2022-2023年度沙田區巴士路線計劃

AVW28 發表於 2022-2-23 17:11
85由火炭山尾街延長至駿洋邨(我估73A遲早實要兜埋上去，比居民去大埔或威爾斯)

- 80M改為平日繁忙時間服務 ...

我會咁睇287D, 前設以奧運站及西九龍政府返工客做主打。

朝早ok, 廣東道只是bonus/ 以尖沙咀價收奧運站及西九龍政府合署返工客。

問題出了在回程, 兩邊都唔討好。  

九巴仲搏尖沙咀, 佐敦及中郵的客上釣? 一睇要兜大角咀就唔開胃。如果我在大角咀的, 我都唔知等你唔等你好?

不如放手一搏, 跟12 經九龍公園徑, 廣東道掃返落去奧運站。至少同朝早對稱返, 仲可以搏廣東道放工客在九龍公園徑/中港城搭287D返新界。返了一日工, 有時未必想行去柯士甸站/ 尖東站搭MTR返屋企。

kmb71k 發表於 2022-2-23 22:20
989對象係屋邨東區返工客
加經四美都好正路
你要諗下四美交通已經唔係好方便

989問題係火炭出嚟要兜晒大半個六美會趕河西客
如果客量OK，繁時長遠係應該拆線

82K入美田，應該都係見縮短之後有時間剩就順便拉入去
不過講真，寧願82K先諗辦法停返第一城，保住第一城等車返大圍嘅客

至於74D，如果化蝶線派俾善水，相信九巴有機會考慮延長30分鐘時段去抗衡
亦有機會係考慮緊點樣進一步陰74A

drbean7218 發表於 2022-2-23 22:35
我會咁睇287D, 前設以奧運站及西九龍政府返工客做主打。

朝早ok, 廣東道只是bonus/ 以尖沙咀價收奧運站及 ...

行彌敦道死症係尖東站對開嘅交叉，改跟280X中郵走，極其量只係食少咗匯豐燈位，覺唔覺得係可取過依家走線、就只有九巴先知，但比起行足大半條彌敦道都執唔到幾多客，疫情前幾乎班班車都例遲半粒鐘先到總站，博富榮同西九執到新客表面上似乎有著數。

RyanPun 發表於 2022-2-23 23:33
行彌敦道死症係尖東站對開嘅交叉，改跟280X中郵走，極其量只係食少咗匯豐燈位，覺唔覺得係可取過依家走線 ...

現在的走線當然唔可取, 但新建議都唔好得幾多, 我估一樣咁伏及繼續比車長去搏OT


放工擺紅磡站理解, 因為求其揾架87D都可以做287D, 但回程可否跟260X落尖東站, 唔要漆咸道南。仲有, 跟返281E用紅梅谷路...去第一城。

在中途站等特別車, 好忌等到天荒地老。如果我在大角咀等車返馬鞍山,  上了287X再返去轉車好過。

所以, 以前86P及87E放工都是蝕著做, 九巴都接受到。 真心覺得九巴可以進取一些, 好過搞到287D唔拖唔水。

drbean7218 發表於 2022-2-24 00:17
現在的走線當然唔可取, 但新建議都唔好得幾多, 我估一樣咁伏及繼續比車長去搏OT

其實287D同286C官方一直有講替代路線（紅梅谷/文化博物館），但因為之前有區議員用呢個理由要求286C停富豪，所以九巴靳令左埔公塞到瀨屎都要行。

kmb71k 發表於 2022-2-23 22:20
989對象係屋邨東區返工客
加經四美都好正路
你要諗下四美交通已經唔係好方便

係989開辦既討論帖度，當時已經有人話989係四美區既定線好唔開胃。我都明白美林美田一帶的交通好唔方便，其中一點係無全日的過海車，又唔近鐵；
但當火炭至沙中沿線既乘客連81走線(大埔公路大圍段南行、美田路、美輝街、大埔大埔公路大圍段北行)都話接受唔到既時候，
咁兜足哂六美屋苑既989，又點會令頭站區(火炭至沙中)既居民接受呢？
源和路想快就話可以900/280X轉九記獨營東區線，沙中想快仲話可以搭鐵，
但唔近火炭火車站既駿洋邨居民呢？一係轉幾次車(285/285A+鐵)，一係硬食989。
當初我都睇好989線有好大潛質做全日(雖然900先跑出做半全日)，不過如果個建議過到，好老實講，有保留！

另外82K個問題，你唔講我都唔記得80單野。
鬼叫當初個議員短視咩？
雖然搬站唔成，但80都一度執到d貴價短途客落大圍火車站。
講返82K，我都係覺得如果九巴係有心想搞，早應該係美田入伙時搞。
入左伙十六年先搞，只會比人覺得係搵條頹線入美田霸住個位咋！
起青沙對美林一帶都唔知好事定壞事？唔好係美林總站從此只可轉左(80去程既定線就係焗住要咁行，如果當初係搬到去美田，就變左係回程兜，見985行法)；
好既或者是美田多左全日既深長荔車，旺角車都叫做有條單向限定既81停美輝街。

流星☆雨 發表於 2022-2-23 23:00
989問題係火炭出嚟要兜晒大半個六美會趕河西客
如果客量OK，繁時長遠係應該拆線

不過第一城返大圍都有比82K更好既選擇。

美林：80K
新翠、隆亨：80K、81C/281B(新翠邨巴士站落車行大約5至10分鐘到商場)、803(顯徑方向係唔經隆亨)、804(顯徑方向係唔經隆亨)
大圍站：馬鐵
顯徑：803、804
係去美田唔就腳。

80K過左沙中後就係美林。

drbean7218 發表於 2022-2-24 00:17
現在的走線當然唔可取, 但新建議都唔好得幾多, 我估一樣咁伏及繼續比車長去搏OT

得果一兩班車，蝕極有限。
87E開辦雖然係target烏溪沙和白石居民，但住得果邊既一係搭鐵，一係揸車，而家馬鐵和西鐵連埋一齊，烏溪沙搭鐵可以一程過去尖東，
87E應該執唔到幾多烏溪沙客。所以回程改經錦英果邊都係好事，執下d唔近鐵既居民，耀安既又多一個比87D快既選擇。

青沙行返馬鞍山既問題，下繁不論直行埔公，定係落大圍八爪魚天橋，都一樣要塞，只不過後者塞少d。
九巴既做法無疑是斬腳趾避沙蟲，但如果有替代/後備方案會更理想。

AVW28 發表於 2022-2-24 09:00
係989開辦既討論帖度，當時已經有人話989係四美區既定線好唔開胃。我都明白美林美田一帶的交通好唔方便， ...

989火炭至沙田市中心夠客嘅就可以好似80/80P 286X/286P 985A/985B 咁做，唔夠客就真係無計

尤其986改埋田心圈變尾站，再兜埋美林換走989肯定又到沙田圍一帶反對

AVW28 發表於 2022-2-24 09:18
得果一兩班車，蝕極有限。
87E開辦雖然係target烏溪沙和白石居民，但住得果邊既一係搭鐵，一係揸車，而家 ...

其實係有替代，但因為有區議員用塞車做理由要求停富豪（286C），所以九巴唔再比車長行替代路線