[翻炒冷飯]日本航空 JL736 香港<>東京(成田) 經濟艙體驗 *你哋問返italk點解啲相會自動轉向
已經有成2年無坐過飛機,所以已經計劃好嘅行程都再三拖延落去,受各位版友啟發就將一篇未曾喺hkitalk發佈亦未有原稿留底嘅飛行報告重新撰寫。
日期:06JAN2018 時間:10:25-1325 航班:JL736 機型:Boeing 787-9 JA865J
點解當年會選擇JAL?首先係當年買唔到員工優惠機票,第二係飛日本已經坐過一次ANA,網上亦甚少有關JAL 787-9嘅飛行報告,所以先揀JAL。 大約10點正左右會開放航空公司會員及商務艙乘客登機,之後再安排經濟艙第50行起嘅乘客登機,過程順暢無阻滯。 座位已經準備好備品,屬標準配置 座椅採用JAL SKY SUITE,相對同公司嘅787-8更似新機同更舒適,2+4+2座位佈局鮮見於營運787嘅航空公司,闊啲當然好啲啦
IFE係JAL MAGIC IV,流暢度同新CX機嗰套差唔多,而且登機時已經可以用到IFE 坐慣香港同台灣航空公司,對住日本航空公司套系統就會覺得好少嘢睇,叫做當年同ANA比就好好多 機上雜誌、安全卡、機上WiFi、飲品目錄同嘔吐袋 當期飛機餐:水果盒、蕎麥麵、沙律、小餐包、煎龍俐柳配白汁螺絲粉、哈根大師雪糕曲奇味,坐我隔離嘅Cabin crew仲問我要唔要多個
機上WiFi 新飛機通常都會標準配備WiFi網絡,JAL 機上WiFi分3種Plan但全部無限用量 落地之後就直奔JR售票窗口買N’EX來回車票,之後直奔市區去酒店安頓好先再去食飯,展開5日4夜嘅行程 好啦,有時間就再寫埋另外兩篇放埋上嚟,希望隨著各國開始與病毒共存嘅政策,係不久嘅將來可以再次睇到航空版會有更多新嘅飛行報告
|