啲巴士路線編號係咪應該要重整一下？

eternalflame 發表於 2022-3-7 20:47
當年改電話號碼位數係因為唔夠用
除左land line之外仲有傳呼機同流動電話都要用到新號碼

唔係夠唔夠用既問題，係同樣合併號碼系統，同樣由一號最多三用，合併重組成每號全港獨一無二，當年合併電話號碼系統，有冇出現板友所講既問題？

3個住九龍既老友記 ，老友記A號碼係123456，老友記B號碼係7890123。老友記C幾廿年來，都係打比A就123456、打比B就7890123好地地。合併統一號碼後，老友記C打比A，就加3字頭打3123456，打比B，就照舊打7890123。當年有冇話會唔識打、要專人照顧輔導一排，至適應到打比A就加個3字，打比B就照舊？

如果當年有問題，係點樣適應到？
如果當年冇問題，咁今日合併巴士號碼系統，就會有咁多問題？

當年（路過）圍城線取消/重組，影响嗰幾千人，有人嘈喧巴閉，話阻住老人家出門！

而家rename全港巴士線number，影响過十至百萬人，同一個人話冇所謂，叫老人家再重新記過就可以！

果然雙重標準

teddybus 發表於 2022-3-7 21:05
當年取消280P，影响嗰幾千人，有人嘈喧巴閉，話阻住老人家出門！

而家rename全港巴士線number，影响過十至 ...

若要統一全港路線編號，其實又未至於要全港適應，頂多係港島人要適應多一點，因為香港島的人口的確愈來愈少。但我覺得本身2條全無交集的同編號路線又係咪非改不可？點解唔先去搞九龍新界那些30年前開始冷氣化時的2xxA、2xxM冗長編號？還有那些近年爆出嚟的X42C/T277及所有假P假S尾的編號？

jpoon 發表於 2022-3-7 20:56
以前老人家唔會記住電話號碼囉
以前個個都有本電話簿，記低晒啲電話號碼，要搵人就拎出嚟睇住打，甚至叫 ...

我淨係知道，當年取消地區字頭重組電話號碼，不見有輿論批評話擾民、會有人(不論老幼)會話唔適應、唔知點打電話。

而家傾對巴士號碼做同樣既事(影響未必大過當年重組電話號碼)，就咁多人唔知係FF定咩係咁話，會攪到呢個唔適應嗰個唔識搭車。


廢中廢老口中既一代不如一代，可能是真的。

mckhgc 發表於 2022-3-7 13:01
唔係夠唔夠用既問題，係同樣合併號碼系統，同樣由一號最多三用，合併重組成每號全港獨一無二，當年合併電 ...

當年整合電話號碼，有舖天蓋地嘅宣傳，
個rules係極簡單，變得黎都只係得三幾個可能性外，
有段時間係新舊號碼並行。
你諗下用呢一套套落巴士小巴度，會有乜後果？


更重要係整合號碼對電訊服務有好處，就算適應有困難都算合理。

問題係整合路線編號，除佐減少so called嘅混亂之外，對巴士服務有乜得益先？
無的話，個適應就係白蝕囉。

mckhgc 發表於 2022-3-7 21:01
唔係夠唔夠用既問題，係同樣合併號碼系統，同樣由一號最多三用，合併重組成每號全港獨一無二，當年合併電 ...

因為擴展電話號碼係用左好多年先完成
新開嘅號碼就7個位
舊冧巴就逐區加1個位
到最後廢除地區字頭個陣
原6位電話號碼就食埋原來地區字頭升做7位
呢度用左超過8年時間

6轉7個陣規則好簡單
得港島九龍兩區電話仲有6個位
就跟九龍號碼前面加3（九龍字頭）
港島號碼前面加5（港島字頭）

到7轉8個陣都只係大部分固網前面加2字添

你真心覺得改巴士路線編號好似上面咁簡單？

Phoenix 發表於 2022-3-7 21:14
若要統一全港路線編號，其實又未至於要全港適應，頂多係港島人要適應多一點，因為香港島的人口的確愈來愈 ...

改咗個號碼係咪提升到服務先？

s3n370 發表於 2022-3-7 21:21
當年整合電話號碼，有舖天蓋地嘅宣傳，
個rules係極簡單，變得黎都只係得三幾個可能性外，
有段時間係新 ...

1989年易撥日廣告
https://youtu.be/Z8xglqsdR6Q

編號易記了、易講了，路線牌又會更加清楚，對乘客來說也算提升了服務。我不是為改而改，我只想簡化冗長編號。

eternalflame 發表於 2022-3-7 13:23
改咗個號碼係咪提升到服務先？

對要記哂全港九新界路線嘅號碼迷，易記佐咪係提升服務囉

P.S.小弟有D好奇，如果由路線迷A按佢自己嘅logic整合路線編碼，
唔知路線迷BCDEF...有幾多個跟到呢