[愚問]北港島綫可否用屯馬方式，3線合一，東涌直達寶琳？

ryandroid 發表於 2022-3-13 17:06
係你自己講港島綫入明日大嶼
結論又話港島去明日大嶼係額外嘅第三鐵路
如你所講嘅話

港島要三條平行鐵路，同港島線自己延長，無矛盾架喎
三條線形式好多，可以係：
保留港島線，港島線自己延長去明日大嶼，東涌線、將軍澳線各自進入灣銅
明日大嶼自己一條進入中環灣仔，同港島線、北港島線（換線交匯直通乜都好，總之兩條線）平行又得
總之要諗方法將路過港島北嘅明日大嶼人繞走

本身我反對換線，最主要就係將軍澳線人實在太多，要東區人逼上滿載將軍澳東九人嘅將軍澳線，影響好大，有可能令而家北角樽頸上唔到車嘅人，由將軍澳人變成東區人，唔係理想做法
而如果換線仲要用將軍澳線入明日大嶼，就更加係災難中嘅XO，北角以東去港島西同九龍西，朝早真係可以如你所願搭晒巴士，甚至波及反方向九龍西返港島東嗰班（呢條新將軍澳線朝早東行一樣載明日大嶼人出嚟，去到金鐘幾多位剩自己諗）
所以要考慮安排明日大嶼繞過港島核心地帶，而唔係換線方便佢哋路過核心地帶
呢個已經超越過去十幾年換線vs交匯嘅爭議

加上嚟緊將軍澳、東九龍、北大嶼山仍然會有可觀數量新住宅落成，會進一步佔據東將兩線嘅容量，換線仲係咪咁work，都已經係另一問題

仲有巴士呢個問題，歡迎閣下去B2版睇小弟評價新城喺東區嘅服務
簡單講，東區巴士已經係一手好牌，但新城都打到變爛牌，送客俾地鐵，如果仲叫新城食咗東區地鐵客，絕對不敢想像

1181174166 發表於 2022-3-13 17:57
問題係你玩simutrans唔係一次
龍鼓灘客量支持到中運量都成問題，重要9/10卡車入去?
小欖至落馬洲基本上可 ...

曾咀、龍鼓灘一段我都知唔會夠客，所以班次極疏（30-60分鐘一班），其餘列車過站不停（即落馬洲至屯碼一段只停天北）
不過如果咁都唔ok則小欖後改去洪水橋同深圳灣

XL2135/D343344 發表於 2022-3-13 18:11
曾咀、龍鼓灘一段我都知唔會夠客，所以班次極疏（30-60分鐘一班），其餘列車過站不停（即落馬洲至屯碼一 ...

通過咪又係浪費
列車通過兜路都係要用電，條路長咗維修都係錢

HV7025 發表於 2022-3-13 18:00
港島要三條平行鐵路，同港島線自己延長，無矛盾架喎
三條線形式好多，可以係：
保留港島線，港島線自己延 ...

依家東大嶼鐵路係咪港島綫伸延都係十劃未有一撇
我個人亦唔同意港島綫或將軍澳綫拉去明日大嶼
係你拉港島綫去明日大嶼我先回應你
所以你認為港島去東大嶼係第三條鐵嘅話就唔需要依家再談落去

你話新城有靚牌啫
依家東鐵未過到海減銅鑼灣一帶車流
三隧又未分流減東廊西行嘅車流
搞掂呢2個因素自然有多啲靚牌

有港島綫繼續壟斷北港島交通嘅情況下
依家未減少東廊及銅鑼灣車流
做咩都唔會有明顯效果

s3n370 發表於 2022-3-13 17:54
如果可以响沙中/繞道起果陣一併搞埋，當然係假定有銅鑼灣北。
至於添馬多一層月台，同會展差不多level啫 ...

都未必咁簡單，銅鑼灣北站最大問題係景隆街一帶要做手術，佢既複雜性比會展站為高。
當戥繞道同沙中綫完全無搞垃圾站同油站以南路面，係大手術黎。

要做多層月台最大問題唔係添馬，而係會展，
因為起會展站根本無預做 3 線轉車站。
所以會展做交匯難度係最乞力。

dennis28a 發表於 2022-3-13 19:50
都未必咁簡單，銅鑼灣北站最大問題係景隆街一帶要做手術，佢既複雜性比會展站為高。
當戥繞道同沙中綫完 ...

目前EXC 3-way I/C option有不止一個方案，其中一個是改造EXC將TCL部分也一併整合，但正如你所指因本身沒有預留TCL的部分，因此施工難度相當高。
另一個方式就是在距離現時EXC較遠的位置興建TCL月台，再用轉乘通道接駁至EAL-TKL部分，不過這種交匯方式比起TAM的上下層形式更為不便。

tonyng 發表於 2022-3-13 23:44
目前EXC 3-way I/C option有不止一個方案，其中一個是改造EXC將TCL部分也一併整合，但正如你所指因本身沒 ...

雖然會議道九鐵會展站個位置轉乘較為不便
但技術上可行程度較現有站體擴建高好多

可惜嘅係無論維持係添馬站交匯
東將合併定會展3線轉車設計
都係睇五號地皮個業主點定奪

看見網友都在爭論不同的方案時，其實到真的想要規劃北港島綫的最終方案時，西隧的專營權也差不多過。到時西隧會有更多巴士過海，而且如果屎水沒有趕走東隧客的話，本來現有的鐵路和道路設施是夠應對過海的交通需求，北港島綫的可能也沒有太大必要去起，唯恨香港太依賴鐵路了。

ryandroid 發表於 2022-3-13 15:41
維港上環至銅鑼灣都唔使諗填海
冇位做一地兩檢

北港島線要15年內落成近乎冇可能，連已經開始準備嘅北環線都要12年之後

ryandroid 發表於 2022-3-13 18:25
依家東大嶼鐵路係咪港島綫伸延都係十劃未有一撇
我個人亦唔同意港島綫或將軍澳綫拉去明日大嶼
係你拉港島 ...

東大嶼鐵路，無論係新建定係現線伸延，九龍同將軍澳都要經香港島駁過去。東大嶼駁九龍條線係更加長遠時間嘅規劃，而且接駁方法好可能係東大嶼—美孚站—大圍站—第二南北走廊。如果咁駁嘅話，長遠而言觀塘區同將軍澳區去東大嶼依然要經港島