有自稱 Windy Official Fansclub 代表對本站表示極大憤慨及遺憾

日前本網報導有網友質疑《聲夢》詹天文的巴士廣告設計涉嫌有抄襲成份後，本站昨日收到一名自稱代表「Windy Official Fansclub」的人士私訊，表示「內容十分失實同具有極大唔導成份」及「表示極大憤慨及遺憾」，又指如本網堅持內容持平寫實，「我會唯有以法律途徑解決這件事！」

有關人士當被問及如何回應網民的質疑，便指「請問那一處有抄襲成份呢？」「我唔識設計， 我都係交比設計師設計， 我完全沒有留意Jeremy 架巴士是什麼樣子」「請問空心字型是否Mirror 專用！？」「Mirror 用過嘅顏色， 我們都不能用嗎？ 佢地用過嘅字型， 我們也不能用嗎？」為免被指斷章取義，本網已將有關對話的內容cap圖貼在本文 #2

事實上，在本站報導前後，不少網友都有提出兩個廣告「好似」，車頭設計元素更接近一樣，亦有自稱《聲夢傳奇》fans 亦持相同觀點，相信本站報導亦非偏頗，因此對於有關人士意圖透過法律行動要脅本網承認內容並非持平寫實，本站表示詫異及無奈。本站建議有關人士應該向有關設計師查問設計極度相似原因，而非試圖「解決提出問題的人」 。

另外本網亦需作出道歉啟事：由於本站全體編輯均沒有觀看過《聲夢傳奇》，亦不曾留意有關節目，因此把該節目名誤寫為《星夢傳奇》，導致被不少《聲夢傳奇》支持者批評，本網特此表示歉意，並會於日內更正有關錯誤。

有關對話的內容 cap 圖

本站先前有關《聲夢》詹天文的巴士廣告貼文： https://www.hkitalk.net/HKiTalk2/thread-2135539-1-1.html
(相片由抗疫小巴司機提供)





半年前推出的 MIRROR Jeremy 慶生巴士 #九尾狐號相片：https://www.hkitalk.net/HKiTalk2/thread-2120411-1-1.html

咁錯都錯在個設計師，不過設計師用一d熱門既配搭整野都唔奇，反正fans角度，靚就可以

唔緊要，我諗唔只各位admin，多數板友都冇睇嗰個唔知叫咩名嘅節目，所以冇人發現寫錯咗

葡萄就葡萄啦 某台的質數就係咁上下。咪法律途徑囉～ hkitalk 只係話惹抄襲疑雲，係描述緊呢個設計嘅爭議咋喎，有乜問題？仲有而家唔係淨係顏色同字形似，而係個排版都幾乎一樣（尤其係車頭），咁都有得話唔似。擺法律途徑就以為自己好有型

花生真香。🥜🥜

Italk 做得最好就是po 對話內容時有幫人名上馬賽克，個名仲係清晰可以見，呢下真係大家都知搵邊個啦

大家都係唔好貼呢架車的相啦, 一陣又話你侵犯佢版權, 出律師信告人...

見到架車好調頭走, 人地好尊貴架, 望多眼都睇蝕架!

#唔該照下鏡先啦
#唔係照抄鏡WOH