巴士轉乘及聯合班次在現時的作用

早年直至現在，巴士公司有不少重組路線以轉乘優惠代替，甚至先後開設不少轉車站例如屯轉、屯赤、青沙、將隧及粉轉等，以及香港仔隧道/瑪麗增設轉車優惠；但在現時乘客量減少下不少路線大幅削減服務，大部分路線晚上更加是30分鐘一班，導致巴士轉乘所帶來的方便（或路線重組代替）大打折扣，在這方面如何平衡？

舉例之前講緊67X早收，同時67M又開25-30分鐘一班，送佢尾真係直接坐58X或者轉返58M/260X行返去（兆康就入到屯門轉46/K51/西鐵）算了

轉車站例子例如屯赤，除左E33部分時間同E36/E37早上繁忙時間較密外其他路線都係非常疏落，都係對轉乘（特別是E36A）亳無吸引力；E32A更加是青馬獨市（又削減了東涌北-青衣服務），晚上又是開30分鐘一班，送車尾一係蝕多程$搭城巴（但同時E11A/B/E21A都係開30分鐘一班）班，一係白等半個鐘仲耐過車程

相反地港鐵的接駁服務（例如輕鐵/K巴）並沒有減班，証明雖然現在客少，但接駁服務需要有合理班次方便乘客

依家就係同你講，最好wfh，收工就翻屋企，夜晚八點後唔好出街，咁八點後無車係天經地義，何況乜鬼野轉乘優惠

GK3258 發表於 2022-2-21 13:31
依家就係同你講，最好wfh，收工就翻屋企，夜晚八點後唔好出街，咁八點後無車係天經地義，何況乜鬼野轉乘優 ...

咁事實係仍然有唔少必要的服務性工種佢地乘車上班下班，呢d就算社會點停罷都要返工維持市民,必要服務

講開轉乘等車耐問題其實N72/N90模式都可取的，不過要視乎不同路線情況來安排

其實唔好話
正常時期都有呢類問題
CUT你直達車
轉車個兩條線越開越疏

不嬲都冇話過包你just-in-time轉到車

GK3258 發表於 2022-2-21 13:31
依家就係同你講，最好wfh，收工就翻屋企，夜晚八點後唔好出街，咁八點後無車係天經地義，何況乜鬼野轉乘優 ...

新巴14早收覆蓋唔到富豪海灣
住得嗰邊基本用私家車,保安員
及家傭等收車前返入去就可以。

醫護、紀律部隊人員都唔係
個個揸私家車,再基層一啲速遞員
(有意見認為疫情之下叫外賣、網購
就可以,但實際上亦要「人」去送貨)
上列人群無法在家工作及2000前收工

teddybus 發表於 2022-2-21 14:32
不嬲都冇話過包你just-in-time轉到車

唔係just in time的問題，而係轉乘路線太疏對乘客冇誘因轉車，加上有唔少路線嘅重組係以轉乘代替

所以你見港鐵的接駁服務（輕鐵/K巴）有冇減過班？

咁我就用青衣返東涌北去計，無左E31咁我當青衣有三飛龍運10分鐘有車，上到轉車站E32A要等30分鐘，咁我行返去好定轉車好？
反正依家都唔塞車，巴士公司喺考慮減班時，如果有部份組合路線係相對較多人轉車係咪應該考慮開車時間上可以調節吓

依家真係減到好似住離島要記搭船時間咁樣，但一般市民有冇咁神心同你左記又記啲時間？

kitarolo 發表於 2022-2-21 14:36
新巴14早收覆蓋唔到富豪海灣
住得嗰邊基本用私家車,保安員
及家傭等收車前返入去就可以。

所以我咪話就算成個社會停頓都好，呢啲必要服務都係要人乘車上班下班的嗎，例如最基層的任何處所保安、清潔等

Sita1004-1017 發表於 2022-2-21 15:50
所以我咪話就算成個社會停頓都好，呢啲必要服務都係要人乘車上班下班的嗎，例如最基層的任何處所保安、清 ...

以提供必要服務的工作人口, 要巴士公司開返平時的班次方便轉乘, 會唔會要求過高?

其實轉車都係西北/安秀順嗰啲 沿途搭鐵唔多方便
又或者城隧有車程優勢 先吸到客搭
有鐵路競爭嘅話, 一叫人轉車其實冇晒吸引力

所以青沙/將轉/粉轉/香隧 一堆完全做唔起
就係因為巴士轉巴士個觀感通常都真係好差

所以睇咩地方轉乘, 真係少人搭我覺得疏冇乜問題