半前紅隧口龍尾根本唔算塞。

Citcalag 發表於 2022-3-4 16:33
正解，最塞就係上加士居橋，左車(紅隧車) 去右，右車(東九廊) 去左
不過唔明白點解唔將漆咸道南近理工一段 ...

因為咁改法會搞到紅隧龍尾塞到收費亭，
成個邏輯係一定要優先比紅隧港島車離開。